ബി.എസ്. സി. നേഴ്സിങ്, പാരാമെഡിക്കല് ഡിഗ്രി കോഴ്സിന് അപേക്ഷിക്കാം
കേരളത്തിൽ 2017-18 അധ്യയന വർഷത്തിലെ ബി.എസ്. സി. നേഴ്സിങ് കോഴ്സിലേക്കും ബി.എസ്. സി. (എംഎല്ടി), ബി.എസ്. സി. പെര്ഫ്യൂഷന് ടെക്നോളജി, ബി.എസ്. സി. ഒപ്ടോമെട്രി, ബിപിടി, ബിസിവിറ്റി, ബിഎഎസ്എല്പി, ബി.എസ്. സി. എംആര്റ്റി, ബി.എസ്. സി. മെഡിക്കല് മൈക്രോബയോളജി, ബി.എസ്. സി. മെഡിക്കല് ബയോകെമിസ്ട്രി എന്നീ പാരാമെഡിക്കല് ഡിഗ്രി കോഴ്സുകളിലേക്കുമുള്ള അലോട്ട്മെന്റിന് പ്രവേശനപരീക്ഷാകമീഷണര് അപേക്ഷ ക്ഷണിച്ചു.
യോഗ്യത : പ്ലസ് ടു അല്ലെങ്കിൽ ആരോഗ്യ സര്വകലാശാല തത്തുല്യമായി അംഗീകരിച്ച മറ്റേതെങ്കിലും പരീക്ഷയോ പാസായിരിക്കണം. അതോടൊപ്പം ബി.എസ്. സി നേഴ്സിങ്, ബി.എസ്. സി എംഎല്ടി, ബി.എസ്. സി ഒപ്ടോമെട്രി എന്നീ കോഴ്സുകളില് പ്രവേശനത്തിന് ഫിസിക്സ്, കെമിസ്ട്രി, ബയോളജി, ഇംഗ്ളീഷ് എന്നിവയ്ക്കു മൊത്തത്തില് 50 ശതമാനം മാര്ക്ക് വേണം. ബി.എസ്. സി പെര്ഫ്യൂഷന് ടെക്നോളജി, ബിസിവിടി, ബിപിടി എന്നീ കോഴ്സുകളില് പ്രവേശനത്തിന് ബയോളജിയ്ക്ക് മാത്രം 50 ശതമാനം മാര്ക്ക് വേണം.
ബിഎഎസ്എല്പി കോഴ്സില് പ്രവേശനത്തിന് ഫിസിക്സ്, കെമിസ്ട്രി, ബയോളജി/മാത്തമാറ്റിക്സ്/കംപ്യൂട്ടര്സയന്സ്/സ്റ്റാറ്റിസ്റ്റിക്സ്/ഇലക്ട്രോണിക്സ്/സൈക്കോളജി എന്നിവയ്ക്കു മൊത്തത്തില് 50 ശതമാനം മാര്ക്ക് വേണം. ബി.എസ്. സി എംആര്ടി, ബിഎസ്സി മെഡിക്കല് മൈക്രോബയോളജി, ബി.എസ്. സി മെഡിക്കല് ബയോകെമിസ്ട്രി എന്നീ കോഴ്സുകളില് പ്രവേശനത്തിന് ഫിസിക്സ്, കെമിസ്ട്രി, ബയോളജി എന്നിവയ്ക്കു മൊത്തത്തില് 50 ശതമാനം മാര്ക്ക് നേടിയിരിക്കണം.
ജൂലൈ 16 വരെ വൈകിട്ട് അഞ്ചിനകം ഓണ്ലൈനായി അപേക്ഷിക്കണം. ഓണ്ലൈന് അപേക്ഷ സമര്പ്പിച്ചശേഷം അതിന്റെ പ്രിന്റൌട്ടും അനുബന്ധ രേഖകളും 18ന് വൈകിട്ട് അഞ്ചിനകം പ്രവേശന പരീക്ഷാ കമീഷണറുടെ ഓഫീസില് എത്തിക്കണം. വിശദമായ ഓഫീസ് വിജ്ഞാപനവും സര്ക്കാര് അംഗീകൃത പ്രോസ്പെക്ടസും പ്രവേശന പരീക്ഷാ കമീഷണറുടെ www.ceekerala.org എന്ന വെബ്സൈറ്റില് ലഭ്യമാണ്.
https://www.facebook.com/Malayalivartha