പരാതി പിന്‍വലിച്ചതോടെ മുപ്പത്തിയൊന്നുകാരിയായ ആന്‍ഡ്രിയ മരണത്തിന്റെ വഴിയിലേക്കാണ് എത്തിച്ചേര്‍ന്നത്. ആന്‍ഡ്രിയ എന്ന ഈ യുവതി പ്രതീക്ഷിച്ച് കാണില്ല ഭര്‍ത്താവ് തന്നെ മരണത്തിന്റെ പാതയിലേക്ക് കൊണ്ടെത്തിക്കുമെന്ന്. 26കാരനായ കാലേബയാണ് സ്വന്തം ഭാര്യയെ ക്രൂരമായി ശ്വാസം മുട്ടിച്ച് കൊന്നത്. അമേരിക്കന്‍ സേനയുടെ ഒരു വിഭാഗമായ യുണൈറ്റഡ് സ്റ്റേറ്റ് മറൈന്‍ കോറിലെ വിമുക്ത ഭടനാണ് കാലേബ എന്ന ഈ ചെറുപ്പകാരന്‍. കാലേബ മുപ്പത്തിയൊന്നുകാരിയായ ഭാര്യ ആന്‍ഡ്രിയയോടും രണ്ടു പെണ്‍മക്കളോടുമൊപ്പം അപ്പോള്‍ സന്തോഷകരമായി ജീവിക്കുന്നുവെന്നായിരുന്നു ബന്ധുക്കളുടെയും സുഹൃത്തുക്കളുടെയും ധാരണ. എന്നാല്‍ അടുത്തിടെ, അടിയന്തിര ഘട്ടങ്ങള്‍ ഉണ്ടാകുമ്പോള്‍ പോലീസ് സഹായം തേടാനുള്ള നമ്പറിലേയ്ക്ക് ആന്‍ഡ്രിയയുടെ ഒരു ഫോണ്‍ വിളിയെത്തി തന്റെ ഭര്‍ത്താവായ കാലേബ് തന്റെ തലയിലൂടെ മോട്ടോര്‍ ഓയില്‍ ഒഴിച്ച് തന്നെ കത്തിക്കാന്‍ ശ്രമിക്കുകയാണെന്നും ഉടനെത്തി തന്നെ രക്ഷിക്കണമെന്നുമായിരുന്നു വിളിച്ചു പറഞ്ഞത്. പെട്ടെന്നു തന്നെ പോലീസ് സംഘമെത്തി. ആന്‍ഡ്രിയയെ രക്ഷിക്കുകയും കാലേബിനെ കസ്റ്റഡിയിലെടുക്കുകയുമാണ് ചെയ്തതു.
തുടര്‍ന്ന് കോടതിയില്‍ വിചാരണയുടെ ദിവസമെത്തി. പോലീസ് ഉദ്യോഗസ്ഥര്‍ക്കും മറ്റുള്ളവര്‍ക്കും സംശയം തോന്നേണ്ട എന്ന് കരുതി വളരെ മാന്യനായി നില്‍ക്കാന്‍ തന്നെ കാലേബ് തീരുമാനിച്ചു. അതിനായി, 
ടൈയുമൊക്കെ ധരിച്ചാണ് കാലേബ് കോടതിയില്‍ എത്തിയത്. എന്നാല്‍ തന്റെ കുഞ്ഞുങ്ങളുടെ അച്ഛനെ വിചാരണ നടത്തി .ജയിലിലടയ്ക്കാന്‍ ഭാര്യ ആന്‍ഡ്രിയയ്ക്കു താല്‍പര്യമില്ലായിരുന്നു. അതുകൊണ്ട് കോടതിയില്‍ കയറുന്നതിനു മുമ്പുതന്നെ അയാള്‍ക്കെതിരെയുള്ള പരാതി പിന്‍വലിയ്ക്കുകയാണെന്ന് ആന്‍ഡ്രിയ ബന്ധപ്പെട്ട അധികാരികളെ അറിയിക്കുകയായിരുന്നു. ജീവിതം പുതുതായി തുടങ്ങാനായി കാലേബിന്റെ ചെയ്തികളൊക്കെ ക്ഷമിക്കുകയാണെന്ന് പറഞ്ഞ് അയാളോടൊപ്പം വീട്ടിലേയ്ക്ക്മടങ്ങി.
എന്നാല്‍ തന്നോടൊപ്പം കാറില്‍ തിരിച്ച ആന്‍ഡ്രിയയുമായി വഴിയില്‍ വച്ച് തര്‍ക്കമുണ്ടായെന്നും, ഒന്നിച്ചു ജീവിക്കണോ എന്ന കാര്യം ആലോചിച്ചിട്ട് അറിയിക്കാമെന്നും പറഞ്ഞ് ഇടയ്ക്ക് വച്ച് കാറില്‍ നിന്നിറങ്ങിപ്പോയ ആന്‍ഡ്രിയ തിരിച്ചെത്തിയില്ല എന്നും കാണിച്ച് പിറ്റേന്ന് കാലേബ പരാതി നല്‍കി. പരാതിയെ തുടര്‍ന്ന് പോലീസ് അന്വോഷണം ആരംഭിച്ചു. ഒന്നു രണ്ടു ദിവസം കഴിഞ്ഞപ്പോള്‍ അവിടെ അടുത്തുള്ള ഒക്കോക്വന്‍ നദിയില്‍ മീന്‍ പിടിച്ച് കൊണ്ടിരുന്ന ഒരാള്‍ ആറ്റില്‍ ഒരു ജഡം കണ്ടെത്തിയെന്നറിയിച്ചതിനെ തുടര്‍ന്നെത്തിയ പോലീസ് അത് ആന്‍ഡ്രിയയുടെതാണെന്ന് തിരിച്ചറിഞ്ഞു. കാലേബിനെ ചോദ്യം ചെയ്തപ്പോള്‍ കാറില്‍ വച്ച് തര്‍ക്കമുണ്ടായപ്പോള്‍ ഇനി ഉപദ്രവിച്ചാല്‍ വീണ്ടും പോലീസിനെ അറിയിക്കുമെന്ന് അവള്‍ പറഞ്ഞതിനെ തുടര്‍ന്ന് കാറിലിട്ട് അവളെ തന്റെ ടൈ ഉപയോഗിച്ച് ശ്വാസം മുട്ടിച്ചു കൊല്ലുകയായിരുന്നുവെന്ന് അയാള്‍ സമ്മതിച്ചു. തുടര്‍ന്ന് ജഡം ഒരു വലിയ ബാഗിലാക്കി കല്ലുകള്‍ നിറച്ച് നദിയില്‍ തള്ളുകയായിരുന്നു. 
ആന്‍ഡ്രിയയുടെ കഴുത്തില്‍ മുറുക്കിയിരുന്ന ടൈ കാലേബ് അന്നേ ദിവസം ധരിച്ചിരുന്നതായിരുന്നുവെന്ന് കോടതിയിലെ സിസിടിവി ദൃശ്യങ്ങളില്‍ നിന്നും വ്യക്തമായി. അവളുടെ ജഡത്തോടൊപ്പം ഉണ്ടായിരുന്ന കല്ലുകള്‍ അയാളുടെ വീടിനു പുറകു വശത്തുള്ള തരം കല്ലുകളാണെന്നും തെളിഞ്ഞതോടെ കാലേബിന് ജീവപര്യന്തം ശിക്ഷ വിധിച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha