മധ്യപ്രദേശിലെ ബസ്ത് സത്മാകര്‍ തന്റെ കുഞ്ഞിന്റെ ജനനത്തിനായി ആകാംക്ഷയോടെ കാത്തിരിക്കുകയായിരുന്നു. എന്നാല്‍ ബുധനാഴ്ച അയാള്‍ക്ക് പിറന്ന മകളെ കണ്ടപ്പോള്‍ ദൈവം അനുഗ്രഹമായി തന്നതാണോ, അതോ തനിക്കെന്തെങ്കിലും ശാപം കിട്ടിയതാണോ എന്നയാള്‍ സംശയിച്ചു പോയി. ജനിച്ച കുഞ്ഞിന്റെ നെഞ്ച് തുറന്ന അവസ്ഥയിലായിരുന്നു. അതിലൂടെ കുഞ്ഞിന്റെ ഹൃദയം ശരീരത്തിന് പുറത്താണ് ഉണ്ടായിരുന്നത്. ജീവിതച്ചെലവുകളില്‍ രണ്ടറ്റവും കൂട്ടിമുട്ടിക്കാന്‍ ബദ്ധപ്പെടുന്ന തനിക്ക് ഇത്തരത്തിലൊരു കുഞ്ഞിനെ കിട്ടിയാല്‍ അതിന്റെ ചികിത്സാ ചെലവുകളൊന്നും വഹിക്കാന്‍ തനിക്കാവില്ലല്ലോ എന്നു പറഞ്ഞ് വിലപിക്കുകയായിരുന്നു ബസന്ത്.
ഏക്‌ടോപിയ കോര്‍ഡിസ് എന്ന മെഡിക്കല്‍ അവസ്ഥയാണിത്. 10 ലക്ഷം ഗര്‍ഭിണികളില്‍ 8 പേരില്‍ ഇതു സംഭവിക്കാന്‍ സാധ്യതയുണ്ടെന്നാണ് കണക്ക്. ഇത്തരത്തിലൂള്ള 90% ജനനങ്ങളിലും കുഞ്ഞ് മരിച്ചാണ് പിറക്കാറുള്ളത്. ജീവനോടെ ജനിക്കുന്ന ശിശുക്കളും ദിവസങ്ങള്‍ക്കുള്ളില്‍ മരിക്കുകയും ചെയ്യും. ശസ്ത്രക്രിയ വിജയകരമായി തരണം ചെയ്യാന്‍ കഴിഞ്ഞാല്‍ ആയുസ്സ് ദീര്‍ഘമാകാനുള്ള സാധ്യതയുണ്ട്.
ശിശു രോഗ വിദഗ്ദ്ധനും യൂറോളജിസ്റ്റുമായ ഡോ. വികേഷ് അഗര്‍വാളിന്റെ നേതൃത്വത്തിലുള്ള ഒരു സംഘം വിദഗ്ദ്ധ ഡോക്ടര്‍മാര്‍ സ്‌പെഷ്യാലിറ്റി ആശുപത്രിയില്‍ വച്ച് കുട്ടിയ്ക്ക് ശസ്ത്രക്രിയ നടത്തി .ശസ്ത്രക്രിയയ്ക്കുശേഷം സുഖം പ്രാപിച്ചു വരുന്ന കുഞ്ഞ് രക്ഷപ്പെടുമെന്നാണ് മെഡിക്കല്‍ സംഘം കരുതുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha