പശുക്കളെ സംരക്ഷിക്കാൻ പ്രത്യേക പോലീസ്സംഘ നിയമനവുമായി ഉത്തരാഖണ്ഡിലെ ബിജെപി സര്ക്കാര്
പശുക്കളെ സംരക്ഷിക്കാൻ ഒരുങ്ങുകയാണ് ഉത്തരാഖണ്ഡിലെ ബിജെപി സര്ക്കാര്. അതിനായി പ്രത്യേക പോലീസ് സംഘത്തെ രൂപീകരിക്കുന്നു. മുഖ്യമന്ത്രി ത്രിവേന്ദ്ര സിംഗ് റാവത്താണ് പശു സംരക്ഷണത്തിന് പോലീസുകാരെ നിയമിക്കാനുള്ള പദ്ധതി പ്രഖ്യാപനവുമായി രംഗത്തെത്തിയത്. കുമാവ്, ഗാര്വാള് എന്നീ മേഖലകളിലാണ് പ്രത്യേക പോലീസ് സംഘം നിയമിതമാകുന്നത്. സംഘത്തില് 11 പോലീസുകാരുണ്ടാകും.
ഉത്തരാഖണ്ഡ് തലസ്ഥാനമായ ഡെറാഡൂണില് നിന്നും 70 കിലോമീറ്റര് അകലെയാണ് കത്തര്പൂര് ഗ്രാമം. ഇവിടെ പശു സംരക്ഷണ സ്മാരകം തന്നെയുണ്ട്. 1918-ല് നടന്ന സമരത്തിന്റെ ഓര്മ്മയില് വര്ഷംതോറും ഇവിടെ പ്രത്യേക പരിപാടികള് നടന്നു വരുന്നുണ്ട്. ഹരിദ്വാറിലെ കത്താര്പൂര് ഗ്രാമം പശു തീര്ത്ഥാടന കേന്ദ്രമായി വികസിപ്പിക്കണമെന്ന് നേരത്തെതന്നെ ആര്എസ്എസ് ആവശ്യപ്പെട്ടിരുന്നു. ഇക്കാര്യം ആവശ്യപ്പെട്ട് ആര്എസ്എസ് നേതാക്കള് റാവത്തിനെ സന്ദര്ശിക്കുകയും ചെയ്തിട്ടുണ്ട്.
പശുവിനെ കൊല്ലുന്നതിനെതിരെ സമരം ചെയ്ത് ജീവന് വെടിഞ്ഞ ഹിന്ദുക്കളുടെ നാടാണിതെന്നും ഇവരുടെ സ്മരണയ്ക്കായി പശു തീര്ഥാടന കേന്ദ്രം സ്ഥാപിക്കണമെന്നുമാണ് ആര്എസ്എസിന്റെ ആവശ്യം. സമരത്തില് കൊല്ലപ്പെട്ടവരെ സ്വാതന്ത്ര്യ സമര പോരാളികളായി പ്രഖ്യാപിക്കണമെന്നും ആര്എസ്എസ് ആവശ്യപ്പെട്ടിരുന്നു.
https://www.facebook.com/Malayalivartha