കലാഭവന് മണിയുടെ മരണം ചുരുളഴിയും
ചലച്ചിത്രതാരം കലാഭവന് മണിയുടെ മരണം പ്രത്യേക അന്വേഷണ സംഘം അന്വേഷിക്കും. സേനയിലെ സത്യസന്ധനായ ഒരു ഉദേ്യാഗസ്ഥനെ ഇതിനുവേണ്ടി കണ്ടെത്താനിരിക്കുകയാണ് സര്ക്കാര്. അഡീഷണല് ചീഫ് സെക്രട്ടറി നളിനി നെറ്റോയുമായി മുഖ്യമന്ത്രി നടത്തിയ കൂടികാഴ്ചയില് ഇക്കാര്യം ആവശ്യപ്പെട്ടു കഴിഞ്ഞു.
കുടുംബത്തിനകത്തെ അസ്വാരസ്യങ്ങളാണ് മരണത്തിന് കാരണമായതെന്നാണ് പോലീസ് കരുതുന്നത്. കൊലപാതകം എന്നത് പോലീസ് തള്ളിക്കളഞ്ഞിട്ടില്ലെങ്കിലും ആത്മഹത്യയാണോ എന്ന് സംശയിക്കുന്നുണ്ട്. കലാഭവന് മണി ആത്മഹത്യ ചെയ്യുകയായിരുന്നെങ്കില് അത് എന്തിനുവേണ്ടിയാണെന്ന് കണ്ടെത്തേണ്ട ധാര്മിക ബാധ്യത പോലീസിനുണ്ട്.
ഭാര്യയുമായി മണി അകലാന് വ്യക്തമായ കാരണമുണ്ടെന്ന് പോലീസ് ഉന്നതങ്ങള് സംശയിക്കുന്നു. ഒന്നരമാസം ഭര്ത്താവ് വീട്ടില് വരാതിരുന്നിട്ടും അക്കാര്യം അനേ്വഷിക്കാന് ഭാര്യ തയ്യാറാകാതിരുന്നതു തന്നെ സംശയത്തിന്റെ മുള്മുനയിലാവുന്നു. അതിനിടെ മണിയുടെ സഹോദരന് നടത്തുമെന്ന് പ്രഖ്യാപിച്ച നിരാഹാരസമരം അനേ്വഷണം നടത്തുമെന്ന സര്ക്കാര് വാഗ്ദാനത്തെ തുടര്ന്ന് മാറ്റിവച്ചു.
മണി അറിയപ്പെടുന്ന സി.പി.എം പ്രവര്ത്തകനായിരുന്നു. അദ്ദേഹത്തെ കുന്നത്തുനാട്ടില് മത്സരിപ്പിക്കാന് സി.പി.എം ആലോചിച്ചിരുന്നതുമാണ്. അതിനിടയിലായിരുന്നു മണിയുടെ മരണം. കലാഭവന് മണി ജീവിച്ചിരുന്നെങ്കില് ഇന്ന് എം.എല്.എ. യായി നിയമസഭയിലിരിക്കുമായിരുന്നു.
അടുത്തയാഴ്ച ആദ്യം അനേ്വഷണം പ്രഖ്യാപിച്ചേക്കും. ഐ.ജിമാര്ക്ക് ആര്ക്കെങ്കിലുമായിരിക്കും ചുമതല. അവരുടെ നേതൃത്വത്തില് ടീം രൂപീകരിക്കും. സത്യം എന്തുതന്നെയായാലും അത് ആരെ ബുദ്ധിമുട്ടിച്ചാലും പുറത്തുകൊണ്ടുവരണമെന്നാണ് പിണറായിയുടെ നിര്ദ്ദേശം. കലാഭവന് മണിയുടെ രോഗം ഗുരുതരമാക്കിയ സാഹചര്യങ്ങളെ കുറിച്ചും അനേ്വഷണം ഉണ്ടാകും. സുഹൃത്തുക്കളില് പലരും ഇനിയും സംശയത്തിന്റെ നിഴലിലാകുമെന്നു തന്നെയാണ് വിവരം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha