ഇത് ദൈവത്തിന്റെ കോപം..ബച്ചന്റെ ട്വീറ്റ് വൈറൽ
മഴക്കെടുതിയില്‍ മുന്നറിയിപ്പ് നല്‍കി നടന്‍ അമിതാബ് ബച്ചൻ. ട്വിറ്ററിലൂടെയാണ് അദ്ദേഹം മുന്നറിപ്പ് നൽകിയത്. ബച്ചന്റെ ട്വീറ്റ് ഇങ്ങനെയാണ്;
ദൈവം വീണ്ടും കോപിച്ചിരിക്കുകയാണ്. വന്‍ ഇടിമുഴക്കത്തോടൊപ്പം കനത്ത മഴയും മുംബൈയില്‍ എത്തിയിരിക്കുന്നു. വീടുകളില്‍ സുരക്ഷിതരായി കഴിയുക.
കഴിഞ്ഞ ദിവസം തകര്‍ത്തുപെയ്ത മഴ മുംബൈ നഗരത്തിനെ വെള്ളത്തിലാക്കിയിരിക്കുകയാണ്. ട്വിറ്റര്‍ സന്ദേശങ്ങളിലൂടെയാണ് മുംബൈ ജനത തങ്ങളുടെ രോഷം പങ്കുവയ്ക്കുന്നത്. ടെന്നീസ് താരം മഹേഷ് ഭൂപതിയും നടി സയാമി ഖേറും വിമര്‍ശിച്ചവരില്‍ പെടും. രാത്രി മുഴുവന്‍ മഴ തുടര്‍ന്നതോടെ പ്രധാനപ്പെട്ട റൂട്ടുകളില്‍ അടക്കം ഗതാഗതം സ്തംഭിച്ചു. മുംബൈയുടെ ജീവനാഡിയായ ലോക്കല്‍ ട്രെയിനുകളുടെ സര്‍വീസിനെയും മഴ ബാധിച്ചു.
പലയിടത്തും വേഗത കുറച്ചും വൈകിയുമാണ് ട്രെയിന്‍ സര്‍വീസ് നടത്തുന്നത്. പല വിമാന സര്‍വീസുകളും റദ്ദാക്കി. മുംബൈ വിമാനത്താവളത്തിലെ പ്രധാന റണ്‍വേ അടച്ചതോടെ 56 ഓളം വിമാനങ്ങള്‍ വഴിതിരിച്ചുവിട്ടു. രണ്ടാമത്തെ റണ്‍വേയില്‍ വിമാനങ്ങള്‍ എത്തുന്നുണ്ട്.
നഗരത്തിലെ സ്‌കൂളുകള്‍ക്കും കോളജുകള്‍ക്കും ഇന്ന് അവധി നല്‍കി. ഒരിക്കലും പണിമുടക്ക് ബാധിക്കാതിരുന്ന ദബ്ബ ഡെലിവറിയും ഇന്ന് താറുമാറായി. ദബ്ബവാലകള്‍ ഇന്ന് സര്‍വീസ് നടത്തില്ലെന്ന് മുംബൈ ദബ്ബവാല അസോസിയേഷന്‍ ക്താവ് സുഭാഷ് തലേകര്‍ പറഞ്ഞു. വിമാനസര്‍വീസുകളില്‍ മാറ്റം വരുത്തിയ വിവരം മുംബൈ എയര്‍പോര്‍ട്ട് അധികൃതര്‍കൃത്യസമയത്ത് അറിയിച്ചില്ലെന്നത് പല കോണുകളില്‍ നിന്നും പ്രതിഷേധത്തിനിടയാക്കി.
ദക്ഷിണ മുംബൈ, കന്ദിവിലി, ബോറിവലി, സഅന്തേരി, ബാന്ദഅപ് എന്നിവിടങ്ങളിലാണ് ഏറ്റവും കൂടുതല്‍ മഴ ലഭിച്ചത്. രണ്ടു മാസത്തിനുള്ളില്‍ ഇത് രണ്ടാം തവണയാണ് മുംബൈ മഴയില്‍ മുങ്ങുന്നത്. ബാന്ദ്ര റെയില്‍വേ കോളനി, എസ്.വി റോഡ് തുടങ്ങി പലയിടങ്ങളിലും വെള്ളം കയറി. ഇവിടെങ്ങളിലെല്ലാം ഗതാഗതം വഴിതിരിച്ചുവിടുകയാണ്. അടുത്ത 24 മണക്കൂര്‍ കൂടി മഴ തുടരുമെന്നാണ് റിപ്പോര്‍ട്ട്. എങ്കിലും മഴയുടെ ശക്തി കുറഞ്ഞത് മുംബൈ നിവാസികള്‍ക്ക് ആശ്വാസമായിട്ടുണ്ട്.
https://www.facebook.com/Malayalivartha
