മോതിരമിടാന്‍ മോതിരവിരല്‍ തന്നെയുണ്ട്. എങ്കിലും നടുവിരലിലും ചെറുവിരലലും ചൂണ്ടുവിരലിലുമെല്ലാം മോതിരമിടുന്നവര്‍ കുറവല്ല. വിരലുകളില്‍ മോതിരമിടുന്നത് വെറും ഫാഷന്റെയോ ഭംഗിയുടേയോ പേരിലല്ല. പല വിരലുകളില്‍ മോതിരമിടുന്നതു വ്യത്യസ്തമായ പല ഗുണങ്ങളും നല്‍കുന്നുമുണ്ട്. ഓരോ വിരലുകളിലും മോതിരമിടുന്നതു കൊണ്ടുള്ള വ്യത്യസ്ത ഗുണങ്ങളെക്കുറിച്ചറിയൂ,

ചൂണ്ടുവിരല്‍ നേതൃത്വം, ആത്മവിശ്വാസം, അധികാരം എന്നിവയേയാണു കാണിയ്ക്കുന്നത്. ഈ വിരലിൽ മോതിരമിടുന്നത് ആത്മവിശ്വാസം വർദ്ദിപ്പിക്കും. നല്ല നേതൃഗുണം നൽകും. അധികം ഉപയോഗിക്കാത്ത കയ്യിലാണ് ഇടുന്നതെങ്കിൽ, അതായത് വലംകയ്യന്മാർ ഇടംകയ്യിലെ ചൂണ്ടുവിരലിലും ഇടംകയ്യന്മാർ വലതുകയ്യിലുമാണെങ്കില് മറ്റുള്ളവരുടെ നേതൃത്വം അംഗീകരിയ്ക്കുന്നതിനെ സൂചിപ്പിയ്ക്കുന്നു.

നടുവിരലിൽ മോതിരമിടുന്നത് ഉത്തരവാദിത്വം, സൗന്ദര്യം, സ്വയംവിശകലനം എന്നിവയെ സൂചിപ്പിയ്ക്കുന്നു.

മോതിരവിരലിൽ മോതിരമിടുന്നത് സൗന്ദര്യം, സര്ഗാത്മകത, മറ്റുള്ളവരുമായുള്ള ബന്ധം എന്നിവയെ സൂചിപ്പിയ്ക്കുന്നു. ഇത് പ്രണയവും സ്നേഹവും പ്രതിഫലിപ്പിയ്ക്കുന്ന ഒന്നു കൂടിയാണ്. വിവാഹമോതിരം അണിയുന്നത് മോതിരവിരലിലാണ്.

ചെറുവിരലിൽ മോതിരമണിയുന്നത് ആശയവിനിമയം, ബുദ്ധികൂര്മത, അന്തര്ജ്ഞാനം എന്നിവയെ സൂചിപ്പിയ്ക്കുന്നു. വിലപേശലില് മിടുക്കനായ ആള്. ഈ വിരലില് മോതിരമണിയുന്നതിന് മത, സാസ്കാരികപരമായ യാതൊരു അർത്ഥങ്ങളുമില്ല.

തള്ളവിരലിൽ അപൂർവമായെങ്കിലും മോതിരമണിയുന്നവരുണ്ട്. വലത് തള്ളവിരലിൽ ഇതണിയുന്നത് ആഗ്രഹങ്ങളും അതേ സമയം ഇതു സംബന്ധിച്ച ആശയക്കുഴപ്പവും കാണിയ്ക്കുന്നു. ഇടതുവിരലിലാണെങ്കിൽ ആത്മസംഘർഷം സൂചിപ്പിയ്ക്കുന്നു.