മൃതദേഹം പേടകത്തില് നിന്ന് ഊര്ന്നു വീണതറിയാതെ ശവഘോഷയാത്ര മുന്നേറിയതു കണ്ട് ജനം ഞെട്ടി
മനുഷ്യരുടെ ജനനത്തേക്കാള് കൂടുതല് ആദരവും, സംശുദ്ധിയും മരണത്തിനും മരണാനന്തര ചടങ്ങുകള്ക്കും എല്ലാ മതങ്ങളിലും നല്കാറുണ്ട്. മരണപ്പെട്ടു കഴിഞ്ഞ വ്യക്തിയുടെ ആത്മാവ് പരമാത്മാവില് ലയിച്ചു ചേര്ന്നു എന്നു വിശ്വസിക്കപ്പെടുന്നതു കൊണ്ടാണ് ജഡത്തോട് അനാദരവ് കാട്ടരുതെന്ന് എല്ലാ സംസ്കാരങ്ങളും പഠിപ്പിക്കുന്നത്.
ഇന്തോനേഷ്യയിലെ ഒരു ഉള്നാടന് ഗ്രാമത്തില് ഒരാളുടെ സംസ്കാരചടങ്ങിനിടെ നടന്ന സംഭവം ചടങ്ങിനെത്തിയവരേയും വഴിയാത്രക്കാരെയും എല്ലാം ഒരു പോലെ ഞെട്ടിച്ചു. ശവപേടകവും വഹിച്ചു കൊണ്ട് സംസ്കാരസ്ഥലത്തേക്ക് നടക്കുകയായിരുന്ന സംഘത്തില് ബന്ധുക്കളും സുഹൃത്തുക്കളും നാട്ടുകാരും ഒക്കെയുണ്ടായിരുന്നു.
മൃതദേഹപേടകവും വഹിച്ച് നടന്നിരുന്ന ദുഖാര്ത്തരായ ബന്ധുക്കള്, പേടകത്തിനടിവശം ഇളകി മൃതദേഹം റോഡില് പതിച്ചത് അറിഞ്ഞതേയില്ല. പ്രാര്ത്ഥനാ നിര്ഭരമായ മനസ്സോടെ വേര്പാടിന്റെ വേദനയില് അവര് മുമ്പോട്ടു തന്നെ പൊയ്ക്കൊണ്ടിരുന്നു.
ശവഘോഷയാത്ര നോക്കി നില്ക്കുകയായിരുന്ന ചിലരാണ് മൃതദേഹം റോഡില് കിടക്കുന്നത് കണ്ടത്. തുടര്ന്ന് അരുതാത്തതു സംഭവിച്ച ഞെട്ടലോടെ അവര് അലറി വിളിച്ചു. കൂവി ബന്ധുക്കളുടെ ശ്രദ്ധയില്പ്പെടുത്തുകയായിരുന്നു. അവര് തിരികെ ഓടി വന്ന് ശവശരീരം വീണ്ടും എടുത്ത് ശവപേടകത്തില് നന്നായി ഉറപ്പിച്ചു വയ്ക്കുകയായിരുന്നു.
പ്രസ്തുത സംഭവത്തിന്റെ ചിത്രങ്ങള് ലൈവ്ലിക്ക്.കോം എന്ന സൈറ്റിലൂടെ ഇതിനകം1,10,000 പേര് കണ്ട് ഞെട്ടല് രേഖപ്പെടുത്തി കഴിഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha