അതിഥി തൊഴിലാളികള് നല്കുന്നു 'കൃഷി പ്യാര്' ചാലഞ്ച്!
കണ്ണൂര് തളിപ്പറമ്പില് ലോക്ഡൗണില് തൊഴില് ചെയ്യാനാകാതെ വിഷമിക്കുന്ന അതിഥി തൊഴിലാളികള് ജൈവകൃഷി ആരംഭിച്ചു.കുറ്റ്യേരി മാവിച്ചേരിയില് താമസിക്കുന്ന അസം സ്വദേശികളായ 9 പേരാണ് ജൈവകൃഷി ആരംഭിച്ചത്.
പരിയാരം പഞ്ചായത്ത് അധികൃതരുടെ സഹായത്തോടെയാണ് ചെങ്കല് മേഖലയിലെ തൊഴിലാളികളായ അമിനുള് ഹക്ക്, ലുക്കുകുമാര് റോയി, നൂര് ഹക്ക്, ഹക്കിനൂര് ഹക്ക് എന്നിവര് കൃഷി ആരംഭിച്ചത്. പരിയാരം പഞ്ചായത്ത് പ്രസിഡന്റ് എ. രാജേഷ് ഉദ്ഘാടനം ചെയ്തു.
ഇവര് വാടകയ്ക്കു താമസിക്കുന്ന വീടിനു സമീപത്തെ 10 സെന്റ് സ്ഥലത്താണു കൃഷി ആരംഭിച്ചത്. ഇതിനു മുന്നോടിയായി ഇവര് കൃഷി സ്ഥലം വൃത്തിയാക്കി പ്ലാസ്റ്റിക് ഉള്പ്പെടെയുള്ള മാലിന്യം നീക്കം ചെയ്തിരുന്നു.
തുടര്ന്നാണ് വിത്തുകള്ക്കായി പഞ്ചായത്ത് അധികൃതരെ ബന്ധപ്പെട്ടത്. വെണ്ട, പാവല് എന്നിവയാണ് ഇപ്പോള് കൃഷി ചെയ്യുന്നത്. പഞ്ചായത്ത് അംഗം എം. പ്രകാശിനി, ടി. അരുണ്, സി. രാഹുല് എന്നിവരാണു പിന്തുണ നല്കുന്നത്.
https://www.facebook.com/Malayalivartha