നിരന്തരം പീഡിപ്പിക്കാനെത്തിയ പരോള് ഓഫീസര്ക്ക് പണി കിട്ടി
അമേരിക്കയിലെ ഫ്ളോറിഡയിലുള്ള കോറല് സ്പ്രിംഗ്സ് പോലീസ് സ്റ്റേഷനതിര്ത്തിയില് വരുന്ന കേസുകളില് പരോള് ഓഫീസറായി നിയോഗിക്കപ്പെട്ടിരിക്കുന്നതു സഖാരി തോമസ് ബെയ്ലിയെ ആയിരുന്നു. ഫ്ളോറിഡാ ഡിപ്പാര്ട്ട്മെന്റ് ഓഫ് കറക്ഷന്സില് 25 വര്ഷത്തെ സര്വ്വീസുള്ളയാളാണ് സഖാരി.
അടുത്തിടെ നല്ല നടപ്പിനു ശിക്ഷിച്ച ഒരു യുവതിയെ നിരീക്ഷിക്കാന് പരോള് ഓഫീസറായി സഖാരിയെ ചുമതലപ്പെടുത്തിയിരുന്നു. അമേരിക്കയില് സസ്പെന്ഡഡ് സെന്റന്സ് എന്നു പറയുന്നത്, ഒരു കുറ്റത്തിന് ശിക്ഷ വിധിച്ചു കഴിഞ്ഞിട്ട് ആ ശിക്ഷ നടപ്പാക്കുന്നത് കുറച്ചു കാലത്തേക്ക് തടഞ്ഞു വയ്ക്കുന്നതിനെയാണ്. ആ കാലത്ത് പ്രതി പ്രസ്തുത കുറ്റം ആവര്ത്തിക്കാതിരിക്കുകയാണെങ്കില് ശിക്ഷയില് നിന്ന് ഒഴിവാക്കുകയാണ് ചെയ്യുന്നത്.
അപ്രകാരം സസ്പെന്സ് സെന്റന്സില് കഴിയുന്ന ഒരു യുവതിയുടെ പരോള് ഓഫീസറായിരുന്ന സഖാരി ഒരു ദിവസം അവളുടെ വീട്ടിലെത്തി. നിങ്ങളുടെ കിടപ്പു മുറി പരിശോധിക്കേണ്ട ആവശ്യമുണ്ടെന്നു പറഞ്ഞു. അതിനായി കിടപ്പുമുറി കാണിച്ചു കൊടുക്കുവാന് എത്തിയ അവളെ പുറത്തു പോകാതെ തടഞ്ഞു നിര്ത്തിയിട്ട് അവളുടെ ട്രൗസറിനുള്ളിലേയ്ക്ക് അയാള് കൈകടത്തുകയും പീഡിപ്പിക്കുകയും ചെയ്തുവത്രേ.
അവളുടെ നല്ല നടപ്പു കാലത്തെ കുറിച്ച് റിപ്പോര്ട്ട് നല്കേണ്ട പരോള് ഓഫീസറെ കുറിച്ച് തെളിവില്ലാതെ എന്തെങ്കിലും ആരോപിച്ചാല് അവള്ക്ക് ദോഷമായേ വരികയുള്ളൂ എന്നു മനസിലാക്കിയ അവള് അന്ന് മിണ്ടാതിരുന്നു. അയാള് ഇത് ആവര്ത്തിക്കുമെന്ന് മനസ്സിലാക്കിയ അവള് പിറ്റേദിവസം അവളുടെ മൊബൈല് ഫോണ് ക്യാമറ കിടക്കയ്ക്കു നേരെ സജ്ജമാക്കി വച്ചു.
പ്രതീക്ഷിച്ചതു പോലെ തന്നെ അടുത്ത ദിവസവും അയാളെത്തി. തനിക്ക് മസാജ് ചെയ്തു തരണമെന്നും വദനരതിയിലേര്പ്പെടണമെന്നും അവളോടാവശ്യപ്പെട്ടു. ആവശ്യം അവള് നിരസിച്ചപ്പോള് അവളെ കിടക്കയിലേക്ക് തള്ളിയിട്ട് പീഡിപ്പിക്കുകയായിരുന്നു. നിങ്ങള് എന്റെ ഇഷ്ടത്തോടെയല്ലാതെയാണ് ഇത് ചെയ്യുന്നത്. ഇത് റേപ്പാണ് എന്ന് അവള് വിളിച്ചു കൂവുന്നത് മൊബൈല് ഫോണിന്റെ റെക്കോര്ഡ് ചെയ്ത ദൃശ്യങ്ങളില് വ്യക്തമാണ്.
ഈ തെളിവുമായി അവള് മേലധികാരികള്ക്കു റിപ്പോര്ട്ടു ചെയ്തു. പരിശോധിച്ച് ബോധ്യമായതിനുശേഷം സഖാരിയെ അറസ്റ്റു ചെയ്തിട്ടുണ്ട്. ഇതിനു മുമ്പ് സഖാരിയില് നിന്നും ഇത്തരം അനുഭവമുണ്ടായിട്ടുള്ളവരുണ്ടെങ്കില് പോലീസിനെ അറിയിക്കണമെന്നും അവര്ക്കെതിരെ പ്രൊബേഷന് ലംഘനത്തിന് കേസ് ഉണ്ടാകില്ല എന്നും ഉന്നത പോലീസുദ്യോഗസ്ഥര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha