വ്യാജ മരുന്നുകള് പിടിക്കാന് ഇനി ബാര്കോഡും
വളരെയധികം ഗുരുതരമായ ആരോഗ്യ പ്രശ്നങ്ങള്ക്കിടയാക്കി നിര്ബാധം വില്ക്കുന്ന വ്യാജ മരുന്നുകള് പിടിക്കാന് ജി.എസ്.ടിയുടെ ഭാഗമായി ബാര് കോഡും വരുന്നു. ഓരോ കമ്പനിയുടെയും ഓരോ മരുന്നിനും പ്രത്യേകം ബാര് കോഡുണ്ടായിരിക്കും. വ്യാജനെ ഇതിലൂടെ കണ്ടെത്താം. ആറ് മാസത്തിനുള്ളില് ഇത് നിലവില്വരും. മരുന്നുകള് ഏറ്റവും കൂടുതല് ഉപയോഗിക്കുന്ന കേരളത്തിലാണ് വ്യാജമരുന്നുകളും കൂടുതല് വില്ക്കുന്നത്. ഒറിജിനലില് നിന്ന് വേറിട്ട് അറിയാന് കഴിയാത്തതിനാല് വ്യാജനും വിറ്റുപോവുകയാണ്. ചാത്തന്' എന്നറിയപ്പെടുന്ന നിലവാരമില്ലാത്ത മരുന്നുകളിറക്കുന്ന കമ്പനികളുടെ പേരില്മാത്രമല്ല നിലവാരമുള്ള വന്കിട കമ്പനിയുടെ പേരിലും വ്യാജ മരുന്നുകള് വിപണിയിലെത്തുന്നു. ഇത് കണ്ടെത്താന് ഡ്രഗ്സ് കണ്ട്രോള് വിഭാഗം മെഡിക്കല് സ്റ്റോറുകളില് പരിശോധന നടത്തുന്നുമില്ല. ബാര്കോഡ് ഒറിജിനലിന് മാത്രമായിരിക്കും. മരുന്ന് ഒറിജിനല് ആണോ എന്നറിയാന് ബാര്കോഡ് സ്കാന് ചെയ്താല് മതിയാകും. ഇത് നിലവില് വരുന്നതോടെ മെഡിക്കല് സ്റ്റോറുകള്ക്ക് കമ്പ്യൂട്ടര് അനിവാര്യമാകും.
ജി.എസ്.ടി വന്നതോടെ ബില്ല് നല്കാതെ മരുന്ന് വില്ക്കാനാവില്ല
ബില്ലില് ബാര് കോഡ്, ഡോക്ടറുടെ പേര്, ഫാര്മസിസ്റ്റിന്റെ പേര്, മെഡിക്കല് സ്റ്റോര് ഉടമയുടെ പേര് എന്നിവ രേഖപ്പെടുത്തും
തിരിമറി ഒഴിവാക്കാന് ഡോക്ടര്മാരുടെയും ഫാര്മസിസ്റ്റുകളുടെയും മെഡിക്കല് സ്റ്റോര് ഉടമയുടെയും രജിസ്ട്രേഷന് ആധാര് ഡാറ്റാ ബേസുമായി ബന്ധിപ്പിക്കും
ഡ്രഗ്സ് കണ്ട്രോള് വിഭാഗം മെഡിക്കല് സ്റ്റോറുകളില് പരിശോധന നടത്താതിരിക്കുകയും ബില്ല് നല്കാതിരിക്കുകയും ചെയ്താലേ വ്യാജ മരുന്നുകള് വില്ക്കാനാവൂ
ആന്ധ്രയിലെ മുഴുവന് മെഡിക്കല് സ്റ്റോറുകളിലും പുതിയ സംവിധാനം വന്നതോടെ വ്യാജന്മാര് പമ്പകടന്നു. ഉത്തര് പ്രദേശില് 16,000 രജിസ്റ്റേര്ഡ് ഫാര്മസിസ്റ്റുകളും 80,000 മെഡിക്കല് സ്റ്റോറുകളുമാണുള്ളത്. അവിടെയും വ്യാജന് തലപൊക്കിയപ്പോള് ഹൈക്കോടതി നിര്ദ്ദേശ പ്രകാരം ആധാറുമായി ലിങ്ക് ചെയ്യിപ്പിച്ചു.
https://www.facebook.com/Malayalivartha