അങ്കമാലി മിനി സിവില്‍ സ്റ്റേഷനിലെത്തിയ 300 തൊഴിലാളികള്‍ക്കായി അപ്രതീക്ഷിതമായി ട്രെയിന്‍ ഒരുങ്ങി!
എറണാകുളം ജില്ലയിലെ അതിഥിത്തൊഴിലാളികള്‍ എല്ലാദിവസവും രാവിലെ ഏഴു മണിയോടെ ലേബര്‍ ഓഫിസ് സ്ഥിതി ചെയ്യുന്ന മിനി സിവില്‍ സ്റ്റേഷനിലെത്തും. നാട്ടിലേക്കു പോകാന്‍ അവസരം ലഭിക്കാതെ അവര്‍ തിരികെപ്പോകുകയും ചെയ്യും. ഇന്നലെ കൊല്‍ക്കത്തയ്ക്കു ട്രെയിനുണ്ടെന്ന് ലേബര്‍ ഓഫിസില്‍ പെട്ടെന്നാണ് അറിയിപ്പു കിട്ടിയത്.
പിന്നെ ധൃതിയില്‍ ഒരുക്കങ്ങള്‍. മിനിസിവില്‍ സ്റ്റേഷനില്‍ നാട്ടിലേക്കു പോകാനാകുമോയെന്ന് അന്വേഷിച്ചെത്തിയ കൊല്‍ക്കത്ത സ്വദേശികളായ ഏതാനും അതിഥിത്തൊഴിലാളികള്‍ക്കാണ് നാട്ടിലേക്കു പോകാന്‍ പൊടുന്നനെ അവസരമൊരുങ്ങിയത്.
സാധാരണ രീതിയില്‍ ഏതെങ്കിലും സംസ്ഥാനത്തേക്കു ട്രെയിന്‍ പോകുന്നുണ്ടെങ്കില്‍ നാട്ടിലേക്കു പോകാന്‍ സമ്മതപത്രം നല്‍കിയിട്ടുള്ള അതിഥിത്തൊഴിലാളികളെ ഫോണില്‍ ബന്ധപ്പെടുകയാണ് ചെയ്യാറുള്ളത്. അതിനുള്ള സമയം ഇല്ലാതിരുന്നതിനാല്‍ മിനി സിവില്‍ സ്റ്റേഷനിലെത്തിയവര്‍ക്ക് അവസരം ഒരുങ്ങുകയായിരുന്നു. മുന്നൂറോളം പേര്‍ക്കാണ് നാട്ടിലേക്കു പോകാന്‍ അവസരമൊത്തത്.
7 കെഎസ്ആര്‍ടിസി ബസുകളിലായി ഇവരെ കൊണ്ടുപോയി. അങ്കമാലി മേഖലയില്‍ നിന്നു മുന്നൂറോളം അതിഥിത്തൊഴിലാളികളാണ് ഇന്നലെ കൊല്‍ക്കത്തയ്ക്കു പോയത്.
https://www.facebook.com/Malayalivartha
