ശിവശങ്കര്‍ അറസ്റ്റിലായാല്‍ മുഖ്യമന്ത്രി രാജി വയ്ക്കും? അപ്പാള്‍ പുതിയ മുഖ്യമന്ത്രി ആരാകും? പാര്‍ട്ടിക്കുള്ളിലും മുന്നണിയിലും ചര്‍ച്ചകള്‍ക്ക് തുടക്കമായി; വി.എസ് ? ശൈലജ ടിച്ചര്‍ ? ഇ.പി ജയരാജന് ? തോമസ് ഐസക്ക്
ചാരക്കേസില്‍ തന്റെ കീഴിലെ ഉദ്യോഗസ്ഥന്‍ പ്രതിയായപ്പോളാണ് അന്നത്തെ മുഖ്യമന്ത്രിയായ കെ. കരുണാകരന്‍ രാജി വച്ചത്. ഈ ഗതി പിണറായി വിജയനുണ്ടാകില്ലെന്ന് പാര്‍ട്ടി സെക്രട്ടറി കോടിയേരി ബാലകൃഷ്ണന്‍ ആണയിടുന്നുണ്ടെങ്കിലും കാര്യങ്ങള്‍ അങ്ങനെ നിസാരവത്കരകിക്കാന്‍ സാധിക്കുന്നതല്ല. എല്ലാം പഴിയും എം. ശിവശങ്കറിന്‍ ചാരി രക്ഷപ്പെടാന്‍ പിണറായിക്ക് അങ്ങനെ സാധിക്കുകയമില്ല. കേരളത്തിന്റെ ചരിത്രത്തിലാദ്യമായിയാണ് മുഖ്യമന്ത്രിയുടെ പ്രിന്‍സിപ്പള്‍ സെക്രട്ടറി എന്‍.ഐ.എ അന്വേഷിക്കുന്ന രാജ്യദ്രോഹ കേസില്‍ പ്രതിസ്ഥാനത്തേക്ക് വരുന്നത്. അങ്ങനെ എങ്കില്‍ മുഖ്യമന്ത്രിയുടെ ഓഫീസ് ദുരുപയോഗം ചെയ്തു എന്നു തന്നെ പറയേണ്ടി വരും. എം. ശിവശങ്കറിനെ പ്രതിചേര്‍ക്കുകയും അറസ്റ്റ് ചെയ്യുകയും ചെയ്താല്‍ മുഖ്യമന്ത്രി പിണറായി ഇപ്പോള്‍ ഉയര്‍ത്തുന്ന ഒരു വാദഗതിയും നിലനില്‍ക്കുന്നതല്ല. കൂടാതെ 2015യില്‍ സോളാര്‍ കേസ് വന്നപ്പോള്‍ അന്നത്തെ മുഖ്യമന്ത്രി ഉമ്മന്‍ചാണ്ടിയുടെ രാജി ആവശ്യപ്പെട്ട് പിണറായി വിജയന്‍ തന്നെ നടത്തിയ പ്രസ്താവനകള്‍ ഇതിനോടകം തന്നെ തിരിഞ്ഞു കൊത്തിട്ടുണ്ട്. ഈ സാഹചര്യത്തില്‍ ഇടതു മുന്നണിക്കുള്ളിലും പാര്‍ട്ടിക്കുളളില്‍ പോലും പിണറായിയുടെ രാജി എന്ന ആവശ്യം രൂപപ്പെടുക തന്നെ ചെയ്യും. ധാര്‍മികതയുടെ പേരില്‍ മുഖ്യമന്ത്രി രാജി വച്ചില്ലെങ്കില്‍ അത് ഇടതുപക്ഷ നിലപാടുകള്‍ വിരുദ്ധമാകുകയും ജനങ്ങള്‍ കൂടുതല്‍ പാര്‍ട്ടിയില്‍ നിന്നും അകലുകയും ചെയ്യും. ഇതെല്ലാം കണക്കിലെടുത്ത് അടുത്ത മുഖ്യമന്ത്രി ആരെന്ന ചര്‍ച്ചകള്‍ മുന്നണിക്കുള്ളില്‍ ശക്തമായി തുടങ്ങി.
പിണറായി വിജയന്‍ രാജി വയ്ക്കുകയാണെങ്കില്‍ മുഖ്യമന്ത്രി സ്ഥാനത്തേക്ക് ഏറ്റവും കൂടുതല്‍ ഉയര്‍ന്നു കേള്‍ക്കുന്ന പേര് ശൈലജ ടിച്ചറുടെതായിരിക്കും. കാരണം ഇതിനോടകം തന്നെ മികച്ച പ്രവര്‍ത്തനത്തിലൂടെ ജനങ്ങളുടെ ഇടയില്‍ സ്വാധീനം നേടാന്‍ അവര്‍ക്ക് സാധിച്ചിട്ടുണ്ട്. നിപയെ നേരിട്ടതിലും ഇപ്പോള്‍ കോവിഡിനെ നേരിടുന്നതിലും ആരോഗ്യമന്ത്രി എന്ന നിലയിലുള്ള അവരുടെ നേതൃത്വം എല്ലാവരും അംഗീകരിക്കുന്നതാണ്. എന്നാല്‍ അത്രവേഗം മുഖ്യമന്ത്രി സ്ഥാനത്തേക്ക് എത്താന്‍ അവരെ പാര്‍ട്ടി തന്നെ അനുവദിക്കുമെന്ന് തോന്നില്ല. കോവിഡ് നിയന്ത്രണത്തിന്റെ പേരില്‍ സ്‌കോര്‍ ചെയ്തപ്പോള്‍ മുഖ്യമന്ത്രി പിണറായി വിജയന്‍ തന്നെ അവരെ പിടിച്ച് മൂലക്ക് ഇരുത്തുന്ന കാഴ്ചയാണ് കാണാന്‍ സാധിച്ചത്. ഇപ്പോള്‍ ഇതാ കോവിഡ് നിയന്ത്രണത്തിന് ഉപദേശം നല്‍കാന്‍ പുതിയ ഉപദേശകനെയും മുഖ്യമന്ത്രി നിയമിച്ചു. അതായത് ശൈലജ ടിച്ചര്‍ അങ്ങനെ ഷൈന്‍ ചെയ്യണ്ട എന്നു തന്നെ.
അടുത്ത സാധ്യത കണ്ണൂര്‍ ലോബിയെ ഫോക്കസ് ചെയതു തന്നെ എങ്കില്‍ അത് ഇ.പി ജയരാജന് അനുകൂലമായിരിക്കും. ചിറ്റപ്പന്‍ മന്ത്രിയെ ബന്ധു നിയമനത്തിന്റെ പേരില്‍ ഒരിക്കല്‍ പിണറായി ചെവിക്ക് പിടിച്ച് പുറത്തിട്ടെങ്കിലും പിന്നിട് അദേഹം തിരിച്ചെത്തുക തന്നെ ചെയ്തു. മന്ത്രി കെ.ടി ജലീലിനോട് കാട്ടിയ സഹാനുഭൂതി ഇ.പി ജയരാജനോട് പിണറായി വിജയന്‍ കാട്ടിയിരുന്നില്ല. എന്നാലും പിണറായി എന്ന ശക്തികേന്ദ്രത്തിനെതിരെ ശബ്ദം ഉയര്‍ത്താനൊപ്പം ഇ.പി നിന്നില്ല. എന്നും പിണറായിക്കൊപ്പം നിന്ന ഈ നേതാവിനെ മുഖ്യമന്ത്രിയാക്കാനായിരിക്കും കണ്ണൂര്‍ ലോബിയുടെ ശ്രമം.
ഭരണപരിഷ്‌കരണ കമ്മീഷന്‍ ചെയര്‍മാന്‍ പദവി നല്‍കി ഒതുക്കി നിര്‍ത്തിട്ടുണ്ടെങ്കിലും ഒത്തു തീര്‍പ്പ് എന്ന നിലക്ക് മുഖ്യമന്ത്രി സ്ഥാനത്തേക്ക് ഏറ്റവും കൂടുതല്‍ സാധ്യത വി.എസ് അച്യുതാനന്ദന് തന്നെയാണ്. അച്യുതാനന്ദനെ മുന്‍ നിര്‍ത്തിയാണ് എല്‍.ഡി.എഫ് സര്‍ക്കാര്‍ അധികാരത്തില്‍ വന്നത്. പക്ഷേ തിരഞ്ഞെുപ്പിന് ശേഷം ഇത് പിണറായിലേക്ക് മാറുകയായിരുന്നു. പാര്‍ട്ടിക്കിടയില്‍ ശക്തിക്ഷയിച്ചെങ്കിലും മുന്നണിയില്‍ ഇന്നും വി.എസിന് വലിയ സ്വാധീനമുണ്ട്. സി.പി.ഐയുടെ പിന്തുണ ഇദ്ദേഹത്തിന് തന്നെ ലഭിക്കാനാണ് സാധ്യത. ധനകാര്യമന്ത്രി തോമസ് ഐസക്കിനെയും മാറ്റി നിര്‍ത്താന്‍ സാധിക്കില്ല. കണ്ണൂര്‍ ലോബിക്ക് മാത്രമേ പാര്‍ട്ടിയില്‍ സ്വാധീനമുള്ളുവെന്ന ആരോപണം ശക്തമാണ്. അങ്ങനെയെങ്കില്‍ കണ്ണൂര്‍ ലോബിക്ക് പുറത്തൊരു ആളെ പരിഗണിക്കുകയാണെങ്കില്‍ അത് തോമസ് ഐസക് ആയിരിക്കും. പിണറായിയുടെ പിന്തുണ ഇതിന് ലഭിക്കുമെന്നുവേണം കരുതാന്‍.
അര്‍ഹരായ നിരവധി പേര് പാര്‍ട്ടിക്കുള്ളിലുണ്ടെങ്കിലും ഇവര്‍ നാലു പേരെ കേന്ദ്രകരിച്ചാണ് ഇപ്പോള്‍ പാര്‍ട്ടിക്കുള്ളിലും മുന്നണിയിലും രഹസ്യ ചര്‍ച്ചകള്‍ നടക്കുന്നതെന്നാണ് സൂചന. എന്നാല്‍ എന്ത് ആരോപണം വന്നാലും മുഖ്യമന്ത്രി കസേരയില്‍ കടിച്ചുതുങ്ങാന്‍ തന്നെയാണ് പിണറായി തീരുമാനിക്കുന്നതെങ്കില്‍ പിണറായി വിജയന്‍ തന്നെയായിരിക്കും അഞ്ചു കൊല്ലവും മുഖ്യമന്ത്രി. അങ്ങനെയുണ്ടായാല്‍ എല്‍.ഡി.എഫിനുള്ളില്‍ സി.പി.ഐയുടെ നേതൃത്വത്തില്‍ പ്രതിഷേധവും സി.പി.എമ്മില്‍ ശക്തമായ ചേരി പോരുമുണ്ടാകുമെന്ന കാര്യത്തില്‍ സംശയമില്ല.
https://www.facebook.com/Malayalivartha
