നഗരസഭാ കൗൺസിലർമാരുടെ സത്യപ്രതിജ്ഞാ ചടങ്ങ് നടക്കുന്നതിനാൽ ഞായർ രാവിലെ ഒമ്പതുമുതൽ നഗരത്തിൽ ഗതാഗത നിയന്ത്രണം ഏർപ്പെടുത്തി.

ചടങ്ങിൽ പങ്കെടുക്കാനായി പ്രവർത്തകരുമായി വരുന്ന വാഹനങ്ങൾ കോർപറേഷൻ പോയിന്റ്, ആർ ആർ ലാമ്പ് എന്നീ ഭാഗങ്ങളിൽ ആളിറക്കിയശേഷം പബ്ലിക് ലൈബ്രറി -നന്ദാവനം റോഡ്, മ്യൂസിയം- നന്ദാവനം റോഡ്, എൽഎംഎസ്- ജിവി രാജ റോഡ്, ജിവി രാജ -വേൾഡ് വാർ റോഡ്, പിഎംജി- ലോ കോളേജ് റോഡ്, എസ്എംസി - ഇടപ്പഴിഞ്ഞി റോഡിലും ഗതാഗതത്തിന് തടസ്സമില്ലാതെ റോഡ് ഒരു വശത്ത് പാർക്ക് ചെയ്യേണ്ടതാണ്.

ഗതാഗതത്തിരക്ക് കൂടിയാൽ വാഹനം വഴിതിരിച്ച് വിടും. വെള്ളയമ്പലം ഭാഗത്തുനിന്ന് മ്യൂസിയം ഭാഗത്തേക്ക് പോകേണ്ട വാഹനങ്ങൾ വെള്ളയമ്പലം- വഴുതക്കാട് വഴിയും പാളയം ഭാഗത്തുനിന്ന് വെള്ളയമ്പലം ഭാഗത്തേക്ക് പോകേണ്ടവ പിഎംജി- നന്തൻകോട് വഴിയും വഴി തിരിച്ച് വിടും.