പിണറായിയെ പ്രാകി പോലീസുകാര്‍; നൂറു കണക്കിന് പോലീസുകാര്‍ കോവിഡ് ബാധിതര്‍; എന്നിട്ടും സഖാവിന് കണ്ടഭാവമില്ല; റിസ്‌ക് അലവന്‍സ് പോലും നല്‍കാതെ പോലീസുകാരെ കൊല്ലാക്കൊല ചെയ്യുന്നു; പോലീസുകാര്‍ക്കെന്താ അമ്മയും പെങ്ങമ്മാരുമില്ലേ?
കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി സമയവും കാലവുമില്ലാതെ പ്രവര്‍ത്തിക്കുന്ന പോലീസ് ഉദ്യോഗസ്ഥര്‍ ആഭ്യന്തര മന്ത്രി കൂടിയായ മുഖ്യമന്ത്രി പിണറായി വിജയനെ തൊഴുതു പ്രാകുന്നു.സമ്പര്‍ക്ക വ്യാപനം പൂര്‍ണമായി കുറയ്ക്കാനുള്ള ചുമതല പോലീസിന് നല്‍കിയതോടെയാണ് സര്‍ക്കാരിന്റെ തല തെറിക്കാന്‍ പോലീസുകാര്‍ പ്രാകുന്നത്.
പോലീസുകാര്‍ക്കെന്താ അമ്മയും പെങ്ങമ്മാരുമില്ലേ എന്ന് അരുമക്ക് അരുമയായ പിണറായി സഖാവിനോട് ചോദിച്ച് അവര്‍ വിലപിച്ചുകൊണ്ടേയിരിക്കുന്നു.
ഇത്തരത്തിലാണ് മുന്നോട്ടുപോകുന്നതെങ്കില്‍ ചില കാര്യങ്ങള്‍ തങ്ങള്‍ക്ക് തീരുമാനിക്കേണ്ടി വരുമെന്നാണ് സേനയിലെ സുഹൃത്തുക്കള്‍ പറയുന്നത്. ഇക്കാര്യത്തില്‍ അവര്‍ക്ക് കൊടി വ്യത്യാസങ്ങളില്ല
നൂറു കണക്കിന് പോലീസുകാരാണ് കോവിഡ് ബാധയും കോവിഡ് നിരീക്ഷണവുമായി കഴിഞ്ഞ അഞ്ച് മാസമായി ഷെഡിലായത്. ഇവര്‍ക്ക് വീട്ടുകാരുമില്ല പോലീസുകാരുമില്ല എന്നതാണ് അവസ്ഥ.
സര്‍ക്കാര്‍ സാമ്പത്തിക പ്രതിസന്ധിയിലാണെന്ന് പറഞ്ഞ് പോലീസുകാര്‍ക്ക് കിട്ടികൊണ്ടിരുന്ന റിസ്‌ക്ക് അവലവന്‍സ് പോലും പിണറായിയും ഐസക്കും ചേര്‍ന്ന് കെട്ടിയെടുത്തു.
കടുത്ത സാമ്പത്തിക പ്രതിസന്ധിയിലായിട്ടും ഉമ്മന്‍ചാണ്ടി പോലും ചെയ്യാത്ത കാര്യമാണിത്.
കഷ്ടകാലത്തിന് രോഗം വന്നാല്‍ സ്വന്തം ചെലവില്‍ ചികിത്സിക്കുകയും സ്വന്തം നിലയില്‍ അവധിയെടുക്കുകയും ചെയ്യണമെന്ന സര്‍ക്കാര്‍ ഉത്തരവാണ് ഏറ്റവും ഒടുവില്‍ എത്തിയത്.
സര്‍ക്കാര്‍ ഓഫീസില്‍ ജോലി ചെയ്യുന്ന ഭാര്യമാര്‍ പോലീസുകാര്‍ക്കുണ്ടെങ്കില്‍ അവരെ ഓഫീസില്‍ കയറ്റുന്നില്ല എന്നതാണ് യാഥാര്‍ത്ഥ്യം.
മാസങ്ങളോളം റോഡില്‍ കിടന്ന് ഉറക്കമൊഴിഞ്ഞതിന്റെ ഫലമാണ് തങ്ങള്‍ക്ക് കിട്ടിയതെന്ന് പോലീസുകാര്‍ പറയുന്നു.
50 ശതമാനം പോലീസുകാര്‍ക്ക് വിശ്രമം കൊടുക്കണമെന്ന് സംസ്ഥാന പോലീസ് മേധാവി നിര്‍ദ്ദേശിച്ചിട്ടും ഒരാള്‍ പോലും അനുസരിച്ചില്ല. കോവിഡ് ഡ്യൂട്ടിക്ക് ആള്‍ തികയാതെ വന്നതാണ് കാരണമെന്നാണ് പോലീസിന്റെ വിശദീകരണം. റോഡിലും ആശുപത്രികളിലും കോവിഡ് രോഗികളുമായി സമ്പര്‍ക്കത്തില്‍ ഏര്‍പ്പെട്ടാലും പോലീസുകാരാണോ, അവര്‍ക്ക് ക്വാറന്റീനില്ല.
പോലീസുകാര്‍ക്ക് രോഗം ഉണ്ടെന്ന് സംശയമുണ്ടായാല്‍ രോഗ പരിശോധന വൈകും. ഇനി പരിശോധിച്ചാലോ,പോലീസുകാരുടെ ഫലമാണെങ്കില്‍ സാധാരണയെക്കാള്‍ വൈകും.ഇത് വേഗത്തിലാക്കണമെന്ന് ആവശ്യമുണ്ടായെങ്കിലും ആരും പരിഗണിച്ചില്ല.
ആരോഗ്യ പ്രവര്‍ത്തകര്‍ക്ക് കേന്ദ്ര സര്‍ക്കാരിന്റെ ഇന്‍ഷ്വറന്‍സ് ഉണ്ടെങ്കിലും അവര്‍ക്കൊപ്പം ജോലി ചെയ്യുന്ന പോലീസുകാര്‍ക്ക് യാതൊരു പരഗണനയും നല്‍കുന്നില്ല. ഇതിനിടയില്‍ പോലീസുകാര്‍ക്ക് റിസ്‌ക്ക് അലവന്‍സ് നല്‍കണമെന്ന് ആവശ്യമുണ്ടായെങ്കിലും അത് ധനമന്ത്രി തള്ളി കളഞ്ഞു. സാധാരണ ഗതിയില്‍ ധനമന്ത്രി തള്ളുന്ന ഫയലുകള്‍ മുഖ്യമന്ത്രി മന്ത്രിസഭയിലെത്തിച്ച് അംഗീകരിക്കുകയാണ് പതിവ്. എന്നാല്‍ പോലീസുകാരുടെ കാര്യമായതു കൊണ്ടാവണം അതുണ്ടായില്ല. ഇടുക്കിയില്‍ എസ് ഐ അജിതന്‍ മരിച്ചതോടെ പോലീസുകാര്‍ തീര്‍ത്തും രോഗഭീതിയിലായിരിക്കുകയാണ് .
ഇന്ന് പോലീസുകാരെല്ലാം അഡ്ജസ്റ്റുമെന്റ് ഡ്യൂട്ടിയാണ് ചെയ്യുന്നത്. അവര്‍ക്ക് മരിക്കാന്‍ താത്പര്യമില്ല. തങ്ങള്‍ മരിച്ചാല്‍ കുടുംബത്തെ പിണറായി സഹായിക്കില്ലെന്ന് അവര്‍ക്ക് ഉറപ്പുണ്ട്.
https://www.facebook.com/Malayalivartha
