ലോകത്തിലെ ഏറ്റവും പൊക്കം കുറഞ്ഞ പശുവെന്ന ലോക റെക്കോര്‍ഡ് കോഴിക്കോട് അത്തോളിയിലുള്ള മാണിക്യം എന്ന പശുവിന്. ഗിന്നസ് ബുക്ക് അധികൃതര്‍ ഇതിന് ഔദ്യോഗികഅംഗീകാരം നല്‍കി. മാണിക്യത്തിന് 61.5 സെ.മീ. ഉയരമേയുള്ളു. അതായത് കഷ്ടിച്ച് 2അടി ഉയരം.

കോഴിക്കോട്ടെ കര്‍ഷകനും പരിസ്ഥിതി പ്രവര്‍ത്തകനുമായ എന്‍.വി.ബാലകൃഷ്ണന്റേതാണ് ഈ പശു. ബാലകൃഷ്ണന്റെയൊപ്പം മാണിക്യത്തേയും ചേര്‍ത്തുനിര്‍ത്തിയാല്‍ ബാലകൃഷ്ണന്റെ കാല്‍മുട്ടിനൊപ്പം വരെയേ മാണിക്യന് ഉയരമുള്ളൂവെന്നു കാണാം. 69.07 സെ.മീ. ഉയരമുണ്ടായിരുന്ന പശുവിന്റെ റെക്കോര്‍ഡാണ് മാണിക്യം തിരുത്തിയത്.

മാണിക്യത്തെ, അഞ്ചുവര്‍ഷം മുമ്പ് കിടാവായിരിക്കുമ്പോള്‍ ബാലകൃഷ്ണന് ലഭിച്ചതാണ്. നല്ല ശ്രദ്ധയോടെതന്നെ പരിചരിച്ചിരുന്നു എങ്കിലും ഇത്ര ഉയരമേ ഉണ്ടായുള്ളൂ എന്നും, ഇപ്പോള്‍ അത്തോളിയില്‍ മാണിക്യമാണ് താരമെന്നും ബാലകൃഷ്ണന്‍ പറയുന്നു. വീട്ടിലെ ഒരംഗത്തെപ്പോലെയാണ് മാണിക്യമെന്നും, പേരുവിളിച്ചാല്‍ ഓടിയെത്തുന്ന അവളേയും കൊണ്ട് പുറത്തിറങ്ങിയാല്‍ അവളോടൊപ്പം നിന്ന് ഫോട്ടോയെടുക്കാന്‍ അത്തോളി പ്രദേശത്തുള്ളവര്‍ മല്‍സരിക്കുകയാണെന്നും ബാലകൃഷ്ണന്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha