പെണ്ണിനെ അടച്ചു പൂട്ടി പൊന്നുപോലെ നോക്കുന്നവരുടെ നാട് ആക്കി മാറ്റുമോ എന്ന ഭയമാണ്... പത്തു വര്ഷം ' കാമുകി ' യെ അടച്ചു പൂട്ടി സ്നേഹിച്ചും 22 ദിവസം ഫ്ലാറ്റില് അടിച്ച് പൂട്ടി സ്നേഹിച്ചും കാമുകന്മാര്! ദീദി ദാമോദരന്റെ കുറിപ്പ് വൈറൽ.. ഏറ്റെടുത്ത് സോഷ്യൽമീഡിയ.
കാമുകന്മാരുടെ സ്നേഹ പ്രകടനത്തിന്റെ രണ്ടു ഭാവങ്ങളാണ് കൊച്ചിയില് ഫ്ളാറ്റില് പൂട്ടിയിട്ട് യുവതിയെ പീഡിപ്പിച്ച മാര്ട്ടിനും വീട്ടുകാര് പോലും അറിയാതെ 10 വര്ഷം ഒറ്റമുറിയില് അടച്ചിട്ടു കാമുകിയ്ക്കൊപ്പം ജീവിച്ച റഹ്മാനും.
പ്രണയത്തിന്റെ പേരില് റഹ്മാനെ പലരും വാഴ്ത്തുകയാണ്. എന്നാല് ഈ രണ്ടു കേസുകളും പെണ്ണിനെ അടച്ചു പൂട്ടി പൊന്നുപോലെ നോക്കുന്നവരുടെ നാട് ആക്കി മാറ്റുമോ എന്ന ഭയമാണ് വളര്ത്തുന്നതെന്നു സിനിമാ പ്രവര്ത്തക ദീദി ദാമോദരന്.
ദീദി ദാമോദരന്റെ കുറിപ്പ് ഇങ്ങനെ...
പെണ്ണിനെ അടച്ചു പൂട്ടി പൊന്നുപോലെ നോക്കുന്നവരുടെ നാട്
Netflixല് ' റൂം ' ( 2015 ) എന്ന സിനിമ കാണുമ്ബോള് അതൊരു വിദൂര യാഥാര്ത്ഥ്യമാണെന്ന് ആശ്വസിക്കാന് ശ്രമിക്കയായിരുന്നു.
എന്നാല് പത്തു വര്ഷം ' കാമുകി ' യെ അടച്ചു പൂട്ടി സ്നേഹിച്ചും 22 ദിവസം ഫ്ലാറ്റില് അടിച്ച് പൂട്ടി സ്നേഹിച്ചും കാമുകന്മാര് ഇതൊന്നും അത്ര വിദൂരമല്ലെന്ന ഭയം എന്നില് ഉണര്ത്തുന്നു.
പെണ്ണ് പുറത്തിറങ്ങിയാലുള്ള ഭവിഷ്യത്തുകളെച്ചൊല്ലി വരച്ചിടപ്പെട്ട ഒരായിരം ലക്ഷ്മണരേഖകള് ഇവിടെ വിഷവള്ളികളായി പടര്ന്നു പന്തലിച്ചിട്ടുണ്ട് .
സ്നേഹമായി നടിക്കുന്ന ഈ കാണാപൂട്ടുകളും ചില്ല് മേല്ക്കൂരകളും അവഗണിക്കാനാണ് നമുക്കിഷ്ടം.
പെണ്ക്കുട്ടികളെവഴി തെറ്റിച്ചു എന്നു പഴി കേട്ട കൈതപ്രത്തിന്്റെ പാട്ടാണോര്മ്മ വരുന്നത് :
'കെട്ടിപ്പൂട്ടിവയ്ക്കാന്
പൊന്നും മുത്തുമല്ല
കുറ്റക്കാരുമല്ല
ഒരു തെറ്റും ചെയ്തതല്ല '
https://www.facebook.com/Malayalivartha