ഡ്രൈവറില്ലാ ട്രാക്ടറുമായി മഹീന്ദ്ര
ലോകത്ത് മുന്‍നിര വാഹന നിര്‍മാതാക്കളെല്ലാം ഒന്നിന് പിറകെ ഒന്നായി പുത്തന്‍ ആശങ്ങള്‍ യാഥാര്‍ഥ്യമാക്കുന്ന തിരക്കിലാണ്. ഇക്കൂട്ടത്തിലെ പുതിയ ട്രെന്‍ഡാണ് ഡ്രൈവര്‍ലെസ് കാറുകള്‍. എന്നാല്‍ ഇന്ത്യയില്‍ മഹീന്ദ്രയുടെ വക എത്തുന്നത് ഡ്രൈവറില്ലാ ട്രാക്ടറുകളാണ്. രാജ്യത്തെ കര്‍ഷകര്‍ക്ക് ഏറെ ആശ്വാസം പകരുന്ന ആദ്യ ഡ്രൈവറില്ലാ ട്രാക്ടര്‍ പുറത്തിറക്കിയിരിക്കുകയാണ് മഹീന്ദ്ര.
കര്‍ഷകര്‍ക്ക് റിമോര്‍ട്ട് വഴി ആവശ്യാനുസരണം നിര്‍ദേശം നല്‍കി ട്രാക്ടറുകളെ നിയന്ത്രിക്കാം. കമ്പനിയുടെ ചൈന്നെയിലെ റിസര്‍ച്ച് കേന്ദ്രത്തിലാണ് പുതിയ ആശയത്തിലൂടെ രാജ്യത്തെ ആദ്യ ഡ്രൈവറില്ലാ ട്രാക്ടര്‍ നിര്‍മിച്ചത്. വാണിജ്യാടിസ്ഥാനത്തില്‍ അടുത്ത വര്‍ഷത്തോടെ ഈ ട്രാക്ടര്‍ വിപണിയിലെത്തും. ഇതിനൊപ്പം ഇലക്ട്രിക് ട്രാക്ടര്‍ വിപണിയിലെത്തിക്കാനുള്ള ശ്രമങ്ങളും കമ്പനി തുടരുന്നുണ്ട്. തുടക്കത്തിൽ ട്രാക്ടറുകളില്‍ ഡ്രൈവറുടെ ആവശ്യകത കുറയ്ക്കുന്നതിനാണ് പ്രഥമ പരിഗണന നല്‍കിയത്. പിന്നീടാണ് പൂര്‍ണമായും ഡ്രൈവര്‍ രഹിത ട്രാക്ടറിലേക്ക് നീങ്ങിയതെന്ന് കമ്പനി വ്യക്തമക്കി.
ആദ്യഘട്ടത്തില്‍ മഹീന്ദ്രാ ട്രാക്ടര്‍ നിരയില്‍ 20 എച്ച്പി മുതല്‍ 100 എച്ച്പി വരെ കരുത്ത് പകരുന്ന ട്രാക്ടറുകളില്‍ ഡ്രൈവര്‍ലെസ് സംവിധാനം ഉള്‍ക്കൊള്ളിക്കാനാണ് കമ്പനി ലക്ഷ്യമിടുന്നത്.
https://www.facebook.com/Malayalivartha
