പൂച്ചകളെ കണ്ടിട്ടുള്ള ആരും ചോദിച്ചുപോകും,പൂച്ചയും പുരികങ്ങളുമായി എന്തു ബന്ധമെന്ന്! നിങ്ങള്‍ ഇതുവരെ കണ്ടിട്ടുള്ള പൂച്ചകളെയെല്ലാം ഒന്നോര്‍ത്തുനോക്കൂ. ഏതിനെങ്കിലും പുരികങ്ങളുണ്ടായിരുന്നതായി മനസ്സില്‍ വരുന്നുണ്ടോ. ഇല്ലായെന്നാണ് ഉത്തരമെങ്കില്‍ വസ്തുത സത്യമാണ്. പൂച്ചകള്‍ക്കു ശരീരം നിറയെ രോമങ്ങളുണ്ടെങ്കിലും പുരികങ്ങളുടെ സ്ഥലത്ത് പ്രത്യേകതകളൊന്നുമില്ലെന്ന് എല്ലാവര്‍ക്കും അറിയാം.

എന്നാല്‍ ന്യൂയോര്‍ക്കിലെ അമാന്‍ഡയുടെ വളര്‍ത്തുപൂച്ച ഇപ്പോള്‍ ഇന്റര്‍നെറ്റില്‍ താരമാണ്. വെളുവെളുത്ത പൂച്ചയ്ക്ക് രണ്ടുമികച്ച കറുത്ത പുരികങ്ങളാണുള്ളത്. അതിന്റെ പടം അമാന്‍ഡ ഇന്‍സ്റ്റാഗ്രാമിലും ഫേസ്ബുക്കിലും പോസ്റ്റ് ചെയ്തുതുടങ്ങിയ നാള്‍ മുതല്‍ ഫോളോവേഴ്‌സിന്റേയും ലൈക്‌സുകളുടേയും എണ്ണം വര്‍ദ്ധിക്കുന്നതേയുള്ളൂ. ഇന്‍സ്റ്റാഗ്രാമില്‍ ഇപ്പോള്‍ 150000 ഫോളേവേഴ്‌സും ഫെയ്‌സ്ബുക്കില്‍ 530000 ലൈക്‌സുമായി തരംഗമായി തുടരുകയാണ് അമാന്‍ഡയുടെ പൂച്ച.

ജപ്പാന്‍, ഓസ്‌ട്രേലിയ, സ്വീഡന്‍ തുടങ്ങിയ രാജ്യങ്ങളിലെ പത്രങ്ങളിലും മാസികകളിലും എല്ലാം അതിന്റെ പടം വന്നതോടെ അവളുടെ പൂച്ചയുടെ വിശേഷങ്ങള്‍ തിരക്കിവരുന്ന ഇ-മെയിലുകള്‍ക്കും ഫോണ്‍വിളികള്‍ക്കും മറുപടി പറയാനേ അവള്‍ക്കു സമയമുള്ളൂവെന്നും ഇപ്പോള്‍ സുഹൃത്തുക്കളോടൊപ്പം അമാന്‍ഡ സമയം ചെലവിടുന്നേയില്ല എന്നുമാണ് അവരുടെ പരാതി.
അമാന്‍ഡയും അമ്മയും ഒരു വൈകുന്നേരം നടക്കാനിറങ്ങിയപ്പോള്‍ വഴിയോരത്തുനിന്നും കിട്ടിയതാണ് ഈ പൂച്ചയെ. അത് ഇത്രയധികം ജനപ്രിയമായ സ്ഥിതിയ്ക്ക് അവന്റെ ചിത്രം പതിച്ച മഗ്ഗുകളും പോസ്റ്ററുകളും ടീഷര്‍ട്ടുകളുമിറക്കാന്‍ പരിപാടി ഇട്ടിരിക്കുകയാണ് അമാന്‍ഡ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha