മോഡിപ്പേടിയില് യുവമോര്ച്ചക്കാര് നഗരം ക്ലീനാക്കി
മോഡിപ്പേടിയില് ബിജെയപിയുടെ യുവജന വിഭാഗമായ യുവമോര്ച്ച തലസ്ഥാനം വൃത്തിയാക്കി മാതൃകയായി. യുവമോര്ച്ചയുടെ നിയമസഭാ മാര്ച്ച് കഴിഞ്ഞയുടന് പ്രവര്ത്തകര് സമരസ്ഥലമായ യുദ്ധസ്മാരകവും പരിസരവും വൃത്തിയാക്കി മാതൃക കാട്ടി. വ്യാഴാഴ്ച മുതലേ സമരം നടത്താനെത്തിയ പ്രവര്ത്തകര്ക്കായി എത്തിച്ച ഭക്ഷണപ്പൊതിയുടെയും മറ്റും മാലിന്യമാണ് വൃത്തിയാക്കിയത്. രാവിലെ പത്തുമണിയോടെ സമരം അവസാനിച്ചതായി നേതാക്കള് അറിയിച്ചു. ഇതിനുശേഷമായിരുന്നു ശുചീകരണം.
ഏത് സമരം വന്നാലും കമ്പ്, കൊടി, ചെരിപ്പ്, ഭക്ഷണപ്പൊതി, കുപ്പികള്, കവറുകള് എന്നിവ ഇട്ടെറിഞ്ഞിട്ട് പോകുക പതിവാണ്. അത് എടുത്തു കളയേണ്ട ബാധ്യത പൊതുജനത്തിനാണ്. ഏത് രാഷ്ട്രീയ പാര്ട്ടിയാണെങ്കിലും ഇത് തന്നെയാണ് പതിവ്. എന്നാല് നരേന്ദ്ര മോഡി സ്വച്ഛ ഭാരതം ആരംഭിച്ചതോടെ ബിജെപിക്കാരുടെ ഇടയില് ഇതിന് മാറ്റം വന്നു. അവര് ഉപേക്ഷിച്ച മാലിന്യമെല്ലാം അവര്തന്നെ നീക്കാന് തുടങ്ങി.
അതേസമയം സ്വച്ഛഭാരതത്തിന്റെ പുറകേ പോയി കൈയ്യടി നേടിയ സിപിഎമ്മുകാര് നഗരം വൃത്തികേടാക്കി കടന്നു കളയുകയും ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha