ഡി.വൈ.എഫ്.ഐ പ്രവര്ത്തകര് എ.ഐ.വൈ.എഫ് നേതാവിനെ വെട്ടി
മുഖത്തലയില് സി.പി.എം സി.പി.ഐ സംഘര്ഷം രൂക്ഷം. ഡി.വൈ.എഫ്.ഐ പ്രവര്ത്തകരുടെ വെട്ടേറ്റ് എ.ഐ.വൈ.എഫ് നേതാവിന് ഗുരുതര പരിക്ക്. എ.ഐ.വൈ.എഫ് കൊല്ലം ജില്ലാ വൈസ് പ്രസിഡന്റും എ.ഐ.എസ്.എഫ് സംസ്ഥാന സെക്രട്ടേറിയേറ്റംഗവുമായ സി.ഗിരീഷിനെയാണ് ഡി.വൈ.എഫ്.ഐ പ്രവര്ത്തകര് സംഘം ചേര്ന്ന് വെട്ടിപ്പരിക്കേല്പ്പിച്ചത്.
എ.ഐ.വൈ.എഫ് വില്ലേജ് കമ്മിറ്റിയില് പങ്കെടുത്തശേഷം മുഖത്തലയിലെ സി.പി.ഐ ഓഫീസില് നിന്ന് വീട്ടിലേയ്ക്ക് മടങ്ങുകയായിരുന്ന ഗിരീഷിനെ മുഖത്തല വില്ലേജ് ഓഫീസിന് സമീപത്ത് വച്ചാണ് ഇരുട്ടില് പതിയിരുന്ന അഞ്ചംഗ സംഘം ആക്രമിച്ചത്.
ബുധനാഴ്ച രാത്രി 11നായിരുന്നു ആക്രമണം. ബൈക്കില് പോകുകയായിരുന്ന ഗിരീഷിനെ ചവുട്ടി വീഴ്ത്തിയശേഷം വെട്ടിപ്പരിക്കേല്പ്പിക്കുകയായിരുന്നു. ഇരുമ്പ് വടികൊണ്ടുള്ള അടിയേറ്റ് ഗിരീഷിന്റെ പല്ലുകളും താടിയെല്ലും പൂര്ണമായും ഇളകി. ബോധരഹിതനായ ഗിരീഷിനെ തലങ്ങും വിലങ്ങും മര്ദ്ക്കുകയായിരുന്നു. നട്ടെല്ലിനും പരിക്കേറ്റു. ഇടതുകൈയുടെ ചൂണ്ടുവിരല് അറ്റു. കമ്മിറ്റി കഴിഞ്ഞ് മടങ്ങുകയായിരുന്ന ഗിരീഷിനെ അക്രമിസംഘം പിന്തുടരുകയായിരുന്നു.
ബൈക്കിലെത്തിയ സംഘമാണ് ഗിരീഷിനെ വെട്ടിവീഴ്ത്തിയത്. ബഹളം കേട്ട് സമീപത്തെ വീടുകളിലെ ലൈറ്റ് തെളിച്ചതോടെയാണ് അക്രമിസംഘം ഗിരീഷിനെ ഉപേക്ഷിച്ച് കടന്നത്. മെഡിസിറ്റിയില് തീവ്രപരിചരണ വിഭാഗത്തില് പ്രവേശിപ്പിച്ച ഗിരീഷിനെ അടിയന്തിര ശസ്ത്രക്രിയയ്ക്ക് വിധേയമാക്കി. സംഭവത്തില് പ്രതിഷേധിച്ച് എഐവൈഎഫ്എഐഎസ്എഫ് പ്രവര്ത്തകര് ചിന്നക്കടയില് പ്രതിഷേധമാര്ച്ച് നടത്തി. മുഖത്തലയില് പ്രതിഷേധയോഗവും നടത്തി.
https://www.facebook.com/Malayalivartha