ഇനി യോഗിയുടെ പോലിസിന് അറസ്റ്റ് ചെയ്യാന് വാറണ്ട് വേണ്ട; ആരെ വേണമെങ്കിലും എപ്പോള് വേണമെങ്കിലും അറസ്റ്റ് ചെയ്യും; പുതിയ പോലീസ് സേന രൂപീകരിക്കാനൊരുങ്ങി ഉത്തര്പ്രദേശ് സര്ക്കാര്; സി.ഐ.എസ്.എഫ് മാതൃകയില് സേന രൂപീകരിക്കുന്ന സര്ക്കാര് സ്ഥാപനങ്ങളുടെ സുരക്ഷക്ക്
ആരെ വേണമെങ്കിലും എപ്പോള് വേണമെങ്കിലും അറസ്റ്റു ചെയ്യാം. അത്തരത്തിലൊരു സേനക്ക് രൂപം നല്കാന് ഒരുങ്ങുകയാണ് ബി.ജെ.പി മുഖ്യമന്ത്രി യോഗി ആദിത്യനാഥ് നേതൃത്വം നല്കുന്ന യു.പി സര്ക്കാര്. വാറണ്ടില്ലാതെയുള്ള പരിശോധനയ്ക്കും അറസ്റ്റിനും അധികാരമുള്ളതും കേന്ദ്ര പോലീസ്സേനയായ സിഐഎസ്എഫിന് സമാനമായതുമായ പുതിയ സേനാവിഭാഗം സംസ്ഥാനത്ത് രൂപവത്കരിക്കാനാണ് പദ്ധതി. സംസ്ഥാനത്തെ കോടതികള്, വിമാനത്താവളങ്ങള്, അധികാരസ്ഥാപനങ്ങള്, മെട്രോ, ബാങ്ക്, മറ്റു സര്ക്കാര് സ്ഥാപനങ്ങള് എന്നിവയുടെ സംരക്ഷണമാണ് ഉത്തര്പ്രദേശ് സ്പെഷ്യല് സെക്യൂരിറ്റി ഫോഴ്സ്(യുപിഎസ്എസ്എഫ്) എന്ന പുതിയ വിഭാഗത്തിന്റെ പ്രധാന ചുമതല. യുപി പോലീസിന്റെ പ്രത്യേക യൂണിറ്റായ പിഎസി(പ്രൊവിന്ഷ്യല് ആര്മ്ഡ് കോണ്സ്റ്റാബുലറി)യില് നിന്നുള്ള അംഗങ്ങളെ ഉള്പ്പെടുത്തിയായിരിക്കും പ്രാഥമിക ഘട്ടത്തില് യുപിഎസ്എസ്എഫ് പ്രവര്ത്തനസജ്ജമാകുന്നത്. 1,7,47,06 കോടി രൂപ ആദ്യ എട്ട് ബറ്റാലിയനുകള്ക്കായി സര്ക്കാര് നീക്കിവെയ്ക്കും. മജിസ്ട്രേറ്റില് നിന്നുള്ള മുന്കൂര് അനുമതി ഇല്ലാതെ തന്നെ ഏതൊരാളേയും അറസ്റ്റ് ചെയ്യാനുള്ള അധികാരം യുപിഎസ്എസ്എഫ് അംഗങ്ങള്ക്കുണ്ടായിരിക്കും.
എന്നാല് യുപിഎസ്എസ്എഫിന് നല്കിയിരിക്കുന്ന പ്രത്യേക അധികാരം ദുര്വിനിയോഗത്തിനിടയാക്കുമെന്ന് വിവിധതലങ്ങളില് നിന്ന് വിമര്ശനമുയര്ന്നിട്ടുണ്ട്. വിമര്ശനത്തോട് സര്ക്കാര് ഇതുവരെ പ്രതികരിച്ചിട്ടില്ല. കോടതിയുടെ ഉത്തരവില്ലാതെ സേനാംഗങ്ങള്ക്ക് ആരെ വേണമെങ്കിലും ഏപ്പോള് വേണമെങ്കിലും അറസ്റ്റ് ചെയ്യാം. ഇതിനായി നിയമത്തില് പ്രത്യേക സെക്ഷന് രൂപീകരിക്കുമെന്നും അദ്ദേഹം വ്യക്തമാക്കി. സര്ക്കാരിന്റെ നീക്കം നിയമം ദുര്വിനിയോഗം ചെയ്യാന് ഇടവരുത്തുമെന്നാണ് ഉയരുന്ന വിമര്ശനം. എന്നാല് ഇതേപ്പറ്റി പ്രതികരിക്കാന് സര്ക്കാര് തയ്യാറായിട്ടില്ലെന്നും ദേശീയ മാധ്യമങ്ങള് റിപ്പോര്ട്ട് ചെയ്തു. അതെ സമയം സിഐഎസ്എഫിന്റെ സമാന അധികാരം യുപിഎസ്എസ്എഫിനുണ്ടായിരിക്കുമെന്ന് സര്ക്കാര് വൃത്തങ്ങള് ആവര്ത്തിച്ച് വ്യക്തമാക്കിയിട്ടുണ്ട്. 1968 ലെ സിഐഎസ്എഫ് ആക്ടിന്റെ പതിനൊന്നാം വകുപ്പില് വ്യക്തമാക്കിയിട്ടുള്ള എല്ലാ അധികാരവും യുപിഎസ്എസ്എപിനുണ്ടായിരിക്കുമെന്നാണ് സൂചന.
സിഐഎസ്എഫ് ആക്ടിന്റെ പതിനൊന്നാം വകുപ്പില് വ്യക്തമാക്കിയിരിക്കുന്ന തരത്തിലുള്ള കുറ്റകൃതങ്ങള് ചെയ്തതോ ചെയ്യാന് സാധ്യതയോയുള്ള വ്യക്തി രക്ഷപ്പെടുമെന്നോ കുറ്റകൃത്യം മറയ്ക്കുമെന്നോ ഉറപ്പുള്ള സാഹചര്യത്തില് ആ വ്യക്തിയെ വാറണ്ടിന്റെ അഭാവത്തില് അറസ്റ്റ് ചെയ്യാമെന്ന് നിയമത്തിന്റെ പന്ത്രണ്ടാം വകുപ്പില് വിശദീകരിച്ചിട്ടുണ്ട്. ഇത്തരം സന്ദര്ഭത്തില് അറസ്റ്റ് ചെയ്യാനുള്ള അധികാരം യുപിഎസ്എസ്എഫ് അംഗങ്ങള്ക്കുണ്ടായിരിക്കും. ദിവസങ്ങള്ക്ക് മുമ്പ് ഡല്ഹിയില് ഭീകരാക്രമണം നടത്തുന്നനിടെ അറസ്റ്റിലായ വ്യക്തി ഉത്തര്പ്രദേശ് സ്വദേശിയായിരുന്നു. ഇത്തരത്തില് നിരവധി പേരാണ് സംസ്ഥാനത്തുള്ളതെന്നാണ് കേന്ദ്ര ഇന്റലിജന്സ് വിഭാഗത്തിന്റെ കണ്ടെത്തന്. ഇതിന്റെ കൂടി അടിസ്ഥാനത്തിലാണ് ദേശവിരുദ്ധ പ്രവര്ത്തനങ്ങള് നടത്തുന്നവര്ക്ക് ശക്തമായ മുന്നറിപ്പ് നല്കുക എന്ന ലക്ഷ്യത്തോടെ യോഗി സര്ക്കാര് പുതിയ പോലീസ് സേന രൂപീകരിക്കുന്നതെന്നും വിലയിരുത്തപ്പെടുന്നുണ്ട്.
https://www.facebook.com/Malayalivartha