വിലക്കുകൾക്കും ഇടവേളകൾക്കും ശേഷം ശ്രീശാന്ത് വീണ്ടും കളിക്കളത്തിൽ. സയ്യിദ്​ മുഷ്​താഖ്​ അതി ട്വന്‍റി 20 ടൂര്‍ണമെന്‍റിനുള്ള കേരള ടീമില്‍ മുന്‍ ഇന്ത്യന്‍താരം ​എസ്​. ശ്രീശാന്തിനെയും ഉള്‍പ്പെടുത്തിയിരിക്കുകയാണ് . 26 അംഗ സാധ്യത ടീമി​ലാണ്​ ശ്രീശാന്തി​നേയും ഉള്‍പ്പെടുത്തിയിരിക്കുന്നത്​. റോബിന്‍ ഉത്തപ്പ, ജലജ്​ സക്​സേന തുടങ്ങിയവരാണ്​ ടീമിലെ അതിഥിതാരങ്ങള്‍. സഞ്​ജു സാംസണ്‍, ബേസില്‍ തമ്ബി, സചിന്‍ ബേബി, ആസിഫ്​ കെ.എം തുടങ്ങിയവരും ടീമില്‍ ഉണ്ട്.

വാതുവെപ്പ്​ ആരോപണത്തെത്തുടര്‍ന്ന്​ ബി.സി.സി​.ഐ വിലക്കേര്‍പ്പെടുത്തിയിരുന്ന ​ശ്രീശാന്ത്​ ഏഴുവര്‍ഷത്തെ ഇടവേളക്ക്​ ശേഷമാണ് ​ കളത്തിലിറങ്ങുന്നത് എന്നതും ശ്രദ്ധേയം ​. ആജീവനാന്ത വിലക്കാണ്​ ആദ്യം ഏര്‍പ്പെടു​ത്തിയെങ്കിലും ബി.സി.സി.ഐ ഓബുഡ്​സ്​മാനില്‍ നല്‍കിയ അപ്പീലിനെത്തുടര്‍ന്ന്​ കാലാവധി കുറക്കുകയും ചെയ്തു. 2013 ഐ.പി.എല്‍ സീസണില്‍ രാജസ്ഥാന്‍ റോയല്‍സിനായി കളിക്കുമ്പോഴാണ്​ ശ്രീശാന്തും സഹതാരങ്ങളായ അജിത്​ ചാന്ദിലയതും അങ്കിത്​ ചവാനും വാതുവെപ്പ്​ വിലക്ക്​ നേരിട്ടത്​. 37കാരനായ ​ശ്രീശാന്ത്​ ഇന്ത്യക്കായി 27 ടെസ്​റ്റിലും 53 ഏകദിനത്തിലും കളത്തിലിറങ്ങിയിട്ടുണ്ട്​. 2007ല്‍ ഇന്ത്യ ട്വന്‍റി 20 ​ലോകകപ്പ്​ നേടു​മ്പോഴും 2011ല്‍ ഏകദിന ലോകകപ്പ്​ നേടുമ്പോഴും ശ്രീശാന്ത്​ ഇന്ത്യന്‍ ടീമിൽ തന്നെ ഉണ്ടായിരുന്നു. .