എന്റെ അവസ്ഥ മമ്മൂക്ക കാണണം... മമ്മൂട്ടിയുടെ ചിത്രങ്ങള് കണ്ട് മാതൃകയായി വൃക്ക ദാനം ചെയ്ത ലേഖ നമ്പൂതിരി കനിവിനായി കേഴുന്നു
പാലക്കാട് സ്വദേശിയായ നിര്ധന യുവാവിന് സൗജന്യമായി വൃക്ക നല്കിയ മാവേലിക്കരക്കാരി ലേഖ.എം.നമ്പൂതിരി ഇപ്പോള് കൊടും ദാരിദ്ര്യത്തില് മുങ്ങുകയാണ്. മമ്മൂട്ടി തന്നെ രക്ഷക്കെത്തുമെന്നാണ് ലേഖ കരുതുന്നത്. കടുത്ത മമ്മൂട്ടി ആരാധികയായ ലേഖ മമ്മൂട്ടിയുടെ ലൗഡ് സ്പീക്കര് എന്ന സിനിമ കണ്ടിട്ട് അതില് പ്രചോദനം ഉള്ക്കൊണ്ടാണ് കിഡ്ണി ദാനം ചെയ്തത്. പക്ഷെ അതോടെ ജീവിതം മാറിമറിഞ്ഞ ലേഖ ആകെ അവശതയിലാണ്. അവയദാനത്തിലൂടെ സമൂഹത്തിന് മാതൃകയായ ലേഖ പരസഹായമില്ലാതെ നടക്കാനാകാത്ത അവസ്ഥയിലാണിപ്പോള്. നട്ടെല്ലു സംബന്ധമായ അസുഖത്തെ ചികില്സയിലായിരുന്നെങ്കിലും പണമില്ലാത്തതിനാല് ചികില്സ നിര്ത്തിവച്ചു
കഴിഞ്ഞ 2012 നവംബറില് ജാതിയുടെ കെട്ടുപാടുകള് വലിച്ചെറിഞ്ഞ് ലേഖ എം നമ്പൂതിരി പാലക്കാടുകാരനായ ഷാഫിക്ക് വൃക്കദാനമായി നല്കിയത്. അന്ന് ഇത് വലിയ ചര്ച്ചയായിരുന്നു. വൃക്കയ്ക്കായി വലിയ പ്രതിഫലങ്ങള് പലരും വാഗ്ദാനം ചെയ്തെങ്കിലും അതിലൊന്നും വശംവദയാകാതെ പ്രതിഫലം ആഗ്രഹിക്കാതെ സഹജീവികളെ എങ്ങനെ സ്നേഹിക്കാമെന്ന് ലേഖ ലോകത്തിന് കാണിച്ചുകൊടുത്തു. സിനിമയില് നിന്ന് ഉള്ക്കൊണ്ട നന്മയുടെ പ്രകാശത്തെ തന്റെ ജീവിതത്തിലൂടെ പ്രകാശിപ്പിച്ച ലേഖയുടെ ജീവിതത്തില് നട്ടെല്ലു സംബന്ധമായ രോഗം കരിനിഴല് വീഴ്ത്തിയിരിക്കുന്നു. 15 ദിവസമായ കണ്ടിയൂരിലെ സ്വകാര്യ ആശുപത്രിയില് ചികിത്സയിലായിരുന്നു. എന്നാല് ആശുപത്രിയിലെ ചിലവ് താങ്ങാനാകാതെ വന്നതോടെ ചികില്സ അവസാനിപ്പിച്ചു. മാവേലിക്കരയില് ബ്യൂട്ടീഷ്യന് സ്ഥപനം നടത്തുകയായിരുന്നു ലേഖ. നട്ടെല്ലിന് രോഗം ബാധിച്ചതോടെ സ്ഥാപനത്തിന് പൂട്ടുവീണു.
നട്ടെല്ലിന്റെ കശേരുക്കള് പുറത്തേക്ക് തള്ളിയതിനാല് കാലിലേക്ക് വരുന്ന രക്തകുഴലുകള്ക്ക് അടവ് സംഭവിച്ചതാണ് നിലവിലെ രോഗകാരണം. ശസ്ത്രക്രിയയാണ് പരിഹാരമാര്ഗം. എന്നാല് ഇതിനുള്ള ചിലവ് ലേഖക്കും കുടുംബത്തിനും താങ്ങാവുന്നതിനുമപ്പുറമാണ്. മൂന്നുസെന്റിലുള്ള കിടപ്പാടമാണ് ഏക സമ്പാദ്യം. കൃത്യമായ ചികിത്സ ഉടന് ലഭിച്ചില്ലെങ്കില് ശരീരം തളര്ന്നു പോകുമെന്ന് ഡോക്ടര്മാര് മുന്നറിയിപ്പ് നല്കുന്നു. ഈയവസ്ഥയിലാണ് മമ്മൂട്ടിയെപ്പോലെയുള്ള നല്ല മനസുകളുടെ സേവനം അഭ്യര്ത്ഥിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha