ഇ.ഡി ചോദ്യം ചെയ്തതിനെ തുടര്‍ന്ന് കെ.ടി ജലീലിന്റെ രാജി ആവശ്യപ്പെട്ട് സംസ്ഥാനത്ത് കനത്ത പ്രതിഷേധമാണ് നടക്കുന്നത്. ഇതിനിടെ കഴിഞ്ഞ ദിവസം കെ.ടി ജലീല്‍ എവിടെയാണെന്നും പോലും അറിവുണ്ടായിരുന്നില്ല. അതിനിടെ ഇന്നലെ വൈകുന്നേരം സ്വന്തം അയന്‍വാസിയുടെ കുട്ടിയുടെ ചോറൂണ് ചടങ്ങില്‍ മന്ത്രി പങ്കെടുക്കുന്നതിന്റെ ചിത്രങ്ങള്‍ പുറത്ത് വന്നിരുന്നു. ഇന്നലെ ശക്തമായ പ്രതിഷേധ സമരങ്ങള്‍ നടക്കുമ്പോള്‍ മന്ത്രി സ്വകാര്യ ചടങ്ങളുകളില്‍ പങ്കെടുത്ത് ആസ്വാദിക്കുന്നതിന് വന്‍ വിമര്‍ശമനമാണ് ഉണ്ടായത്. ഇ.ഡി ചോദ്യം ചെയ്‌തോ എന്ന മാധ്യമ പ്രവര്‍ത്തകരുടെ ചോദ്യത്തിന് ഇല്ലെന്ന് മറുപടി നല്‍കിയ അദ്ദേഹം സത്യം മാത്രമേ വിജയിക്കുവെന്ന് ഫെയ്‌സ്ബുക്കില്‍ പോസ്റ്റിട്ടതും ഏറെ വിമര്‍ശനത്തിന് ഇടയാക്കി. ഇതിനിടെയാണ് ഇപ്പോള്‍ എല്ലാത്തിനും കാരണം മാധ്യമങ്ങളെന്ന് വാദവുമായി മന്ത്രി കെ.ടി ജലീല്‍ എത്തിയിരിക്കുന്നത്. തന്റെ ഫെയ്‌സ് ബുക്ക് പോസ്റ്റിസൂടെയാണ് അദ്ദേഹം മാധ്യമങ്ങളെ കുറ്റപ്പെടുത്തുന്നത്. മാധ്യമങ്ങള്‍ കല്ലുവെച്ച നുണയും കെട്ടുകയും ഒരു മനസാക്ഷിയുമില്ലാതെ പടച്ചുവിടുന്നുവെന്നാണ് അദ്ദേഹം പറയുന്നത്. ഇത്തരത്തില്‍ അസത്യം വിളമ്പുന്നവരോട് നിജസ്ഥിതി വെളിപ്പെടുത്താന്‍ മനസില്ലെന്നും കെ.ടി ജലീല്‍ തുറന്നടിക്കുന്നു.

അങ്ങാടിയില്‍ തോറ്റതിന് അമ്മയോട് എന്ന തലക്കെട്ടില്‍ മന്ത്രി കെ.ടി ജലീല്‍ ഫെയ്‌സിബുക്കില്‍ എഴുതിയ കുറുപ്പ് ഇങ്ങനെ

കല്ലുവെച്ച നുണകളും കെട്ടുകഥകളും യാതൊരു മനസ്സാക്ഷിക്കുത്തുമില്ലാതെ ഓരോ ദിവസവും വിളമ്പുന്നവരോട് കാര്യങ്ങളുടെ നിജസ്ഥിതി വെളിപ്പെടുത്താന്‍ എനിക്കു മനസ്സില്ല. മറച്ചുവെക്കേണ്ടത് മറച്ചു വെച്ചും പറയേണ്ടത് പറയേണ്ടവരോട് പറഞ്ഞുമാണ് എല്ലാ ധര്‍മ്മയുദ്ധങ്ങളും വിജയിച്ചിട്ടുള്ളത്. എഴുതേണ്ടവര്‍ക്ക് ഇല്ലാ കഥകള്‍ എഴുതാം. പറയേണ്ടവര്‍ക്ക് അപവാദങ്ങള്‍ പ്രചരിപ്പിക്കാം. അതുകൊണ്ടൊന്നും പകലിനെ ഇരുട്ടാക്കാനാവില്ല കൂട്ടരേ. ഞങ്ങളറിയാതെ ഇവിടെ ഒരു ഈച്ച പാറില്ല എന്ന് അഹങ്കരിച്ചവരുടെ തലക്കേറ്റ പ്രഹരത്തിന്റ ആഘാതം അവര്‍ക്ക് ജീവനുള്ളേടത്തോളം മറക്കാനാവില്ല. പല വാര്‍ത്താ മാധ്യമങ്ങളും നല്‍കുന്ന വാര്‍ത്തകളുടെ പൊള്ളത്തരം ജനങ്ങളെ ബോധ്യപ്പെടുത്തലായിരുന്നു ലക്ഷ്യം. അത് നടന്നു. അത് നടത്തി. അങ്ങാടിയില്‍ തോറ്റതിന് അമ്മയോട് പകതീര്‍ക്കുന്നവര്‍ എക്കാലത്തുമുണ്ടായിട്ടുണ്ട്. ഇപ്പോഴും അത് തുടരുന്നു


എന്നാല്‍ ഇന്ന് കെ.ടി ജലീലിനെ ന്യായികരിച്ച് കൂടുതല്‍ നേതാക്കള്‍ രംഗത്ത് വരുന്നുണ്ട്. മന്ത്രി കെ.ടി.ജലീല്‍ രാജിവയ്‌ക്കേണ്ട സാഹചര്യമില്ലെന്ന് സിപിഎം പൊളിറ്റ് ബ്യൂറോ വിലയിരുത്തിയിരുന്നു. പ്രതിപക്ഷ നീക്കം സര്‍ക്കാരിനെ അട്ടിമറിക്കാനാണ്. ദുഷ്പ്രചരണങ്ങളെ രാഷ്ട്രീയമായി നേരിടുമെന്നും സിപിഎം ജനറല്‍ സെക്രട്ടറി സീതാറാം യെച്ചൂരി പറഞ്ഞു. അതേസമയം എന്‍ഫോഴ്‌സ്‌മെന്റ് അന്വേഷണം മന്ത്രിയിലേക്ക് എത്തിയതോടെ സ്വര്‍ണക്കടത്ത് അന്വേഷിക്കുന്ന കേന്ദ്ര ഏജന്‍സികള്‍ക്കെതിരെ സിപിഎം സംസ്ഥാന നേതൃത്വവും രംഗത്തെത്തി. ജലീലില്‍ നിന്ന് വിവരം തേടിയത് എന്‍ഫോഴ്‌സ്‌മെന്റ് മേധാവി വെളിപ്പെടുത്തിയത് അസാധാരണമാണെന്ന് സംസ്ഥാന സെക്രട്ടേറിയറ്റ് പറഞ്ഞു. കെ.ടി ജലീലിനെതിരെ നടക്കുന്ന സമരങ്ങള്‍ സര്‍ക്കാര്‍ വിരുദ്ധ പ്രക്ഷോഭമെന്നാണ് മന്ത്രി എകെ ബാലന്‍ പറഞ്ഞത്. സമരങ്ങള്‍ക്ക് സര്‍ക്കാര്‍ എതിരല്ല. പക്ഷെ പ്രതിപക്ഷ സമരങ്ങള്‍ നിയമവിരുദ്ധവും കോടതി വിധിയെ വെല്ലുവിളിക്കുന്നതുമെന്ന് എകെ ബാലന്‍ പറഞ്ഞു, മന്ത്രി കെടി ജലീലിന് പൂര്‍ണ പിന്തുണയും എകെ ബാലന്‍ നല്‍കി. സ്വാഭാവികമായ ചോദ്യങ്ങളാണ് എന്‍ഫോഴ്‌സ്‌മെന്റ് ഡയറക്ട്രേറ്റ് ചോദിച്ചത്. രണ്ടര മണിക്കൂര്‍ എടുത്ത് അതിന് വ്യക്തത വരുത്തുകയും ചെയ്തു. എന്താണ് ചോദിച്ചതെന്ന് അറിയില്ല. അത് പുറത്ത് പറയാനും കഴിയില്ല. അന്വേഷണ ഏജന്‍സികള്‍ക്ക് മുന്നില്‍ പോയത് എങ്ങനെ തെറ്റാകുമെന്നും എകെ ബാലന്‍ ചോദിച്ചു. ജലീല്‍ കുറ്റക്കാരന്‍ ആണെന്ന് ആരും പറഞ്ഞിട്ടില്ല. കെടി ജലീല്‍ ഇടത് പക്ഷത്തേക്ക് വന്നത് മുസ്ലീം ലീഗിന് വലിയ ക്ഷീണമായിരുന്നു. മാര്‍ക്ക് ദാന വിവാദത്തില്‍ മന്ത്രിക്ക് ഒരു പങ്കും ഇല്ലെന്ന് തെളിഞ്ഞതാണ്. കൈയില്‍ കിട്ടുന്ന ആരോപണങ്ങള്‍ ഉന്നയിച്ചു നശിപ്പിക്കാന്‍ ശ്രമിക്കുന്ന രീതി ശരിയല്ലെന്നും എകെ ബാലന്‍ പറഞ്ഞു.