കുരങ്ങ് കോടിക്കണക്കിന് രൂപയുടെ സ്വത്തുക്കളുടെ അവകാശി
ഉത്തര്പ്രദേശിലെ റായ് ബറേലി സ്വദേശികളായ സവിഷ്ട ബ്രജീഷ് ദമ്പതികള് തങ്ങളുടെ കോടിക്കണക്കിന് രൂപയുടെ സ്വത്തുക്കളുടെ അവകാശിയായി തങ്ങള് വളര്ത്തുന്ന കുരങ്ങിനെ തെരഞ്ഞെടുത്തു. \'ചുന്മുന്\' എന്ന കുരങ്ങിനാണ് ഈ ഭാഗ്യം വന്നത്.
മക്കളില്ലാത്ത സവിഷ്ടബ്രിജീഷ് ദമ്പതികള്ക്ക് ഒരു അനുഗ്രഹം പോലെ ലഭിച്ചതാണ് ചുന്മുനിനെ. ഒരിക്കല് വളരെ ഉയരത്തില് നിന്നും ഒരു അമ്മക്കുരങ്ങ് നിലത്ത് വീഴുന്നത് സവിഷ്ട കാണാനിടയായി. വീഴ്ചയില് അമ്മക്കുരങ്ങ് ചത്തെങ്കിലും അതിന്റെ നെഞ്ചത്ത് അടക്കിപ്പിടിച്ചിരുന്ന കുഞ്ഞു കുരങ്ങിന് ഒരു പോറല് പോലും ഏറ്റിരുന്നില്ല. ഇതോടെ അമ്മ നഷ്ടപ്പെട്ട കുഞ്ഞ് കുരങ്ങനെ ഇവര് ദത്തെടുക്കാന് തീരുമാനിക്കുകയായിരുന്നു.
ചുന്മുന് എന്ന് പേരിട്ട് കുഞ്ഞ് കുരങ്ങനെ അവര് ഓമനിച്ച് വളര്ത്തി. സ്വന്തം മകനെപോലെ സ്നേഹിച്ചു. ചുന്മുന് തിരിച്ചും.
ഇവരുടെ വീടിന്റെ പേര് തന്നെ ചുന്മുന് ഹൗസ് എന്നാണ്. തങ്ങള് ഏറെ സ്നേഹിക്കുന്ന ചുന്മുനിന് തങ്ങളുടെ സകല സ്വത്തുക്കളും നല്കാന് ദമ്പതികള് തീരുമാനിച്ചു. എഴുപത് ലക്ഷം രൂപ വിലയുള്ള വീടും 200 യാര്ഡ് സ്ഥലവും ദശലക്ഷക്കണക്കിന് രൂപയുടെ ബാങ്ക് അക്കൗണ്ടുകളുമാണ് തങ്ങളുടെ കാലശേഷം ചുന്മുനിന് നല്കാന് ഇവര് തീരുമാനിച്ചിരിക്കുന്നത്. ചുന്മുന് തങ്ങളുടെ കുടുംബത്തിന്റെ ഒരു ഭാഗ്യമാണെന്നും ബ്രജേഷ് പറഞ്ഞു. ഈ മില്ലേനിയര് മംഗിയുടെ ഭാഗ്യം അന്താരാഷ്ട മാധ്യമങ്ങള് വരെ വളരെ പ്രാധാന്യത്തോടെയാണ് പ്രസിദ്ധീകരിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha