തീരാവേദനയില്‍ നിന്നും മധുരാശ്വാസം... ചിഞ്ചുവിന് തണലായി രേഷ്മ
ഈ വാര്‍ത്ത ആരുടേയും ഹൃദയത്തില്‍ തട്ടും. എഴുപുന്നയിലെ സെന്റ് റാഫേല്‍സ് ഹയര്‍ സെക്കന്ററി അധ്യാപകന്‍ ജോണ്‍ ഡിറ്റോയുടെ ഫേസ് ബുക്ക് പോസ്റ്റാണ് ഇപ്പോള്‍ എല്ലാവരേയും വേദനിപ്പിക്കുന്നത്. സൊറിയാസിസ് ബാധിച്ച കുട്ടിയെയും സുഹൃത്തിനേയും കുറിച്ചുള്ള കുറിപ്പാണ് വായനക്കാരുടെ മനസില്‍ തീരാവേദനയാകുന്നത്. സൊറിയാസിസ് ബാധിച്ച ചിഞ്ചു ആന്റണി എന്ന കുട്ടിയേയും അവളെ സഹായിക്കുന്ന രേഷ്മ നായരേയും കുറിച്ചാണ് സ്‌കൂളിലെ അധ്യാപകന്‍ ഫേസ് ബുക്കില്‍ കുറിച്ചിരിക്കുന്നത്.
അധ്യാപകന്റെ ഫേസ് ബുക്ക് പോസ്റ്റ് വായിക്കാം
ഇത് ചിഞ്ചു ആന്റണിയും രേഷ്മ നായരും. എഴുപുന്ന സെന്റ് റാഫേല്‍സ് ഹയര്‍ സെക്കന്ററി സ്‌കൂളില്‍ പത്താം ക്ലാസ്സിലെ
എന്റെ പ്രിയ വിദ്യാര്‍ത്ഥിനികള്‍ ...
ചിഞ്ചുവിന് ചെറുപ്പം മുതല്‍ സൊറിയാസിസ് എന്ന ത്വക് രോഗമുണ്ട്. സാമ്പത്തിക പരാധീനതയുള്ള കുടുംബമാണ് ചിഞ്ചുവിന്റേത്. വിദഗ്ദ്ധ ചികിത്സ നല്‍കിയാല്‍ ഈ അസുഖം ഭേദപ്പെടും. എആയിലുള്ള
മെഡിക്കല്‍ രംഗത്തുള്ളവരും ചാരിറ്റി മനസ്സുള്ളവരും ചിഞ്ചുവിന് ഉചിതമായ ചികിത്സാ നിര്‍ദ്ദേശങ്ങള്‍ നല്‍കണമെന്ന് അഭ്യര്‍ത്ഥിക്കുന്നു. കോട്ടയം മെഡിക്കല്‍ കോളജില്‍ രണ്ടു മാസം ചികില്‍സിച്ച് മുഖത്തെ കുറെയൊക്കെ ഭേദമായിരുന്നു.
ചിഞ്ചുവിന്റെ കൈ കോര്‍ത്തു് പിടിച്ചിരിക്കുന്ന രേഷ്മ നായര്‍ എന്ന കുട്ടിയെക്കുറിച്ചു കൂടി നിങ്ങളറിയണം.
ചിഞ്ചുവിന്റെയൊപ്പം ഒരു സഹായിയായി
നിഴല്‍ പോലെ എപ്പോഴും രേഷ്മയുണ്ടാവും.
ഒന്നിച്ചേഭക്ഷണം കഴിക്കൂ ..
ചേര്‍ത്തു പിടിച്ചേ നടക്കൂ..
ഒറ്റപ്പെട്ടു പോകാമായിരുന്ന ചിഞ്ചുവിനെ നിര്‍മ്മല സ്‌നേഹം കൊണ്ട് വാരിപ്പിടിച്ചിരിക്കുന്ന രേഷ്മക്കുട്ടി..
അവള്‍ മതഗ്രന്ഥങ്ങള്‍ വായിച്ചിട്ടില്ല.
തത്വചിന്ത അറിയില്ല.
സനാതനമൂല്യ പ്രഭാഷണങ്ങള്‍ കേട്ടിട്ടില്ല.
ഏങ്കിലും സഹജീവി സ്‌റ്റേഹത്തിന്റെ
സൗഹാര്‍ദ്ദത്തിന്റെ നിറവ്
രേഷ്മയില്‍ ഞാന്‍ കണ്ടു.
രേഷ്മയുടെ തലയില്‍ കൈവച്ച് ഞാനനുഗ്രഹിച്ചു.
മോള്‍ക്ക് നന്മകള്‍ മാത്രമേ വരൂ
അപ്പോള്‍ ഹൃദയം തുടിച്ചതും
എന്റെ കണ്ണുകള്‍ നിറഞ്ഞു തുളുമ്പിയതും എന്തുകൊണ്ടായിരിക്കാം?
അപ്പോഴും അവള്‍ അതിലെന്തല്‍ ഭുതമെന്ന മട്ടില്‍ നിന്നു.
ചിഞ്ചുവിന്റേയും രേഷ്മയുടെയും അദ്ധ്യാപകനാകാന്‍ കഴിഞ്ഞത്
എന്റെ ഭാഗ്യം!
പത്താം ക്ലാസ്സുകഴിഞ്ഞ് രേഷ്മയും ചിഞ്ചുവും പിരിയും
അതിനു മുമ്പ് ചിഞ്ചുവിനെ
മിടുക്കിയാക്കി മാറ്റണം
ചിഞ്ചുവിന്റെ അസുഖം മാറില്ലേ സര്‍?
രേഷ്മ നായരുടെ ഈ ചോദ്യം ഞാനും നിങ്ങളോടു ചോദിക്കുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
