മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ഇന്ന് ഗുണദോഷ സമ്മിശ്രമായ ഫലങ്ങളാണ് പ്രതീക്ഷിക്കേണ്ടത്. ദിവസത്തിന്റെ തുടക്കത്തിൽ മനഃശാന്തിയും തൊഴിൽ വിജയവും ഉണ്ടാകുമെങ്കിലും മദ്ധ്യാഹ്നം മുതൽ നേത്ര സംബന്ധമായ ബുദ്ധിമുട്ടുകൾക്കും യാത്രാ ദുരിതങ്ങൾക്കും സാധ്യതയുണ്ട്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): തൊഴിൽ വിജയം, ഉന്നതസ്ഥാനപ്രാപ്തി എന്നിവ ഉണ്ടാകുന്ന ദിവസമാണിത്. സർക്കാരിൽ നിന്നും ഗുണാനുഭവങ്ങളും കീർത്തിയും ലഭിക്കും. കുടുംബത്തിൽ നടക്കുന്ന മംഗളകരമായ കർമ്മങ്ങളിൽ മുഖ്യ പങ്കുവഹിക്കാൻ അവസരം ലഭിക്കും.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ദിവസത്തിന്റെ തുടക്കത്തിൽ തൊഴിൽപരമായ ക്ലേശങ്ങളും മാനസിക ബുദ്ധിമുട്ടുകളും നേരിടാൻ ഇടയുണ്ട്. എന്നാൽ മദ്ധ്യാഹ്നത്തിന് ശേഷം സാഹചര്യങ്ങൾ മാറുകയും മനഃസന്തോഷവും ധനലാഭവും കൈവരികയും ചെയ്യും.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): ആരോഗ്യപരമായ കാര്യങ്ങളിൽ ഇന്ന് അതീവ ശ്രദ്ധ ആവശ്യമാണ്. ശരീര ക്ഷീണം, രോഗാദി ദുരിതങ്ങൾ, ഉദരരോഗം എന്നിവ അലട്ടാൻ സാധ്യതയുണ്ട്. കാര്യതടസ്സങ്ങളും അപമാന സാഹചര്യങ്ങളും ഉണ്ടാകാതെ ജാഗ്രത പാലിക്കണം.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ദിവസത്തിന്റെ ആദ്യ പകുതിയിൽ ഭക്ഷണ സുഖവും സമൂഹത്തിൽ മാന്യതയും ലഭിക്കും. എന്നാൽ മദ്ധ്യാഹ്നം കഴിയുന്നതോടെ അപമാന സാഹചര്യങ്ങൾക്കോ ഉദര സംബന്ധമായ അസുഖങ്ങൾക്കോ സാധ്യതയുള്ളതിനാൽ ശ്രദ്ധിക്കുക.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): കുടുംബ സൗഖ്യവും മനഃസമാധാനവും ലഭിക്കുന്ന അനുകൂലമായ ദിവസമാണിത്. തൊഴിൽ വിജയം, സാമ്പത്തിക ഉന്നതി, ആരോഗ്യ വർദ്ധനവ് എന്നിവ ഉണ്ടാകും. കുടുംബത്തിൽ സന്തോഷം നിറയുന്ന അനുഭവങ്ങൾ വന്നുചേരും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): പകലിന്റെ ആദ്യ പകുതിയിൽ ശരീരസുഖം കുറയുന്നത് പോലെ അനുഭവപ്പെട്ടേക്കാം. എങ്കിലും മദ്ധ്യാഹ്നം മുതൽ രോഗശാന്തിയും മനഃസന്തോഷവും കൈവരും. അസ്വസ്ഥതകൾ മാറി സമാധാനം ലഭിക്കും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): ഉറക്കക്കുറവും ദുഃസ്വപ്നങ്ങളും അലട്ടാൻ ഇടയുള്ളതിനാൽ മാനസികമായി ജാഗ്രത പാലിക്കുക. ജീവിത പങ്കാളിക്കോ സന്താനങ്ങൾക്കോ ആരോഗ്യപരമായ വലിയ ബുദ്ധിമുട്ടുകൾ ഉണ്ടാകാൻ സാധ്യതയുള്ളതിനാൽ പ്രത്യേക ശ്രദ്ധ നൽകണം.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ദിവസത്തിന്റെ തുടക്കത്തിൽ ശത്രുനാശവും ഭക്ഷണസുഖവും പ്രതീക്ഷിക്കാം. എങ്കിലും മദ്ധ്യാഹ്നത്തിന് ശേഷം ഉദര സംബന്ധമായ പ്രശ്നങ്ങൾ ഉടലെടുക്കാൻ സാധ്യതയുള്ളതിനാൽ ഭക്ഷണ കാര്യങ്ങളിൽ മിതത്വം പാലിക്കുക.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ദിവസത്തിന്റെ തുടക്കത്തിൽ ചില രോഗാദി ദുരിതങ്ങളും അമിത ചെലവുകളും അലട്ടിയേക്കാം. എന്നാൽ മദ്ധ്യാഹ്നത്തിന് ശേഷം സാമ്പത്തിക ക്ലേശങ്ങൾ മാറുകയും സ്ഥിതിഗതികൾ അനുകൂലമാകുകയും ചെയ്യും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ദിവസത്തിന്റെ ആദ്യ പകുതിയിൽ തൊഴിൽ വിജയവും ധനനേട്ടവും ഉണ്ടാകും. എന്നാൽ മദ്ധ്യാഹ്നത്തിന് ശേഷം ആരോഗ്യപരമായ ബുദ്ധിമുട്ടുകളും രോഗാദി ദുരിതങ്ങളും അലട്ടാൻ സാധ്യതയുണ്ട്.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): വാഹനങ്ങൾ കൈകാര്യം ചെയ്യുമ്പോൾ അതീവ ജാഗ്രത പാലിക്കേണ്ട ദിവസമാണിത്. മനോദുഃഖം ഉണ്ടാകുന്ന സാഹചര്യങ്ങൾ നേരിടേണ്ടി വന്നേക്കാം. എങ്കിലും മദ്ധ്യാഹ്നത്തിന് ശേഷം ശത്രുഹാനിയും മനഃസന്തോഷവും ഉണ്ടാകും.

തയ്യാറാക്കിയത്:
ജയറാണി ഇ. വി.
വിളിക്കുക: +91 9746812212
(പാരമ്പര്യ ജ്യോതിഷ കുടുംബാംഗമായ ജയറാണി, കഴിഞ്ഞ 25 വർഷത്തിലേറെയായി ജ്യോതിഷം, വാസ്തു, സംഖ്യാശാസ്ത്രം, ആചാര അനുഷ്ഠാനങ്ങൾ എന്നീ മേഖലകളിൽ വിശ്വസ്തമായ മാർഗ്ഗനിർദ്ദേശങ്ങൾ നൽകിവരുന്നു.)