പോസ്റ്റിലിടിച്ച കാറിലൂടെ വൈദ്യുതി പ്രവഹിച്ചു; യുവാവ് രക്ഷപ്പെട്ടത് അത്ഭുതകരമായി
പോസ്റ്റിലിടിച്ചു നിന്ന കാറിനുള്ളില് നിന്ന് യാത്രക്കാരന് രക്ഷപ്പെട്ടത് അത്ഭുതകരമായി. പോസ്റ്റ് ഒടിഞ്ഞു വീഴുകയും കാറിനു മുകളിലേയ്ക്ക് വൈദ്യുതി ലൈനുകള് പൊട്ടി വീഴുകയും ചെയ്തു. തുടര്ന്ന് കാറിന് മുകളിലൂടെ വൈദ്യുതി പ്രവഹിച്ച് തുടങ്ങി.
പുറത്തിറങ്ങാതെ ബുദ്ധിപൂര്വ്വം പ്രവര്ത്തിച്ചതിനാല് ഉടമ ചേലമറ്റം സ്വദേളി സോമന് അത്ഭുതകരമായി രക്ഷപ്പെട്ടു. പുറത്തിറങ്ങാന് ശ്രമിച്ചിരുന്നെങ്കില് വൈദ്യുതാഘാതമേറ്റേനെ.
ഇന്നലെ രാവിലെ എട്ടിന് കോട്ടയംകോഴഞ്ചേരി റോഡില് തോട്ടയ്ക്കാട് പാറപ്പ വളവിലാണ് സംഭവം. കറുകച്ചാല് ഭാഗത്തുനിന്ന് തോട്ടയ്ക്കാട്ട് ഭാഗത്തേയ്ക്ക് വന്ന കാര് വളവു തിരിയുന്നതിനിടെ റോഡരികിലെ 11കെവി പോസ്റ്റില് നിയന്ത്രണം വിട്ട് ഇടിക്കുകയായിരുന്നു. തുടര്ന്ന് പോസ്റ്റ് ഒടിഞ്ഞ് ലൈനുകള് പൊട്ടി കാറിന് മുകളില് പതിക്കുകയായിരുന്നു.
വൈദ്യുതി പ്രവഹിക്കുന്നുണ്ടെന്ന് മനസ്സിലാക്കി സോമന് പുറത്തിറങ്ങിയില്ല. അരമണിക്കൂറിന് ശേഷം കെഎസ്ഇബി ജീവനക്കാരെത്തി വൈദ്യുതി വിഛേദിച്ച ശേഷം സുരക്ഷിതമായി പുറത്തിറങ്ങുകയായിരുന്നു.
https://www.facebook.com/Malayalivartha