ഹോസ്റ്റലില് എത്താന് വൈകി...പെണ്കുട്ടിയെ രാത്രി ഹോസ്റ്റലില് നിന്ന് ഇറക്കിവിട്ടു
ഹോസ്റ്റലില് എത്താന് വൈകിയ വിദ്യാര്ഥികള്ക്കെതിരെ അധികൃതരുടെ പ്രതികാര നടപടി. വിദ്യാര്ഥിയെ രാത്രി ഹോസ്റ്റലില് പ്രവേശിപ്പിക്കാതെ ഇറക്കിവിട്ടു. തുടര്ന്ന് പെണ്കുട്ടികളുടെ ഹോസ്റ്റലായ കബനിയുടെ മുന്നിലാണ് ശില്പ രാത്രി കഴിച്ചുകൂട്ടിയത്. തുടര്ന്ന് അഞ്ചു വിദ്യാര്ഥികളെയാണ് ഹോസ്റ്റല് നിയമങ്ങള് ലംഘിച്ചു എന്നാരോപിച്ച് രജിസ്ട്രാര് നേരിട്ട് ഇടപ്പെട്ട് പുറത്താക്കിയത്. ശില്പ ബോസ്, അലീന ജോര്ജ്, അഭിനന്ദ് കിഷോര്, സുബ്രഹ്മണ്യന്, അവല രാമു എന്നീ വിദ്യാര്ത്ഥികളെയാണ് നിയമലംഘനം എന്തെന്ന് വ്യക്തമാക്കാതെ പുറത്താക്കിയിരിക്കുന്നത്.
ഹോസ്റ്റല്മെസ് സൗകര്യങ്ങള് വിദ്യാര്ഥികള്ക്ക് നിഷേധിക്കാനുള്ള സര്വകലാശാല അധികൃതരുടെ നീക്കങ്ങള്ക്കെതിരെ വിദ്യാര്ഥികള് നിരാഹാര സമരമടക്കം നടത്തിയിരുന്നു. ഇതോടെ ഹോസ്റ്റല് നിയമങ്ങള് കര്ശനമാക്കി വിദ്യാര്ഥികളെ വരിഞ്ഞുമുറുക്കാനാണ് അധികൃതരുടെ ശ്രമം. മെസ് നിര്ത്തലാക്കുന്നതിനെതിരെ സമരംഗത്തുണ്ടായിരുന്നവരെ തെരഞ്ഞുപിടിച്ച് പ്രതികാര നടപടിയെടുക്കാനും ശ്രമം നടക്കുന്നതായി വിദ്യാര്ഥികള് പറയുന്നു.
എന്നാല് ശില്പയെ സസ്പെന്ഡ് ചെയ്തുകൊണ്ടുള്ള ഉത്തരവില് ഇതും ശില്പയുടെ പേരിലുള്ള കുറ്റമായാണ് ആരോപിക്കുന്നത്. 'ശില്പ ആണ്കുട്ടികളുമായി ചേര്ന്ന് ഹോസ്റ്റലിനുപുറത്ത് ചുറ്റിത്തിരിയുകയായിരുന്നു' എന്നാണ് സസ്പെന്ഷന് ഓര്ഡറിലെ പരാമര്ശം. ഹോസ്റ്റലില് പ്രവേശനം നിഷേധിച്ച് പെണ്കുട്ടിയെ രാത്രി ഇറക്കി വിട്ടതിനു പുറമേ ഈ വിദ്യാര്ഥിനിക്ക് പുറത്ത് തങ്ങാന് സഹപാഠികള് സഹായം നല്കിയതിനെക്കുറിച്ച് സദാചാര ചുവയുള്ള ആരോപണം ഉന്നയിക്കുകയാണ് സര്വകലാശാല അധികൃതര് ചെയ്യുന്നതെന്നാണ് വിദ്യാര്ഥികളുടെ പരാതി.
https://www.facebook.com/Malayalivartha