ഒരു വൈറസിനും കൊറോണക്കും തകര്‍ക്കാനാവാത്ത പ്രണയം ! കൊറോണയുടെ പേരിൽ ചൈനയെ എല്ലാവരും ഒറ്റപ്പെടുത്തുമ്പോൾ വിവാഹത്തിലൂടെ കൂട്ടി പിടിച്ച് ഇന്ത്യ... കൊറോണയെ മറികടന്ന് ഒരു ഇന്ത്യാ -ചൈനീസ് വിവാഹം; അപൂര്‍വ പ്രണയകഥ ഇങ്ങനെ…

യഥാര്‍ഥ പ്രണയത്തെ തോൽപ്പിക്കാൻ ഒരു ശക്തിക്കും സാധ്യമല്ലെന്നു ഒരിക്കൽ കൂടി അടിവരയിട്ട് ഉറപ്പിക്കുകയാണ് ഈ നവ ദമ്പതികൾ . കൊറോണ വൈറസ് എന്നല്ല ഒരു ശക്തിയ്ക്കും ഇവരെ വേർപിരിക്കാനാകില്ല... ജി ഹോ എന്ന ചൈനക്കാരിയുടെയും സത്യാര്‍ത്ഥ് എന്ന ഇന്ത്യക്കാരന്റെയും വിവാഹം ഇരു കുടുംബങ്ങളുടെയും ആശിര്‍വാദത്തോടെ നടന്നപ്പോള്‍ വിജയിച്ചത് പ്രണയമാണ്. തോറ്റത് കൊറോണ പേടിയും...

അഞ്ച് വര്‍ഷം മുന്‍പ് കാനഡയിലെ ഷെറിഡണ്‍ യൂണിവേഴ്സിറ്റിയില്‍ വിദ്യാര്‍ത്ഥിയായിരുന്നപ്പോഴാണ് ചൈനക്കാരിയായ ജി ഹൊ സത്യാര്‍ത്ഥ് മിശ്രയെ കണ്ട് മുട്ടുന്നത്. ഇരുവരും നല്ല സുഹൃത്തുക്കളായി. പിന്നീട് പതുക്കെ ആ സൗഹൃദം പ്രണയത്തിലേക്ക് വഴിമാറി .എന്നാൽ ആരും അറിയാതെ ഒളിച്ചോടിപ്പോയി വിവാഹം കഴിക്കാൻ ഇരുവരും തയ്യാറായില്ല ... ഇരുവരുടെയും മാതാപിതാക്കളുടെ അനുവാദത്തോടെ വിവാഹം കഴിക്കാനായിരുന്നു ഇവരുടെ തീരുമാനം.

അങ്ങനെ സത്യാര്‍ത്ഥിന്റെ നാട്ടില്‍ വെച്ച് ഫെബ്രുവരി രണ്ടിന് ഇന്ത്യന്‍ ആചാരങ്ങള്‍ പ്രകാരം വിവാഹം നടത്താന്‍ തീരുമാനിക്കുകയായിരുന്നു. വധുവിന്റെ മാതാപിതാക്കള്‍ ജനുവരി 29ന് തന്നെ എത്തി. പിന്നീട് നിശ്ചയിച്ച ദിവസം തന്നെ വിവാഹിതരായി.

ചൈനയില്‍ വെച്ച് വിവാഹ ചടങ്ങുകള്‍ നടത്താന്‍ തീരുമാനിച്ചെങ്കിലും കൊറോണ കാരണം വിവാഹചടങ്ങുകൾ നീട്ടിവെക്കാന്‍ തീരുമാനിക്കുകയായിരുന്നു. ഇന്ത്യന്‍ സംസ്‌കാരവും ഭക്ഷണവും ഒരുപാട് ഇഷ്മായെന്ന് ജി ഹൊ പറഞ്ഞു. മരുമകളെ ഇഷ്ട്ടമായെന്നും സത്യാര്‍ത്ഥിന്റെ പ്രണയം നേരത്തെ അറിയാമായിരുന്നു എന്നും സത്യാര്‍ത്ഥിന്റെ അമ്മയും പറയുമ്പോൾ ഒന്നായത് രണ്ടു രാജ്യങ്ങളിൽ വിരിഞ്ഞ പ്രണയം