മഞ്ജുവിനെ കണ്ടു പഠിക്കണം... എല്ലാം ഉള്ളിലൊതുക്കി കത്തുന്ന മനസുമായി മഞ്ജു ചിരിക്കുന്നു
ജീവിതത്തില് ഉയര്ച്ച താഴ്ചകള് ഉണ്ടാകാത്തവര് ആരുമില്ല. പ്രിയപ്പെട്ടവര് എല്ലാവരും ജീവിച്ചിരിക്കെ ആരും ഇല്ലാത്ത അവസ്ഥയിലാണ് മഞ്ജു വാര്യര്. ഏറെ ആഗ്രഹിച്ച് സ്വന്തമാക്കിയ ദിലീപ് ഇന്ന് അന്യമാണ്. മനസുകള് തമ്മില് ഒന്നിച്ചതിനെ നിയമം കൊണ്ട് വേര്പെടുത്തി. വേറാരൊക്കയോ ഭര്ത്താവിന് വേണ്ടി അവകാശം ഉന്നയിക്കുമ്പോള് പൂര്ണ സമ്മതത്തോടെ വിട്ടു കൊടുക്കാന് ഏത് ഭാര്യയ്ക്കാ കഴിയുന്നത്. അവസാനം ആ ഭര്ത്താവിന്റെ ഉള്ളിലിരിപ്പും അതുതന്നെയാണെന്നറിഞ്ഞപ്പോള് പിന്നെ മഞ്ജുവിന് പിടിച്ചു നില്ക്കാനായില്ല. അങ്ങനെ ഒന്നായവര് രണ്ടായി.
കാക്കയ്ക്കും തന് കുഞ്ഞ് പൊന്കുഞ്ഞെന്നാണ് വയ്പ്. എന്നാല് ഇവിടത്തേത് കാക്കക്കുഞ്ഞൊന്നുമല്ല. തനി പൊന്നിന് കുഞ്ഞ് തന്നെ. ഭര്ത്താവിനൊപ്പം ആ പൊന്കുഞ്ഞും കൈവിട്ട് പോകുന്നത് വേദനയോടെ നോക്കി നില്ക്കാനേ മഞ്ജുവിനായുള്ളൂ. അമ്മയുടെ സാമിപ്യം ഏറെ ആവശ്യമുള്ള ഈ വേളയില് ചിലരൊക്കെ മഞ്ജുവിനെ കുറ്റപ്പെടുത്തി. അവള്ക്കിത് എന്തിന്റെ കേടാ... ആ കുഞ്ഞിന്റെ കാര്യമെങ്കിലും നോക്കണ്ടെ. പക്ഷെ ആ കുഞ്ഞിന് പോലും അച്ഛന്റെ കൂടെ നില്ക്കാനാണ് താത്പര്യം പ്രകടിപ്പിച്ചത്. അതിനും കുറ്റം മഞ്ജുവിനായി. അച്ഛന്റെ കൂടെ കുഞ്ഞ് നില്ക്കണമെന്ന് വാശി പിടിക്കണമെങ്കില് അതില് എന്തോ ഉണ്ട്. അവള്ക്ക് അമ്മയെ ഇഷ്ടമില്ല എന്നല്ലേ. ആ ഇഷ്ടമില്ലായ്മക്കും ഒരു കാരണം കാണുമല്ലോ... അപ്പോള് ആരാ ശരിയല്ലാത്തത്?
ഇങ്ങനെ ഉത്തരം കിട്ടുന്നതും കിട്ടാത്തതുമായ ചോദ്യശരങ്ങള് ഇഷ്ടക്കാരും അല്ലാത്തവരും ആയവര് തൊടുത്തു കൊണ്ടേയിരുന്നു.
ഇതിനിടെ അച്ഛന് വഴിവിട്ടു പോകാതിരിക്കാനാണ് മഞ്ജു മകളെ ദിലീപിനൊപ്പം നിര്ത്തിയതെന്നും ഇതുകൊണ്ട് ആനന്ദം കണ്ടെത്തിയവര് പറയുന്നുണ്ട്. മകള് കൂടെയുണ്ടെന്ന ചിന്ത ഒരച്ഛനുണ്ടാകട്ടെ. അങ്ങനെയെങ്കിലും നന്നായെങ്കില്...
ഇങ്ങനെ കഥകള് പടര്ന്ന് പന്തലിക്കുമ്പോഴും പതറാത്ത മനസാണ് മഞ്ജുവിന്റേത്. ഒന്ന് പൊട്ടിത്തെറിച്ചാല് ആ ജനപ്രിയന്റെ താരപദവിയെല്ലാം ചീട്ട് കൊട്ടാരം പോലെ തകര്ന്നടിയും. പക്ഷെ മഞ്ജു പൊട്ടിത്തെറിച്ചില്ല. എന്തിന് നാലാളുടെ മുമ്പില് വച്ച് ഒന്നു തേങ്ങിയതു പോലുമില്ല. എല്ലാം ഉള്ളിലൊളിപ്പിച്ചു. എങ്കിലും താന് മാത്രമുള്ള ലോകത്ത്, നാലു ചുമരിനെ സാക്ഷിയാക്കി വല്ലപ്പോഴും അറിയാതെ കണ്ണു നിറഞ്ഞു പോകും. അത്രയെങ്കിലും ഇല്ലെങ്കില്...
മഞ്ജുവിനുണ്ടായ ഈ മാറ്റം തിരിച്ചറിയുകയായിരുന്നു സംവിധായകന് സത്യന് അന്തിക്കാട്. കുടുംബ ചിത്രങ്ങളുടെ സംവിധായകന് ആ കുടുംബിനിയുടെ വേദനകള് നന്നായറിയാം. പുതിയ ചിത്രത്തിലൂടെ മഞ്ജുവിനെ സത്യന് അന്തിക്കാട് ശരിക്കും പഠിക്കുകയായിരുന്നു. നേരത്തെ സത്യന് അന്തിക്കാടിന്റെ തൂവല് കൊട്ടാരം, ഇരട്ടക്കുട്ടികളുടെ അച്ഛന് എന്നീ ചിത്രങ്ങളില് ജയറാമിന്റെ നായികയായി മഞ്ജു വേഷമിട്ടിരുന്നു.
അന്നത്തെ മഞ്ജുവല്ല ഇന്നുള്ളത്. ജീവിതം ശരിക്കുമറിഞ്ഞ മഞ്ജുവാണ്. ഈ തിരിച്ചുവരവില് മഞ്ജു വാര്യര്ക്ക് ജീവിതം പക്വത നല്കിയെന്ന് സത്യന് അന്തിക്കാട് സാക്ഷ്യപ്പെടുത്തുന്നു. വേദനകളെ പോലും നിസ്സംഗതയോടെ നേരിടാന് മഞ്ജു പഠിച്ചിരിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha