അഭിനയ ചക്രവര്‍ത്തി സത്യന് ഓര്‍മ്മ ആയിട്ട് ഇന്ന് 49 വര്‍ഷം !
തിരുവനന്തപുരം സെന്റ് ജോസഫ് സ്‌കൂളില്‍ അധ്യാപകനായും സെക്രട്ടേറിയറ്റില്‍ ക്ലാര്‍ക്കായും ജോലി ചെയ്ത ശേഷം തിരുവനന്തപുരത്തുകാരന്‍ എം.സത്യനേശന്‍ നാടാര്‍ പട്ടാളത്തില്‍ ചേര്‍ന്നു. ബര്‍മയിലും മലേഷ്യയിലും ഉള്‍പ്പെടെ ബ്രിട്ടിഷ് പട്ടാളത്തില്‍ ജോലി ചെയ്ത സത്യന് രണ്ടാം ലോകയുദ്ധത്തിനു ശേഷം തിരുവനന്തപുരത്തു പൊലീസില്‍ ചേര്‍ന്നു. 1946-ല്‍ ആലപ്പുഴയില്‍ സബ് ഇന്‍സ്‌പെക്ടറായി എത്തിയ സത്യന് പുന്നപ്രയില്‍ കമ്യൂണിസ്റ്റുകാരെ അടിച്ചമര്‍ത്താന്‍ നിയോഗിക്കപ്പെട്ടു.
നടന്‍ സെബാസ്റ്റ്യന്‍ കുഞ്ഞുകുഞ്ഞ് ഭാഗവതരുമായി ആലപ്പുഴയില്‍ പൊലീസ് ഉദ്യോഗസ്ഥനായിരിക്കെ സത്യന് പരിചയത്തിലായി. അമച്വര്‍ നാടകങ്ങളില്‍ അഭിനയിച്ചിരുന്ന സത്യന് അഭിനയത്തോടുള്ള മോഹം മനസ്സിലാക്കിയ ഭാഗവതര്‍ മലയാള സിനിമയിലെ പലരെയും സത്യനെ പരിചയപ്പെടുത്തി. അവരില്‍ പലരും വേഷം വാഗ്ദാനം ചെയ്‌തെങ്കിലും ആരും പിന്നീടു വിളിച്ചില്ല. കെ.ബാലകൃഷ്ണന്‍ ത്യാഗസീമ എന്ന ചിത്രം നിര്‍മിക്കുന്നുവെന്ന് കേട്ട് സത്യന് അദ്ദേഹത്തെ ചെന്നു കണ്ടു. ബാലകൃഷ്ണന്‍ സിനിമയില്‍ അവസരം നല്‍കിയെങ്കിലും ആ സിനിമ പുറത്തിറങ്ങിയില്ല.
സത്യന് സിനിമയില്‍ ചുവടുറപ്പിച്ചത് 1952-ല്‍ ആത്മസഖി എന്ന സിനിമയിലൂടെയാണ്. തുടര്‍ന്ന് നീലക്കുയില്‍, മുടിയനായ പുത്രന്‍, ഓടയില്‍ നിന്ന് തുടങ്ങി സൂപ്പര്‍ഹിറ്റുകളിലൂടെ ആരാധക ഹൃദയങ്ങളില്‍ നിറഞ്ഞു. അക്കാലത്താണ് ഉദയ സ്റ്റുഡിയോയില്‍ നിന്ന്, പുന്നപ്ര വയലാര്‍ എന്ന സിനിമയിലേക്ക് സത്യനെ കുഞ്ചാക്കോ വിളിച്ചത്. എന്നാല്‍, പുന്നപ്രയില്‍ സമരക്കാരെ അമര്‍ച്ച ചെയ്ത തനിക്ക് ആ സിനിമയില്‍ അഭിനയിക്കാന്‍ അര്‍ഹതയില്ലെന്നായിരുന്നു സത്യന്റെ അഭിപ്രായം.
കമ്യൂണിസ്റ്റ് പ്രവര്‍ത്തകനായ സുഹൃത്തിനെ ഒളിവില്‍ പാര്‍പ്പിച്ചതിന്റെ പേരില്‍ ശാരംഗപാണിയെ സ്റ്റേഷനില്‍ വിളിച്ചു വരുത്തി സത്യന് മര്‍ദിച്ചിട്ടുണ്ട്. ശാരംഗപാണി പില്‍ക്കാലത്ത് പ്രശസ്ത തിരക്കഥാകൃത്തായി. പിന്നീട് ഉദയയില്‍ വച്ച് തന്നെ പരിചയപ്പെട്ട സത്യന് ആ സംഭവത്തിന്റെ പേരില്‍ കരഞ്ഞിട്ടുണ്ടെന്ന് ശാരംഗപാണി ഓര്‍മിച്ചിട്ടുണ്ട്. തകഴിയുടെ കഥയില്‍ എസ്എല്‍ പുരം സദാനന്ദന്‍ തിരക്കഥയെഴുതി രാമു കാര്യാട്ട് സംവിധാനം ചെയ്ത 'ചെമ്മീന്‍' സത്യനെ ദേശീയതലത്തില്‍ താരമാക്കി.
സത്യന്റെ ഓര്‍മകള്‍ക്ക് ഇന്ന് 49 വയസ്സു തികയും. രക്താര്‍ബുദം ബാധിച്ച്് 1971 ജൂണ്‍ 15-ന് ആണ് സത്യന് മരിച്ചത്. അനുഭവങ്ങള്‍ പാളിച്ചകള്‍ ആണ് സത്യന്റെ അവസാന സിനിമ. ആ സിനിമയില്‍ ആള്‍ക്കൂട്ടത്തില്‍ ഒരാളായി തലകാണിച്ച ഒരാള്‍ പില്‍ക്കാലത്ത് സൂപ്പര്‍താരമായി - മമ്മൂട്ടി.
https://www.facebook.com/Malayalivartha
