നിലമ്പൂർ ഭ​ണ്ഡാ​ര​വും ഓ​ഫി​സും കു​ത്തി​ത്തു​റ​ന്ന് ക​വ​ര്‍​ച്ച ന​ട​ത്തി​യ ശേ​ഷം മദ്യലഹരിയില്‍ തൊണ്ടിമുതലുമായി ക്ഷേ​ത്ര​മു​റ്റ​ത്ത് കി​ട​ന്നു​റ​ങ്ങി​​യാ​ള്‍ പി​ടി​യി​ലാ​യി.

വ​ഴി​ക്ക​ട​വ് കമ്പള​ക്ക​ല്ല് സ്വ​ദേ​ശി കു​ന്നു​മ്മ​ല്‍ ആ​ബി​ദ്​ (35) ആണ് നിലമ്പൂർ പൊ​ലീ​സിന്റെ പിടിയിലായത്. നിലമ്പൂർ മ​മ്മു​ള്ളി കു​ട്ടി​ച്ചാ​ത്ത​ന്‍ കാ​വി​ലാ​ണ് സം​ഭ​വം.

ചൊ​വ്വാ​ഴ്ച പു​ല​ര്‍​ച്ചെ ക്ഷേ​ത്ര​ത്തി​ല്‍ വി​ള​ക്ക് വെ​ക്കാ​നെ​ത്തി​യ സെ​ക്ര​ട്ട​റിയാണ് ഓ​ഫി​സി​ന്​ സ​മീ​പ​ത്ത് കിണറിനോ​ട് ചേ​ര്‍ന്ന് ഒ​രാ​ള്‍ കി​ട​ന്നു​റ​ങ്ങു​ന്ന​താ​യി ക​ണ്ട​ത്.

ഇവര്‍ പൊലീസിനെ വിളിക്കുകയും പൊ​ലീ​സെ​ത്തി ചോ​ദ‍്യം ചെ​യ്യു​ക​യും ക്ഷേ​ത്രം പ​രി​ശോ​ധി​ക്കു​ക​യും ചെ​യ്ത​തോ​ടെ​യാ​ണ് മോ​ഷ്​​ടാ​വാ​ണെ​ന്ന് തി​രി​ച്ച​റി​ഞ്ഞ​ത്. നാ​ലാ​യി​ര​ത്തി​ലേ​റെ രൂ​പ ക​ണ്ടെ​ടു​ത്തു.

നാ​ണ​യ​ങ്ങ​ള്‍ ഒ​ഴി​വാ​ക്കി ഭ​ണ്ഡാ​ര​ത്തി​ലെ നോ​ട്ടു​ക​ള്‍ മാ​ത്ര​മാ​ണ് എ​ടു​ത്ത​തെ​ന്ന് പ്ര​തി പ​റ​ഞ്ഞു.

മു​തീ​രി പള്ളിയറക്ക​ല്‍ ദു​ര്‍ഗാ​ഭ​ഗ​വ​തി ക്ഷേ​ത്ര​ത്തി​ലെ ഭ​ണ്ഡാ​രം പൊ​ളി​ച്ച്‌ എ​ണ്‍​പ​തി​നാ​യി​ര​ത്തോ​ളം രൂ​പ ക​വ​ര്‍​ന്ന​തു​മാ​യി ഇ​യാ​ള്‍​ക്ക് ബ​ന്ധ​മു​ണ്ടോ​യെ​ന്നും പൊ​ലീ​സ് അ​ന്വേ​ഷി​ക്കു​ന്നു.