വിവാഹ ദിനത്തില്‍ പതിനഞ്ചും ആറും കൂട്ടിയാല്‍ എത്ര കിട്ടുമെന്ന് വധുവിന്റെ ചോദ്യം കേട്ട് വരന്‍ ഞെട്ടിയെങ്കിലും പതറാതെ ഉത്തരം പറഞ്ഞു. പതിനേഴ്. ഉത്തരം കേട്ട വധു വരന്റെ മുഖത്ത് കാര്‍ക്കിച്ച് തുപ്പി സിനിമാ സ്റ്റൈലില്‍ നാല് ഡൈലോഗും കാച്ചി മണ്ഡപത്തില്‍ നിന്നിറങ്ങിപ്പോയി.
ലോകത്തിന്റെ സ്പന്ദനം കണക്കിലാണെന്ന് പറയാറുണ്ട്. കണക്കില്ലാതെ ജീവിതമില്ല. എന്നാല്‍ കണക്ക് കാരണം ഉത്തര്‍ പ്രദേശ് സ്വദേശിയായ യുവാവിന് നഷ്ടപ്പെട്ടത് തന്റെ വിവാഹ ദിനത്തിന്റെ സന്തോഷമാണ്. വടക്കന്‍ യു.പിയിലെ കാണ്‍പൂരിനടുത്തുള്ള റസൂലാബാദ് ഗ്രാമത്തില്‍ ബുധനാഴ്ചയാണ് സംഭവം.
വിവാഹദിനത്തില്‍ പതിനഞ്ചും ആറും കൂട്ടിയാല്‍ എത്ര കിട്ടുമെന്ന് വധു വരനോട് ചോദിച്ചു. വരന്‍ പതിനേഴെന്ന് ഉത്തരം പറഞ്ഞു. ഒന്നാം ക്ലാസിലെ കുട്ടിക്ക് പോലും അറിയാം ഇതിന്റെ ഉത്തരം എന്നും പറഞ്ഞ് ഇറങ്ങിപ്പോയ വധു വിവാഹം വേണ്ടെന്ന് വയ്ക്കുകയായിരുന്നു.
വരന്റെ ബന്ധുക്കള്‍ വധുവിനെ വിവാഹത്തിന് ആവുന്നതും നിര്‍ബന്ധിച്ചെങ്കിലും അവര്‍ തയ്യാറായില്ല. ഒന്നാം ക്ലാസില്‍ പഠിക്കുന്ന കുട്ടിക്ക് പോലും പറയാനാകുന്ന ഒരു ഉത്തരമാണിതെന്ന് പറഞ്ഞ വധുവിന്റെ പിതാവ് മോഹര്‍ സിംഗ് യുവാവിന് വിദ്യാഭ്യാസമില്ലെന്ന കാര്യം വരന്റെ വീട്ടുകാര്‍ ഒളിച്ചു വച്ചെന്ന് ആരോപിച്ചു.
സംഭവം ബഹളമായതോടെ പൊലീസ് സ്ഥലത്തെത്തി. വിവാഹത്തിന് വേണ്ടി ഇരുവീട്ടുകാരും കൈമാറിയ സമ്മാനങ്ങളും ആഭരണങ്ങളും മറ്റും തിരികെ നല്‍കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha