കുടിക്കാന് കാപ്പിയും കഴിക്കാന് കപ്പും!
കെഎഫ്സി- യെന്ന് കേട്ടിട്ടില്ലാത്തവര് ചുരുക്കമായിരിക്കും. കെന്റക്കി ഫ്രൈഡ് ചിക്കന് എന്നതിന്റെ ചുരുക്കെഴുത്തായ കെ.എഫ്.സി., യു.എസിലെ ലൂയിസ് വില്ലിലെ കെന്റക്കിയില് ഹെഡ്ക്വാര്ട്ടേഴ്സ് ഉള്ള ഫാസ്റ്റ്ഫുഡ് ശൃംഖലയാണ്. ഫ്രൈഡ് ചിക്കനിലൂടെയാണ് കെ.എഫ്.സി. വിപണി പിടിച്ചടക്കിയത്.
ലോകപ്രശസ്ത ഭക്ഷ്യശൃംഖലയായ കെഎഫ്സി, വീണ്ടും എത്തിയിരിക്കുന്നത് കോപ്പയില് വിപ്ലവത്തിന്റെ കൊടുങ്കാറ്റുമായാണ്. ചൂടിനെ പ്രതിരോധിക്കാന് ശേഷിയുള്ള വെളുത്ത ചോക്ലേറ്റും പ്രത്യേകതരം ബിസ്കറ്റും ചേര്ത്തു നിര്മിച്ചിരിക്കുന്ന ലോകത്തെ ഭക്ഷ്യയോഗ്യമായ ആദ്യ കാപ്പിക്കപ്പ് കെ.എഫ്.സി.യുടെ അണിയറയില് തയാറാകുന്നു. \'സ്കോഫ്\' എന്നാണ് പുതിയ കപ്പിന്റെ പേര്.
ചോക്ലേറ്റിന്റെ പാളിയാണ് കാപ്പിയുടെ ചൂടു നിലനിര്ത്തുന്നത്. പ്രശസ്തരായ ഭക്ഷ്യശാസ്ത്രജ്ഞരുമായി ചേര്ന്നാണു കപ്പ് ഒരുക്കിയിരിക്കുന്നത്. രുചിയില് മാത്രമല്ല, ഗന്ധത്തിലും മുന്നിലാണു കപ്പെന്നാണ് ശാസ്ത്രജ്ഞരുടെ അഭിപ്രായം. കാട്ടുപൂക്കളുടെ അടക്കം വശ്യമായ ഗന്ധങ്ങളും ഇതിലുണ്ടാകും. കാപ്പികൊണ്ടു മാത്രമല്ല, കപ്പുകൊണ്ടും വിപണി പിടിക്കാനാണു കെഎഫ്സി കോപ്പുകൂട്ടുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha