പരസ്യം നല്‍കിയാല്‍ അത് ശ്രദ്ധിക്കപ്പെടണമെന്നതാണ് എല്ലാ കമ്പനികളുടേയും ആഗ്രഹം. ഇതിനായി തങ്ങളുടെ കമ്പനിയുടെ പരസ്യം ശ്രദ്ധിക്കപ്പെടാന്‍ റഷ്യയിലെ ഒരു കമ്പനി നടത്തിയ സാഹസം വിജയിച്ചു. സ്ത്രീകളുടെ മാറിടത്തില്‍ പരസ്യത്തിന് സ്ഥലം നല്‍കിയാണ് റഷ്യന്‍ കമ്പനി പേരെടുത്തത്.
പരീക്ഷണം വിജയിച്ചതോടെ മാര്‍ച്ചില്‍ തുടങ്ങിയ കമ്പനി ഉല്യാനോവ്‌സ്‌കില്‍ ഒരു ഗംഭീര ഓഫീസും തുറന്നു. ദിവസം ശരാശരി 88 ഡോളറാണ് പരസ്യം വഹിക്കുന്ന സ്ത്രീകള്‍ക്ക് നല്‍കുന്നത്. പരമാവധി 35 വാക്കുകളാണ് ഒരു പരസ്യത്തിന് അനുവദിച്ചിരിക്കുന്നത്. ഇതിനാവട്ടെ വെറും 10 ഡോളറാണ് ഒരു ദിവസത്തേക്ക് ഈടാക്കുന്നത്. ഇവിടെ ലാഭം എവിടെയെന്ന് ചോദിച്ചാല്‍ കമ്പനിയധികൃതര്‍ വ്യക്തമായ മറുപടി നല്‍കുന്നുമില്ല.
എന്തായാലും പരസ്യത്തിന്റെ രീതി ഇഷ്ടപ്പെട്ട് നിരവധി പ്രാദേശിക സ്ഥാപനങ്ങളാണ് കമ്പനിയെ സമീപിച്ചിരിക്കുന്നത്. എന്നാല്‍, സാമൂഹിക സൈറ്റുകളില്‍ മാറിടത്തിലെ പരസ്യത്തിനോട് സമ്മിശ്ര പ്രതികരണമാണ്. സ്ത്രീകള്‍ ഉള്‍പ്പെട്ട സമൂഹം ഇത് തികച്ചും അശ്ലീലമാണെന്ന നിലപാടാണ് കൈക്കൊണ്ടിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha