പ്രശസ്തി നേടിയതോടെ ഡോക്ടറും കൈയൊഴിഞ്ഞെന്ന് ഇമാന്റെ മാതാവ്
പ്രശസ്തി നേടാന് സെയ്ഫി ഹോസ്പിറ്റലും ബാരിയാട്രിക് സര്ജന് ഡോ. മുഫസല് ലക്ഡാവാലയും മകളെ കരുവാക്കുകയായിരുന്നുവെന്ന് ആരോപിച്ച്, ലോകത്തെ ഏറ്റവും ഭാരമുള്ള വനിതയായി കരുതപ്പെടുന്ന ഈജിപ്തുകാരി ഇമാന് അഹ്മദ് അബ്ദുലാത്തിയുടെ മാതാവ് തന അഹ്മദും രംഗത്ത്. ഇമാന്റെ ശരീരഭാരം കാര്യമായി കുറഞ്ഞിട്ടില്ലെന്ന് സഹോദരി ശൈമ വിഡിയോയിലൂടെ ആരോപണമുന്നയിച്ചതിന് പിന്നാലെയാണ് മാതാവും രംഗത്തെത്തിയത്.
നടക്കാന് കഴിയും വരെ ഇമാനെ ഹോസ്പിറ്റലില് പാര്പ്പിച്ച് ചികിത്സിക്കുമെന്നാണ് മൂന്നു മാസം മുമ്പ് വീട്ടിലെത്തി ഡോ. മുഫസല് ലക്ഡാവാല വാക്കുതന്നത്. എന്നാല്, മകളുടെ ചികിത്സയുടെ പേരില് പ്രശസ്തിയും അവാര്ഡും നേടിയതോടെ അദ്ദേഹം കൈയൊഴിഞ്ഞു. ഇപ്പോള് അദ്ദേഹത്തിന് ഇമാനെ തിരിച്ചയക്കണം. അവാര്ഡ്ദാന ചടങ്ങില് മകള് അനക്കമില്ലാതിരിക്കെ അദ്ദേഹം ചിരി നടിക്കുന്നതാണ് കണ്ടത് 54കാരിയായ തന ആരോപിച്ചു.
തന്റെ മകളുടെ ജീവന് അപകടത്തിലാണെന്നും അവളെ മറ്റെവിടെയെങ്കിലും കൊണ്ടുപോയി ചികിത്സിക്കാന് സഹായിക്കണമെന്നും തന അഭ്യര്ഥിക്കുന്നു. ഈജിപ്ത് സൈന്യവും അവിടത്തെയും ദുബൈയിലെയും വിവിധ ഹോസ്പിറ്റലുകളും നല്കിയ വൈദ്യസഹായങ്ങള് വേണ്ടെന്നുവെച്ചാണ് മുംബൈയിലെ ഹോസ്പിറ്റലിനെയും ഡോക്ടറെയും വിശ്വാസത്തിലെടുത്തതെന്ന് ഇമാന്റെ ബന്ധുക്കള് പറഞ്ഞു.
https://www.facebook.com/Malayalivartha