പ്രിയദര്‍ശന്റെ സൂപ്പര്‍ ഹിറ്റ് സിനിമയായ അക്കരെയക്കരെയക്കരെ ആരും മറക്കാനിടയില്ല. നമ്മുടെ സിഐഡി ദാസനും വിജയനും കൂടി കിരീടം തപ്പി അമേരിക്കയില്‍ പോകുന്നതാണ് കഥ. അത് വെറും കഥയായിരുന്നെങ്കില്‍ നമ്മളെ ഞെട്ടിപ്പിച്ചിരിക്കുകയാണ് അമേരിക്ക. 

ഇന്ത്യയില്‍നിന്ന് പലപ്പോഴായി മോഷ്ടിക്കപ്പെട്ട 660 കോടിയോളം വിലമതിക്കുന്ന സാംസ്‌കാരിക കരകൗശല ഉല്‍പന്നങ്ങള്‍ യുഎസ് അധികൃതര്‍ ഇന്ത്യയ്ക്ക് കൈമാറി. യുഎസില്‍ സന്ദര്‍ശനം നടത്തുന്ന പ്രധാനമന്ത്രി നരേന്ദ്ര മോദിക്ക് ബ്ലെയര്‍ ഹൗസില്‍ നടന്ന ചടങ്ങിലാണ് ഇവ തിരികെ നല്‍കിയത്. വിഗ്രഹങ്ങള്‍ ഉള്‍പ്പടെ ഇരുന്നൂറോളം വിലപിടിപ്പുള്ള വസ്തുക്കളാണ് തിരികെ നല്‍കിയത്.
ഇന്ത്യയില്‍ നിന്നു പലപ്പോഴായി മോഷ്ടിക്കപ്പെട്ടവയാണ് ഇത്തരം കരകൗശല ഉല്‍പന്നങ്ങള്‍. ആരാധനയുമായി ബന്ധപ്പെട്ട ദൈവത്തിന്റെ വിഗ്രഹങ്ങള്‍, വെങ്കലത്തില്‍ പണിത കരകൗശല ഉല്‍പ്പന്നങ്ങള്‍, കളിമണ്‍ പ്രതിമകള്‍ തുടങ്ങിയവാണ് ഇന്ത്യയ്ക്ക് തിരികെ നല്‍കിയത്. ചിലതിന് 2000 വര്‍ഷത്തിലധികം പഴക്കം വരും. ഇവയെല്ലാം ഇന്ത്യയുടെ വിവിധ ആരാധനാലയങ്ങളില്‍ നിന്നു മോഷണം പോയതാണ്.
ചോള രാജാക്കന്‍മാരുടെ കാലത്തുണ്ടായിരുന്ന(എഡി 850 എഡി 1250) ഹിന്ദു കവിയും സന്യാസിയുമായ മാണിക്യവചകറിന്റെ വിഗ്രഹവും യുഎസ് തിരികെ നല്‍കിയതില്‍ ഉള്‍പ്പെടുന്നു. ചെന്നൈയിലെ ശിവക്ഷേത്രത്തില്‍ നിന്നു മോഷ്ടിക്കപ്പെട്ടതാണിത്. ഏതാണ്ട് 1.5 മില്യണ്‍ യുഎസ് ഡോളറിന്റെ മൂല്യമാണ് കണക്കാകുന്നത്.
ഇന്ത്യയുടെ പൈതൃകത്തെ മാനിച്ചതിന് ബറാക്ക് ഒബാമയോട് രാജ്യത്തിന്റെ നന്ദി അറിയിക്കുന്നതായി മോദി പറഞ്ഞു. പണത്തിന്റെ മൂല്യം മാത്രമല്ല, ഇവ ഞങ്ങള്‍ക്ക് അതിലും വലുതാണ്. ഇതു ഞങ്ങളുടെ സംസ്‌കാരത്തിന്റെയും പാരമ്പര്യത്തിന്റെയും ഭാഗമാണെന്നും പ്രധാനമന്ത്രി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha