വീട് വില്ക്കാന് വേറിട്ട വിപണന തന്ത്രവുമായി വീട്ടമ്മ
ഈ വീടുവാങ്ങിച്ചാല് വീടിനൊപ്പം ഭാര്യയെകൂടി ഫ്രീ കിട്ടും. ഇന്ഡോനേഷ്യയിലെ ഒരു വീട്ടമ്മയാണ് വേറിട്ടതും അസാധാരണവുമായ ഒരു വിപണന തന്ത്രവുമായി തന്റെ വീട് വില്ക്കാനായി പരസ്യം ചെയ്തിരിക്കുന്നത്. ജാവ ദ്വീപിലെ യോഗ്യകാര്ത്തയിലെ തന്റെ രണ്ടു ബെഡ്റൂം വീട് വാങ്ങുന്നവര്ക്കാണ് ഭാര്യയെ ഫ്രീയായി കിട്ടുന്നത്. ഭാര്യ മറ്റാരുമല്ല സാക്ഷാല് 40കാരിയായ വീട്ടുടമ വിന ലിയ തന്നെ.
എന്നാല് പരസ്യം കണ്ട് വീട് വാങ്ങാനുള്ള താല്പര്യവുമായി ആളുകളുടെ പ്രവാഹം തന്നെയുണ്ട്.
2000ല് ഭര്ത്താവിനെ നഷ്ടപ്പെട്ട ലിയ ഈ റിയല് എസ്റ്റേറ്റ് പരസ്യത്തിലൂടെ പുതിയൊരു ജീവിത പങ്കാളിയെ കിട്ടുമെന്ന പ്രതീക്ഷയിലാണ്. മക്കളെ വളര്ത്താന് പണം കണ്ടെത്തുന്നതിനാണ് വീടു വില്ക്കാന് തീരുമാനിച്ചത്. സ്വന്തമായി ഒരു സലൂണ് കൂടിയുള്ള ലിയ ആദ്യം വീടു മാത്രം വില്ക്കാനാണ് തീരുമാനിച്ചിരുന്നത്. എന്നാല് സുഹൃത്തായ ഒരു റിയല് എസ്റ്റേറ്റ് ഏജന്റ് ആണ് ഈ വിപണന തന്ത്രം ലിയയ്ക്കു പറഞ്ഞു കൊടുത്തത്.
വീടു വാങ്ങാന് വരുന്നവര് ആരായാലും അവര് തന്നെ ഭാര്യയാക്കേണ്ടി വരുമെന്നാണ് ഈ വീട്ടമ്മയുടെ കണ്ടീഷന്. ഒരു പ്രോപര്ട്ടി വെബ്സൈറ്റിലാണ് ലിയ തന്റെ വീട് ആദ്യം വില്പ്പനയ്ക്കു വച്ചത്. ഇതു കണ്ട് പലരും ആശ്ചര്യപ്പെട്ടു. ആദ്യമാരും വിശ്വസിച്ചില്ല. വെറും തമാശയായിരിക്കുമെന്ന് കരുതി. സംഭവം വാര്ത്തയായതോടെ സ്ഥിരീകരണവുമായി ലിയ തന്നെ രംഗത്തെത്തുകയും ചെയ്തു. ഇതൊരു തമാശയല്ലെന്നും വീടു വാങ്ങുന്ന പുരുഷന് ആരായാലും താന് വിവാഹം ചെയ്യാന് തയാറാണെന്ന് ലിയ ഇന്ഡോനേഷ്യന് ചാനലായ മെട്രോ ടിവിയോട് പറഞ്ഞു.
ഈ വിട് വാങ്ങുന്നയാള് തന്റെ ഭര്ത്താവ് ആകുന്നതോട് കൂടി വീട് തന്നില്നിന്ന് നഷ്ടപെടുകയില്ല, തനിക്ക് പണവും കിട്ടും ഭര്ത്താവിനെയും കിട്ടുമെന്നാണ് ലിയ പറയുന്നത്. 2013ല് നിര്മ്മിച്ച 523 ചതുരശ്ര അടി വിസ്തീര്ണമുള്ള വീടിന് ഏതാണ് 76,400 യുഎസ് ഡോളറാണ് വിലയിട്ടിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha