സ്ത്രീകളോട് ഒരു വീക്ക്നെസ് ആണെന്ന് കേട്ടിട്ടുണ്ട് ചേച്ചിക്ക് വല്ല അനുഭവും ഉണ്ടായിട്ടുണ്ടോ? പിറന്നാൾ ദിനത്തിൽ മോഹന്ലാലിനെ കുറിച്ച് അശ്ലീല കമന്റ്! തക്ക മറുപടിയുമായി നടി സീനത്ത്.. ഏറ്റെടുത്ത് സോഷ്യൽമീഡിയ...
മലയാളത്തിന്റെ താരരാജാവ് മോഹന്ലാലിന്റെ അറുപത്തിയൊന്നാം പിറന്നാളിന് ആരാധകരും സഹതാരങ്ങളും ഉൾപ്പെടെ നിരവധിയാളുകളാണ് ആശംസകളുമായി രംഗത്തെത്തിയിരുന്നത്.
ഇപ്പോഴിതാ മോഹന്ലാലിനു പിറന്നാള് ആശംസ നേര്ന്ന നടി സീനത്തിന്റെ ഫേസ്ബുക്ക് പോസ്റ്റില് അശ്ലീല കമന്റിട്ട യുവാവിനു കിടിലന് മറുപടി നല്കിയിരിക്കുകയാണ് സീനത്ത്. നിമിഷങ്ങൾക്കുള്ളിലായിരുന്നു നടിയുടെ മറുപടി സോഷ്യൽമീഡിയ ഏറ്റെടുത്തത്.
'മോഹന്ലാല് എന്ന വ്യക്തി അഥവാ മോഹന്ലാല് എന്ന നടന് എത്ര ഉയരങ്ങളില് എത്തുന്നുവോ അത്രയും എളിമയും മറ്റുള്ളവരോടുള്ള സ്നേഹവും കാത്തു സൂക്ഷിക്കുന്ന വ്യക്തി ആണെന്ന് എനിക്ക് തോന്നിയിട്ടുണ്ട്. അതുപോലെ സ്ത്രീകളെ ബഹുമാനിക്കുന്ന കാര്യത്തിലും മോഹന്ലാല് മുന്പന്തിയില് തന്നെ.
ഏതു ആള്ക്കൂട്ടത്തില് നിന്നാലും ലാലിന് ചുറ്റും ഒരു വല്ലാത്ത തേജസ് ഉള്ളതുപോലെ.. ഉള്ളതുപോലെ അല്ല ഉണ്ട്. എന്നും എപ്പോഴും അതേ തേജസ്വടെയും ആരോഗ്യത്തോടെയും സന്തോഷത്തോടെയും കാണാന് ആഗ്രഹിക്കുന്നു. മനസറിഞ്ഞു പ്രാര്ത്ഥിക്കുന്നു.'- എന്നായിരുന്നു സീനത്തിന്റെ പിറന്നാളാശംസാ പോസ്റ്റ്.
ഇതിന് പിന്നാലെയായിരുന്നു മഹമൂദ് വൈ എം എന്ന യുവാവിന്റെ അശ്ലീമ കമന്റ്. 'സ്ത്രീകളോട് ഒരു വീക്ക്നെസ് ആണെന്ന് കേട്ടിട്ടുണ്ട് ചേച്ചിക്ക് വല്ല അനുഭവും ഉണ്ടായിട്ടുണ്ടോ?' എന്നായിരുന്നു യുവാവിന്റെ കമന്റ്. ഇതിനെതിരെ നിരവധിയാളുകള് രംഗത്തെത്തി. മോഹന്ലാല് ഫാന്സും രംഗത്തെത്തി. എന്നാൽ തക്ക മറുപടിയായിരുന്നു നടിയും നൽകിയത്.
സീനത്ത് നല്കിയ മറുപടി ഇങ്ങനെ, സ്ത്രീ എന്നും ഒരു വീക്ക്നെസ്സ് തന്നെയാണ് മോനേ. അതുകൊണ്ടാണല്ലോ നമ്മളൊക്കെ ജനിച്ചത് തന്നെ. എന്നാല് കൂട്ടത്തില് ഇത്തിരി ബഹുമാനം ലാലിന് ഉണ്ട് എന്ന് പറഞ്ഞത് തെറ്റാണോ?
എല്ലാ മനുഷ്യരിലും നല്ലതും ചീത്തയും ഉണ്ട്. ലോകം മുഴുവന് വൈറസ് കൊണ്ട് നിറഞ്ഞിരിക്കുന്നു. അതുകൊണ്ട് ഉള്ള സമയം മറ്റുള്ളവരുടെ കുറ്റം കണ്ടെത്തുന്നതിന് വേണ്ടി കളയാതെ സ്വന്തം സന്തോഷത്തിനുവേണ്ടി ജീവിക്കാന് നോക്ക്. നല്ലതിന് വേണ്ടി പ്രാര്ത്ഥിക്കാം എന്നായിരുന്നു സീനത്തിന്റെ മറുപടി.
https://www.facebook.com/Malayalivartha