യുവാവിന്റെ തലയിലും നെറ്റിയിലും വാഹനത്തിന്റെ ഹെഡ്റെസ്റ്റ് തുളച്ചു കയറി ; രക്ഷകനായത് സംഭവസ്ഥലത്ത് അപ്രതീക്ഷിതമായി എത്തിച്ചേർന്ന യുവാവ് ; ഉല്ലാസിന്റെ രണ്ടാം ജന്മം വാർത്തയാക്കി വിദേശമാധ്യമങ്ങളും
പുനര്ജന്മം എന്നു പറയുന്നതിന് ഉദാഹരണമാണ് 29കാരനായ ഉല്ലാസ് കുമാറിന്റെ ജീവിതത്തിലേക്കുള്ള അതിജീവനം. വിമാനത്താവളത്തില് നിന്ന് സഹോദരനെ കൂട്ടാന് ഡ്രൈവര്ക്കൊപ്പം യാത്ര ചെയ്യവേയാണ് ഉല്ലാസിനെ തേടി അപകടമെത്തിയത്. സഞ്ചരിച്ചിരുന്ന കാർ ഒരു ലോറിയുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ഉല്ലാസിന്റെ തല ഹെഡ് റെസ്റ്റിലെ കമ്പിയിൽ തുളച്ച് കയറി. സംഭവത്തിൽ ഡ്രൈവര് അബ്ദുള് വഹാബ് തല്ക്ഷണം മരിച്ചു.
എന്നാൽ ഉല്ലാസിന്റെ കാര്യത്തിൽ ഇത് അത്ഭുതകരമായ അതിജീവനമാണ് സംഭവിച്ചത്. ഇതുപൊലൊരു വലിയ അപകടത്തിന് ശേഷം താന് ജീവിതത്തിലേക്ക് തിരിച്ചുവരുമെന്ന് ഒരിക്കലും കരുതാനാവില്ലെന്ന് ഉല്ലാസ് പറയുന്നു. കോഴിക്കോട് സ്വകാര്യ ആശുപത്രിയില് നാലുമണിക്കൂര് നീണ്ട ശസ്ത്രക്രിയയ്ക്ക് ഒടുവിലാണ് നെറ്റി തുളച്ചുകയറിയ ആ ഇരുമ്പ് കമ്പി കണ്ണുകള്ക്ക് ഒരുപോറല് പോലും ഏല്ക്കാതെ ഡോക്ടര്മാര് നീക്കം ചെയ്തത്. സംഭവം ദേശീയ മാധ്യമങ്ങളിൽ മാത്രമല്ല. വിദേശ മാധ്യമങ്ങളിലും റിപ്പോർട്ട് ചെയ്തു.
കാഴ്ചശക്തിയെ ബാധിക്കാതെ ശസ്ത്രക്രിയ നടത്തുക ശ്രമകരമായ ജോലിയായിരുന്നുവെന്ന് ഡോക്ടര്മാര് പറഞ്ഞു. അപകടസ്ഥലത്ത് തലയിൽ കമ്പി തുളച്ചു കയറിയ ഉല്ലാസിന്റെ അവസ്ഥ കണ്ട് പലരും അടുക്കാന് മടിച്ചു. എന്നാൽ ഒരു യുവാവ് മാത്രമാണ് സഹായത്തിനെത്തിയത്. ഇത് അപകടകരമായ അവസ്ഥയാണെന്ന് തിരിച്ചറിഞ്ഞ് ഇരുമ്പ് കമ്പി എടുത്തുമാറ്റാന് അയാള് ശ്രമിച്ചു. കൂടാതെ മതിയായ ശുശ്രൂഷ നല്കുകയും ചെയ്തു.
https://www.facebook.com/Malayalivartha