ഫോണ് മാറ്റിവെച്ചതിന് മകള് അമ്മയെ കൊല്ലാന് ശ്രമിച്ചു
ഐഫോണ് മാറ്റി വച്ചതിന് രണ്ട് തവണ മകള് അമ്മയെ കൊല്ലാന് ശ്രമിച്ചു. കൊളറാഡോ സ്വദേശിനിയായ പന്ത്രണ്ടു വയസുകാരിയെയാണ് അമ്മയെ കൊല്ലാന് ശ്രമിച്ചതിന് പോലീസ് വെള്ളിയാഴ്ച അറസ്റ്റ് ചെയ്തത്.
മാര്ച്ച് രണ്ടിന് അമ്മയുടെ പ്രാതലില് മകള് പാത്രം കഴുകാനുപയോഗിക്കുന്ന ബ്ലീച്ച് ചേര്ക്കുകയായിരുന്നു. ഭക്ഷണം കഴിക്കാനെടുത്തപ്പോള് ബ്ലീച്ചിന്റെ ഗന്ധം തോന്നിയെങ്കിലും മകള് പാത്രം കഴുകിയതിന്റെതാകുമെന്നാണ് അവര് കരുതിയത്. ഭക്ഷണം കഴിച്ചതോടെ അസ്വസ്ഥത അനുഭവപ്പെട്ട സ്ത്രീ അടുത്തുള്ള ആശുപത്രിയില് ചികിത്സ തേടി.
നാല് ദിവസത്തിന് ശേഷം വീണ്ടും മകള് അമ്മയുടെ കുടിവെള്ളത്തില് ബ്ലീച്ച് കലര്ത്തി. വെള്ളം കുടിക്കാനെടുത്തപ്പോള് ഗന്ധം അനുഭവപ്പെട്ടതോടെ സംശയം തോന്നിയ ഇവര് മകളോട് ഇക്കാര്യം ചോദിച്ചപ്പോഴാണ് അവളുടെ മനസിലിരുപ്പ് മനസിലായത്. തന്റെ ഐഫോണ് മാറ്റിവച്ചതിന്റെ പ്രതികാരത്തിലാണ് അമ്മയെ കൊല്ലാന് തീരുമാനിച്ചതെന്ന് കുട്ടി പറഞ്ഞു. ഇതോടെ അമ്മ വിവരം പൊലീസ് സ്റ്റേഷനില് അറിയിക്കുകയായിരുന്നു. അന്വേഷണോദ്യോഗസ്ഥര് ആവശ്യമായ തെളിവുകള് ശേഖരിച്ച ശേഷം പെണ്കുട്ടിയെ കസ്റ്റഡിയിലെടുത്തു. കുട്ടിയെ ജുവനൈല് ഹോമിലാക്കിയിരിക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha