നടിയുടെ വീട്ടില് രാത്രിയില് അന്വേഷണത്തിനെത്തിയ എസ്ഐയെ നാട്ടുകാര് കാര്യമായി അന്വേഷിച്ചപ്പോള്...
സീരിയില് നടിയുടം വീട്ടില് സംശയകരമായ സാഹചര്യത്തില് കണ്ടെന്നാരോപിച്ച എസ്ഐ പ്ലേറ്റ് മാറ്റി. താന് അന്വേഷണത്തിന്റെ ഭാഗമായാണ് നടിയുടെ വീട്ടിലെത്തിയെന്നാണ് എസ്ഐ പറയുന്നത്. എന്നാല് ഇതൊന്നും മുഖവിലയ്ക്കെടുക്കാതെ ജനക്കൂട്ടം തടഞ്ഞുവച്ചു മര്ദിച്ച പുത്തന്കുരിശ് എസ്ഐ ജെ.എസ്.സജീവ്കുമാറിനെ് (38) സസ്പെന്റ് ചെയ്തു.
ഈ ഭാഗത്തു ലഹരിമരുന്നു വില്പന നടക്കുന്നതായി വിവരം ലഭിച്ചതിനെത്തുടര്ന്ന് ഔദ്യോഗിക വാഹനവും വേഷവും ഒഴിവാക്കി എത്തിയതാണെന്ന് എസ്ഐ പറയുന്നു. മുമ്പ് ഇവിടെ നിന്ന് കഞ്ചാവ് പിടികൂടിയിരുന്നു. അതിന്റെ പ്രതികാരമാണ് തീര്ത്തതെന്നാണ് എസ് ഐ പറയുന്നത്. സംഭവത്തില് വിശദമായ അന്വേഷണം നടക്കും. എസ്ഐയെ മര്ദിച്ചതിനും വീട്ടുടമസ്ഥയെ മര്ദിച്ചതിനും രണ്ടു കേസുകളെടുത്തിട്ടുണ്ട്. കൊച്ചി റേഞ്ച് ഐജി എസ്. ശ്രീജിത്താണ് എസ്ഐയെ സസ്പെന്ഡ് ചെയ്തത്.
കണ്ണിനും മുഖത്തും പരുക്കേറ്റ സജീവ് കുമാറിനെ കോലഞ്ചേരി മെഡിക്കല് കോളജ് ആശുപത്രിയില് പ്രവേശിപ്പിച്ചു. പൊലീസ് സ്റ്റേഷനു രണ്ടര കിലോമീറ്റര് മാത്രം ദൂരെയുള്ള വീട്ടില് എസ്ഐയെ തടഞ്ഞുവച്ചു മര്ദിച്ചിട്ടും രണ്ടു മണിക്കൂര് കഴിഞ്ഞാണു പൊലീസ് എത്തിയത്. എസ് ഐുടെ മൊബൈല് ഫോണ് പിടിച്ചു വാങ്ങിയ ശേഷമായിരുന്നു മര്ദ്ദനം. സാധാരണ വേഷത്തില് വ്യാഴാഴ്ച രാത്രി ഒന്പതോടെ എസ്ഐ സ്വന്തം കാറിലാണു സംഭവം നടന്ന വീട്ടിലെത്തിയത്. ഈ വീട്ടില് തുടര്ച്ചയായി എസ്ഐ എത്തുന്നതില് ദുരൂഹത ആരോപിച്ചായിരുന്നു മര്ദ്ദനം. വീട്ടുകാരുടെ അടുത്ത ബന്ധുക്കള് എസ്ഐയുടെ സഹായത്തിനെത്തിയെങ്കിലും മര്ദ്ദനം തുടര്ന്നു.
രാത്രി പതിനൊന്നരയോടെ പൊലീസ് എത്തിയെങ്കിലും മദ്യപിച്ചിട്ടുണ്ടോ എന്നു പരിശോധിക്കണമെന്നു നാട്ടുകാര് ശഠിച്ചു. ബ്രത്തലൈസര് കൊണ്ടുവന്ന് ഊതിച്ചു മദ്യപിച്ചിട്ടില്ലെന്ന് ഉറപ്പാക്കിയ ശേഷമാണു എസ്ഐയെ മോചിപ്പിച്ചത്. വില്ലേജ് ഓഫിസറുടെ സാന്നിധ്യത്തിലായിരുന്നു പരിശോധന. പരുക്കേറ്റ സീരിയല് നടിയുടെ അമ്മ ആശുപത്രിയില് ചികിത്സയിലാണ്.
ഇവരുടെ സീരിയല് നടിയായ മകളുടെ വിവാഹമോചനം സംബന്ധിച്ചു പരാതിപ്പെടാന് സ്റ്റേഷനില് വന്നപ്പോഴുള്ള പരിചയമാണ് എസ്ഐക്കുള്ളത്. വ്യാഴ്ഴ്ച രാത്രി എട്ട് മണിയോടെ സ്വന്തം കാറിലാണ് എസ്ഐ സീരിയല് നടിയുടെ വീട്ടിലെത്തിയത്. സംഭവമറിഞ്ഞ് രാത്രി 10.30ഓടെ നാട്ടുകാര് വീടു വളയുകായിരുന്നു. അനാശാസ്യം ആരോപിച്ച നാട്ടുകാര് ഉദ്യോഗസ്ഥനെ തടഞ്ഞു നിര്ത്തി മര്ദ്ദിക്കുകയും ചെയ്തു. തുടര്ച്ചയായി മൂന്ന് ദിവസങ്ങലില് ഇതേവീട്ടില് എസ്ഐ എത്തിയതോടെയാണ് നാട്ടുകാര് അനാശാസ്യം ആരോപിച്ച് രംഗത്തെത്തിയതും തടഞ്ഞു നിര്ത്തി മര്ദ്ദിച്ചത്.
അടുത്തിടെ സീരിയല് രംഗത്ത് സജീവായി നില്ക്കുന്ന നടി കാമുകനുമൊപ്പം ഒളിച്ചോടിയിരുന്നു. എന്നാല്, അധികം കഴിയും മുമ്പ് തന്നെ കാമുകന് നടിയുടെ പക്കല് നിന്നും സ്വര്ണ്ണാഭരണങ്ങള് കരസ്ഥമാക്കിയ ശേഷം നടിയെ ഉപേക്ഷിച്ചു. പിന്നീട്, കാമുകന് സ്വന്തമാക്കിയ സ്വര്ണ്ണാഭരണങ്ങള് തിരിച്ചെടുക്കാന് വേണ്ടിയാണ് നടി പുത്തുന്കുരിശ് എസ്ഐ സജീവ് കുമാറിനെ സമീപിച്ചത്. നടി നേരിട്ടെത്തി പരാതി നല്കിയതോടെ വിശദമായി അന്വേഷിക്കാമെന്ന് എസ്ഐയും വ്യക്തമാക്കി. തുടര്ന്ന് അന്വേഷണത്തിന്റെ ഭാഗമായി വീട്ടിലെത്തിയത്.
നടിയുടെ ക്ഷണം അനുസരിച്ചാണ് കേസ് അന്വേഷണത്തിന്റെ ഭാഗമായി എസ്ഐ വീട്ടിലെത്തിയത്. ആദ്യം ദിവസം വന്നപ്പോള് നാട്ടുകാര് സംശയിച്ചില്ല. എന്നാല്, പിന്നീട് നടിയുടെ വീട് സന്ദര്ശിക്കുന്നത് പതിവായതോടെയാണ് നാട്ടുകാര് ഇടപെട്ട് കൈകാര്യം ചെയ്തത്. വിശദീകരണത്തില് തൃപ്തരാകാതെ എസ്ഐയെ പോകാന് അനുവദിച്ചില്ല. സംഭവം അറിഞ്ഞ് സിഐ അടക്കമുള്ള ഉദ്യോഗസ്ഥരും ജനപ്രതിനിധികളും എത്തി നാട്ടുകാരുമായി അനുരജ്ഞന ചര്ച്ച നടത്തിയ ശേഷമാണ് സ്റ്റേഷനിലേക്ക് കൊണ്ടുപോയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha