അണ്ടര് 19 ഏഷ്യാ കപ്പ് ഏകദിന കിരീടത്തിനായി ഇന്ത്യയും പാകിസ്ഥാനും നേര്ക്കുനേര്...
അണ്ടര് 19 ഏഷ്യാ കപ്പ് ഏകദിന കിരീടത്തിനായി ഇന്ത്യയും ചിരവൈരികളായ പാകിസ്ഥാനും നേര്ക്കുനേര്. ഇന്ന് രാവിലെ 10.30 മുതലാണ് പോരാട്ടം.
സെമിയില് ഇന്ത്യ ശ്രീലങ്കയേയും പാകിസ്ഥാന് ബംഗ്ലാദേശിനേയും വീഴ്ത്തിയാണ് കലാശപ്പോരിനെത്തുന്നത്. ടൂര്ണമെന്റില് അപരാജിതരായാണ് ഇന്ത്യയുടെ മുന്നേറ്റം. ഗ്രൂപ്പ് ഘട്ടത്തില് പാകിസ്ഥാനെ വീഴ്ത്തിയതിന്റെ ആത്മവിശ്വാസവും ഇന്ത്യയ്ക്കു ബോണസായുണ്ട്.
സ്ഫോടനാത്മക തുടക്കമിടുന്ന 14കാരന് വൈഭവ് സൂര്യവംശി, മൂന്ന് അര്ധ സെഞ്ച്വറികളുമായി നിറഞ്ഞു കളിക്കുന്ന മലയാളി താരം ആരോണ് ജോര്ജ്, ഇരട്ട സെഞ്ച്വറി നേടി വിസ്മയിപ്പിച്ച അഭിഗ്യാന് കുണ്ഡു, സെമിയില് നിര്ണായക അര്ധ സെഞ്ച്വറി നേടിയ വിഹാന് മല്ഹോത്ര എന്നിവരെല്ലാം മിന്നും ഫോമില്.
ബൗളിങില് ദീപേഷ് ദേവേന്ദ്രന്, ഇടംകൈയന് സ്പിന്നര് ഖിലന് പട്ടേല്, ഓഫ് സ്പിന്നര് കനിഷ്ക് ചൗഹാന് എന്നിവരാണ് ഇന്ത്യയുടെ നിര്ണായക താരങ്ങള്. ബാറ്റിങ് കരുത്താണ് ഇന്ത്യയെ വേറിട്ടു നിര്ത്തുന്നത്.
"
https://www.facebook.com/Malayalivartha
