നാലാം തവണ പാളി! പരസ്യമായി രക്ഷിക്കാൻ ശ്രമിച്ചിട്ടും ക്രൈം ബ്രാഞ്ചിന് മുന്നിൽ അടിപതറി; ഉത്ര കൊലപാതകത്തിൽ ട്വിസ്റ്റ് സൂരജിന്റെ അമ്മയും സഹോദരിയും അറസ്റ്റില്; പുറത്ത് വരുന്നത് കൂടുതൽ വിവരങ്ങൾ...
ഉത്ര കൊലപാതക കേസില് സൂരജിന്റെ അമ്മയെയും സഹോദരിയെയും പൊലീസ് അറസ്റ്റ് ചെയ്തു. അമ്മ രേണുകയെയും സഹോദരി സൂര്യയെയുമാണ് അറസ്റ്റ് ചെയ്തത്. ഗൂഢാലോചന, തെളിവു നശിപ്പിക്കല് തുടങ്ങിയ കുറ്റങ്ങള് ചുമത്തിയാണ് അറസ്റ്റ് ചെയ്തതത്. കേസുമായി ബന്ധപ്പെട്ട് നാലുതവണ രേണുകയെയും സൂര്യയെയും ക്രൈംബ്രാഞ്ച് ചോദ്യം ചെയ്തിരുന്നു. ഉത്ര കൊലക്കേസുമായി ബന്ധപ്പെട്ട ആദ്യ കുറ്റപത്രത്തില് ഇവരെ ഒഴിവാക്കിയിരുന്നു.
എന്നാല് ഗാര്ഹിക പീഡനം, തെളിവു നശിപ്പിക്കല് തുടങ്ങിയ കുറ്റങ്ങള് ആരോപിച്ചുള്ള രണ്ടാമത്തെ കുറ്റപത്രത്തില് രേണുകയെയും സൂര്യയെയും സൂരജിന്റെ അച്ഛന് സുരേന്ദ്രനെയും പ്രതിചേര്ത്തിട്ടുണ്ട്. ഉത്ര കൊലപാതകവുമായി ബന്ധപ്പെട്ട് ഭര്ത്താവ് സൂരജ് കുറ്റം സമ്മതിച്ചിരുന്നു. സൂരജിന് പാമ്ബിനെ നല്കിയ പാമ്ബുപിടുത്തക്കാരന് സുരേഷ്, തെളിവു നശിപ്പിക്കാന് കൂട്ടുനിന്ന സൂരജിന്റെ പിതാവ് സുരേന്ദ്രന് എന്നിവരെ നേരത്തെ അറസ്റ്റ് ചെയ്തിരുന്നു.
വനിതാകമ്മീഷന്റെ നിർദ്ദേശപ്രകാരമാണ് ഗാർഹിക പീഡനത്തിന് സൂരജിന്റെ അമ്മക്കും സഹോദരിക്കും എതിരെ കേസെടുത്തത്. ഉത്രയെ കൊല്ലാൻ ഉറപ്പിച്ച സൂരജ് ഫെബ്രുവരി 26ന് പാമ്പ് പിടിത്തക്കാരനായ സുരേഷിൽ നിന്ന് അണലിയെ വാങ്ങി. ആ അണലി ഉത്രയെ മാർച്ച് രണ്ടിന് കടിപ്പിച്ചെങ്കിലും ഉത്ര രക്ഷപ്പെട്ടു. തുടർന്നാണ് കരിമൂർഖനെ വാങ്ങിയത്. വലിയ ബാഗിലാക്കിയാണ് കരിമൂർഖനെ സൂരജ് വീട്ടിലേക്ക് കൊണ്ടുവന്നത്.
രാത്രി ഉത്ര ഉറങ്ങിയ ശേഷം പാമ്പിനെ കൊണ്ട് ഇയാൾ ഉത്രയെ കടിപ്പിച്ചു. മരണം ഉറപ്പാക്കിയ ശേഷം കട്ടിലിൽ ഇരുന്ന് നേരം വെളുപ്പിച്ചു. എഴുന്നേൽക്കുന്ന സമയം കഴിഞ്ഞും മകളെ കാണാത്തതിനെത്തുടർന്ന് ഉത്രയുടെ അമ്മ എത്തി നോക്കുമ്പോഴാണ് ഉത്രയെ അബോധാവസ്ഥയിൽ കണ്ടത്. തുടർന്ന് ആശുപത്രിയിൽ എത്തിച്ചപ്പോഴേക്കും മരിച്ചിരുന്നു. ഉത്രയുടെ വീട്ടുകാർ നൽകിയ പരാതിയിൽ നടത്തിയ അന്വേഷണത്തിലാണ് ക്രൂര കൊലപാതകത്തിന്റെ വിവരം പുറത്തു വന്നത്. ഭർത്താവ് സൂരജും പാമ്പ് പിടിത്തക്കാരൻ കല്ലുവാതുക്കൽ സ്വദേശി സുരേഷുമടക്കം നാലുപേരെ ചോദ്യം ചെയ്തപ്പോഴാണ് ആസൂത്രിതമായ കൊലപാതക വിവരം പുറത്തറിയുന്നത്.
https://www.facebook.com/Malayalivartha