പൊതുമേഖലാ സ്ഥാപനമായ ഫുഡ് കോര്‍പ്പറേഷന്‍ ഓഫ് ഇന്ത്യ വിവിധ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. വിവിധ മേഖലകളിലായി 4318 ഒഴിവുകളാണുള്ളത്. കേരളമുള്‍പ്പെടുന്ന സൗത്ത് സോണില്‍ 1198 ഒഴിവുകളുണ്ട്. സ്ത്രീകള്‍ക്ക് അപേക്ഷാ ഫീസില്ല.
ജൂനിയര്‍ എന്‍ജിനീയര്‍ (സിവില്‍/ഇലക്ട്രിക്കല്‍/മെക്കാനിക്കല്‍), അസിസ്റ്റന്റ് ഗ്രേഡ് 3 (ജനറല്‍/അക്കൗണ്ട്‌സ്/ടെക്‌നിക്കല്‍/ഡിപ്പോ), അസിസ്റ്റന്റ് ഗ്രേഡ് 2, ടൈപ്പിസ്റ്റ് (ഹിന്ദി) എന്നീ തസ്തികകളിലാണ് അവസരം.
അപേക്ഷ ഓണ്‍ലൈനില്‍. പരസ്യനമ്പര്‍: 3/2015FCI CATEGORY. അപേക്ഷ സ്വീകരിക്കുന്ന അവസാന തീയതി: മാര്‍ച്ച് 17. ഒഴിവുകള്‍: നോര്‍ത്ത് സോണ്‍ 1702, ഈസ്റ്റ് സോണ്‍ 473, വെസ്റ്റ് സോണ്‍ 779, നോര്‍ത്ത് ഈസ്റ്റ് സോണ്‍ 170.
യോഗ്യത:ജൂനിയര്‍ എന്‍ജിനീയര്‍ (സിവില്‍ എഞ്ചിനീയറിംഗ്) സിവില്‍ എഞ്ചിനീയറിംഗില്‍ ബിരുദം/ഡിപ്ലോമ. ഒരുവര്‍ഷം പ്രവൃത്തിപരിചയം.ജൂനിയര്‍ എന്‍ജിനീയര്‍ (ഇലക്ട്രിക്കല്‍ എഞ്ചിനീയറിംഗ്) ഇലക്ട്രിക്കല്‍ എഞ്ചിനീയറിംഗില്‍ ബിരുദം/ഡിപ്ലോമ. ഡിപ്ലോമക്കാര്‍ക്ക് ഒരുവര്‍ഷം പ്രവൃത്തിപരിചയം.