ആധാറുമായി ബന്ധപ്പെട്ട കേസുകള് സുപ്രീം കോടതിയുടെ അഞ്ചംഗ ഭരണഘടന ബെഞ്ച് നാളെ പരിഗണിക്കും
ആധാറുമായി ബന്ധപ്പെട്ട കേസുകള് സുപ്രീം കോടതിയുടെ അഞ്ചംഗ ഭരണഘടന ബെഞ്ച് നാളെ പരിഗണിക്കും. ചീഫ് ജസ്റ്റിസ് ദീപക് മിശ്ര, ജസ്റ്റിസുമാരായ എ.കെ സിക്രി, എ.എം ഖാന്വില്ക്കര്, ഡി.വൈ ചന്ദ്രചൂഢ്, അശോക് ഭൂഷന് എന്നിവരടങ്ങിയ ബെഞ്ചാണ് കേസ് പരിഗണിക്കുക.
ആധാറുമായി ബന്ധപ്പെട്ട കേസില് അടിയന്തിര വാദം കേള്ക്കണമെന്ന ഹരജി പരിഗണിക്കവെയാണ് മുതിര്ന്ന അഭിഭാഷകരായ ശ്യാം ദിവാനോടും വിപിന് നായരോടും കേസ് നാളെ പരിഗണിക്കുമെന്ന് ചീഫ് ജസ്റ്റിസ് അറിയിച്ചത്.
ആധാര് ബന്ധിപ്പിക്കേണ്ട അവസാന തീയതി നീട്ടണമെന്നതുള്പ്പെടെയുള്ള ഹരജികളാണ് നാളെ പരിഗണനക്ക് വരിക. നിലവില് ആധാറുള്ളവര്ക്ക് അവരുടെ ബാങ്ക് അക്കൗണ്ടുകള് ആധാറുമായി ബന്ധിപ്പിക്കണമോ എന്നു തീരുമാനിക്കാനുള്ള അവകാശമുണ്ടെന്ന ഹരജിയിലും 2018 ഫെബ്രുവരി ആറിനുള്ളില് മൊബൈല് നമ്പറുമായി ആധാര് ബന്ധിപ്പിക്കണമെന്ന ഉത്തരവിനെതിരെ നല്കിയ ഹരജിയിലും നാളെ തീരുമാനമെടുക്കും.
https://www.facebook.com/Malayalivartha