കാമുകനോടൊപ്പം മോശം സാഹചര്യത്തില്‍ കണ്ടെത്തിയ വിവാഹിതയായ യുവതിയുടെ വസ്ത്രങ്ങള്‍ നാട്ടുകാര്‍ വലിച്ചു കീറി. ബിഹാറിലെ ഗയയിലാണ് വിവാഹിതയായ യുവതി തന്റെ കാമുകനോടൊപ്പം ഒരു പാര്‍ക്കില്‍ മോശം സാഹചര്യത്തില്‍ കാണപ്പെട്ടത്. പാര്‍ക്കിലെ ഒരു ഒഴിഞ്ഞ കോണില്‍ കുറ്റിക്കാടുകള്‍ക്കിടയിലായിരുന്നു യുവതിയേയും കാമുകനേയും കാണപ്പെട്ടത്.

സംശയം തോന്നിയ നാട്ടുകാര്‍ ഇരുവരേയും ചോദ്യം ചെയ്തതിനെ തുടര്‍ന്നാണ് കള്ളി വെളിച്ചത്തായത്. ഇതിനിടയില്‍ ചിലര്‍ വീഡിയോ എടുക്കാന്‍ ശ്രമിച്ചത് ഇരുവരേയും പരിഭ്രാന്തരാക്കി. വീഡിയോ എടുക്കരുതെന്നും തനിക്ക് ഒരു കുടുംബം ഉള്ളതാണെന്നും യുവതി കേണപേക്ഷിച്ചു.

ചോദ്യം ചെയ്യലിനിടെ കാമുകന്റേയും യുവതിയുടേയും വസ്ത്രങ്ങള്‍ വലിച്ചു കീറാനും നാട്ടുകാര്‍ ശ്രമിച്ചു. അവസാനം പൊലിസ് എത്തിയാണ് ഇരുവരേയും രക്ഷിച്ചത്. തങ്ങള്‍ മുന്‍പും പല തവണ ഇത്തരത്തില്‍ കണ്ടുമുട്ടാറുള്ളതായി യുവതി പൊലീസിന് മൊഴി നല്‍കി.