ഇന്ത്യ-ദക്ഷിണാഫ്രിക്ക നാലാം ടി20 മത്സരം ഉപേക്ഷിച്ചു. കനത്ത മൂടൽ മഞ്ഞ് കാരണം ടോസ് പോലും ഇടാതെയാണ് മത്സരം ഉപേക്ഷിച്ചത്. ഒമ്പതരക്ക് അവസ്ഥ പരിശോധിച്ച അമ്പയർമാർ മത്സരം ഉപേക്ഷിക്കാനായി തീരുമാനിക്കുകയായിരുന്നു. ആറരയ്ക്കു നിശ്ചയിച്ചിരുന്ന ടോസ്, എട്ടരയ്ക്കു ശേഷവും ഇടാൻ സാധിച്ചില്ല.

അംപയർമാർ അഞ്ചു തവണ പരിശോധന നടത്തിയെങ്കിലും സ്ഥിതി മെച്ചപ്പെട്ടിട്ടില്ലെന്നു വ്യക്തമാക്കി മത്സരം ഉപേക്ഷിച്ചു. ഇതോടെ പരമ്പരയിലെ ഒരുമത്സരത്തിലെങ്കിലും കളിക്കാമെന്ന മലയാളി താരം സഞ്ജു സാംസന്റെ ആ​ഗ്രഹം സഫലമായില്ല. ദക്ഷിണാഫ്രിക്കക്കെതിരായ ടി20 പരമ്പരയിലെ ആദ്യ രണ്ട് മത്സരങ്ങളിലും പൂജ്യത്തിന് പുറത്തായ ഗിൽ മൂന്നാം മത്സരത്തിൽ 12 പന്തിൽ 28 റൺസടിച്ച് നല്ല തുടക്കമിട്ടെങ്കിലും 28 പന്തിൽ 28 റൺസെടുത്ത് പുറത്തായിരുന്നു.

അതേസമയം, ടീമിൽ ഇടം നേടിയെങ്കിലും സഞ്ജുവിന് കളിയ്ക്കാനായി അവസരം ലഭിച്ചിരുന്നില്ല. വിക്കറ്റ് കീപ്പർ ബാറ്റ്സ്മാനായി ജിതേഷ് ശർമയായിരുന്നു ടീമിൽ ഇടം പിടിച്ചത്.